Энэ нь багийн харилцаа, ажиллагсдын сэтгэл хангалуун байдлыг нэмэгдүүлдэг, мөн байгууллагын зардал нэмэгдэх ч гэсэн багийг нэгтгэх бусад арга хэмжээнээс харьцангуй хямд аж. Бусад арга хэмжээнээс хамаагүй хямд гэдгийг АНУ-ын Сиймлес компанид хийсэн судалгаагаар тогтоосон гэнэ.
Ойролцоо байдаг зоогийн газартайгаа гэрээтэй ажилладаг Сиймлес компаний 1100 ажилтны дунд хийсэн судалгаагаар, оффистоо хоол идэх нь ажил дээрээ өндрөөр үнэлэгдэж байгаа мэт сэтгэгдэл төрүүлдэг гэж оролцогчдын 60% хариулжээ. Гэхдээ компаниуд ажилчдаа жаргалтай байлгахын тулд байнга их хэмжээний мөнгө зарцуулах ёсгүй.
Үйлчлүүлэгчтэйгээ хоол, идэж уух зүйлстэй уулзалт зохион байгуулах нь нилээн түгээмэл байдаг. Тэгвэл ажилчдын 78%-д дотоод уулзалтаа идэх уух зүйлгүй зохион байгуулдаг нь таалагддаггүй бөгөөд үйлчлүүлэгчиддээ санаа тавих нь чухал ч гэсэн ажилчиддаа санаа тавих нь адилхан чухал гэж тэд үздэг.
Ажил дээр хоол, хүнсний зүйлс байх нь ажлаа хийх эрч хүч өгөөд зогсохгүй хамт ажиллагсадтайгаа сайхан харилцаатай байж, үр бүтээлтэй хамтран ажиллахад нь тусладаг гэж ажилчдын 60% үзсэн ба ширээнд хамт хооллонгоо ажлаа ярилцаж, мөн тэндээс хэрэгжүүлж болох шинэ санаа, шийдэл гаргаж болно гэжээ.
Мөн тэдний 41%, хоол, хүнсээр хангах нь компаниас өгч буй хамгийн сайхан бэлэг гэсэн бөгөөд 40% нь стрессийг бууруулдаг гэж хариулсан байна.
Эх сурвалж: jobat.be