Жил бүрийн тавдугаар сарын эхний даваа гарагт зохион байгуулагддаг Met Gala хандивын арга хэмжээ орон нутгийн цагаар өнөөдөр өглөө АНУ-ын Нью Йорк хотноо амжилттай зохион байгуулагдлаа.
Жил бүр тодорхой нэг сэдвийн хүрээнд зохион байгуулагддаг эл арга хэмжээ хандивын үйл ажиллагаа гэхээс илүүтэй алдартнуудын хувьд өөрийн нэр хүндийг бататгаж, үнэтэй гоёл чимгээр гоёж, алдартай загвар зохион бүтээгч, нэртэй брэндийн хувцсыг толилуулах бараг л нэг загварын шоу шиг болоод удаж буй.
Тэгвэл энэ удаагийн хандивын үйл ажиллагааны эргэн тойронд болсон онцлох үйл явдлуудыг бид танд хураангуйлан хүргэе.
Арга хэмжээ хаана, хэзээ зохион байгуулагдав?
Энэ оны Met Gala хандивын үйл ажиллагааны хувьд урьдын адил тавдугаар сарын эхний даваа гараг буюу өнгөрөгч 6-ы өдөр Нью Йорк хотын Метрополитан урлагийн музейд зохион байгуулагдлаа. Энэ удаагийн арга хэмжээний хүрээнд тэд “Нойрсож буй үзэсгэлэн гоо: Эргэн сэргэж буй загвар” нэртэй үзэсгэлэнг онцолсон юм.
Арга хэмжээний хөтлөгчид хэн байх вэ?
2024 оны Met Gala арга хэмжээг хоёр хөтлөгч хөтлөх болсон нь жүжигчин Гвендолайн Кристи болон загвар өмсөгч Эшли Грэхэм нар билээ. Харин Vogue сэтгүүлийг төлөөлж youtuber Эмма Чамберлэйн энэ оны арга хэмжээний хөтлөгчийн үүргийг ахин гүйцэтгэсэн юм.
Энэ оны хувцаслалтын сэдэв юу байв?
Өнгөрөгч онд хандивын арга хэмжээнд оролцох зочдын хүрээнд хувцаслалтын сэдэв нь “Карл Лагерфийлд” байсан бол энэ оны сэдэв “Цаг хугацааны цэцэрлэг” байлаа. Харин “Нойрсож буй үзэсгэлэн гоо: Эргэн сэрж буй загвар” гэх шинэ үзэсгэлэнгийн хувьд нийт 250 орчим ховор эд өлгийг толилуулж буй бөгөөд хувцас загварын салбарын 400 гаруй жилийн түүхийг эл үзэсгэлэн өгүүлэх ажээ. Улмаар зарим эд өлөг нь хүн дахин өмсөх ч боломжгүй их элэгдсэн тул тэд тухайн эд өлгийг хиймэл оюун ухаан, гэрлийн тусгал, анимэйшн, график дүрслэл зэрэг технологийн дэвшлээр үзүүлэх болсон байна.
Харин арга хэмжээний тайзны хөтлөлтийг хэн хийв?
Энэ оны хандивын арга хэмжээний тайзны хөтлөлтийг жүжигчин Зендэяа, жүжигчин, дуучин, Женнифер Лопез, уран бүтээлч Бад Банни, жүжигчин Крис Хэмсуорт нар хариуцжээ.
Ингээд энэ оны онцлох загваруудаас сонирхъё.
Эх сурвалж: Vogue