"ЖЕМ ИНТЕРНЭШНЛ" ХХКомпани нь1999 онд байгуулагдсанаас хойш хүнсний спирт, архи, нүүрс хүчлийн хий, амьд шар айрагны үйлдвэрүүдийг үе шаттайгаар ашиглалтанд оруулж, өнөөдөр өндөр мэргэжлийн мэргэшсэн боловсон хүчин бүхий 250 гаруй ажилтан, ажиллагсадтайгаар үйл ажиллагаа явуулж байна.

Манай компанийн эрхэм зорилго:

Тэргүүн чанар, Тэргүүн баталгаа, Төгөлдөр үйлчилгээгээр Төгс хэрэглээг хангахад оршино.

Эрхэм зорилгоо хангаж ажиллахын тулд дараах зорилтуудыг дэвшүүлэн ажилладаг:

1. Олон улсын стандартад нийцсэн бүтээгдэхүүн үйлдвэрлэхийн тулд техник, технологийн шинэ эринтэй мөр зэрэгцэн алхах.,

2. Төрийн бодлого, зах зээлийн онцлогт тохируулан эдийн засгийн үйл ажиллагааг явуулах.,

3. Байгууллагын соёл, дүр төрхийг илэрхийлэх өндөр ур чадвартай боловсон хүчнээр хүний нөөц, багаа бүрдүүлэх.

    Бид өөрийн компаний зах зээлд эзлэх хувийг байнга өсгөн нэмэгдүүлж, санхүүгийн хувьд бүрэн биеэ даасны үндсэн дээр 2001 онд "ЖЕМ ГАЗ" нүүрсхүчлийн хийн үйлдвэр, 2003-2004 онуудад орчин үеийн техник, технологи бүхий архины үйлдвэрийг ашиглалтанд оруулж, мөн онцгой эрхэт борлуулагч "ЖЕМ ТРЕЙД" ХХК-ийг үүсгэн байгуулж, 2007 онд "ЖЕМ ДРАФТ" амьд шар айрагны үйлдвэрийг ашиглалтанд оруулан ажиллаж байна.