Шинэчлэлийн Засгийн газрын иргэдийнхээ санал хүсэлтийг хүлээн авах "11 11 төв"-д өнгөрсөн долоо хоногт буюу 2012 оны 12 сарын 28-ны өдрөөс 2013 оны 01 сарын 04-ний өдөр хүртэл 572 санал хүсэлт, гомдол, талархал, шүүмжлэл иржээ. Уг төвд утас, мессеж, веб сайт, фэйсбүүк, твиттер гэхчлэн 10 сувгаар санал хүсэлтээ ирүүлэх боломжтойгоос утасны дуудлага болон мессежээр саналаа өгөх нь олон байдаг байна.