Баримт-1: Голландын ажлын сайт болох Карьер Бюлдерийн хийсэн судалгаагаар ажилчдын тал хувь нь хамт ажилладаг хэн нэгэндээ дурлаж байжээ. Зөвхөн 10 ажилтны нэг нь ажил дээрээ хайрлаж дурлах нь байж болошгүй зүйл гэж үзсэн аж.
Тийм болохоор чи л ганцаараа дурлачихаад байгаа юм биш, бүр танай ажлын 2 хүн тутмын нэг нь “ажил дээрээ дурладаг” байх нь.
Баримт- 2: 1000 гаруй ажилчдын дунд хийсэн өөр нэг судалгаагаар, тэдний 23% нь нэг болон түүнээс олон удаа хамт ажилдаг хүндээ дурлаж байсан бол 29% нь бие биедээ харилцан дурлалцаж байжээ.
Тэгвэл чиний хайр бүтэмжтэй байх магадлал ойролцоогоор 1/3.
Баримт-3: 10 хүний нэг нь ажил дээрх хайр дурлалын харилцааг хэзээ ч зөвшөөрөхгүй ба хэн нэгнээс тийм хандлага илэрвэл шууд татгалздаг гэнэ. Тэдний 7% нь иймэрхүү харилцааг том асуудал гэж үздэггүй байхад18% нь хамт ажилдаг хүнтэйгээ хайрын романс үүсгэх нь мэргэжлийн бус, сонирхогчдын хийдэг зүйл гэж боддог.
Энэ бол “цөөнх”. Чи азгүй байж, чиний дурласан залуу/ бүсгүй энэ “цөөнх”-д багтдаг байвал бас хэцүү л дээ. Гэхдээ тийм муу юм гэж юу байхав.
Хайр асуудал биш
“Хоёр ажилтны хооронд хайр дурлалын харилцаа байх нь том асуудал биш бөгөөд ажилд саад учруулдаггүй” гэдгийг Голландын ажил ологчдын холбоо судалгаагаар баталжээ.
Одоо ажлынхнаасаа санаа зоволгүйгээр, зөвхөн, хайртыгаа яаж өөрийн болгохоо л бодож боловсруул даа залуу/ бүсгүй минь. БизНетвөркийн хамт олон чамд амжилт хүсч байна. Хүлээн авна уу.
Т. Энхбаяр