"БизНетвөрк Консалтинг" ХХК их, дээд сургууль төгсөх гэж байгаа оюутан залууст зориулан “Онлайнаар ажлын байраа хэрхэн ангуучлах вэ” нэртэй лекц зохион байгуулж байна.Хамгийн анхны лекц өнгөрсөн долоо хоногт ХААИС дээр болсон бөгөөд тус сургуулийн Экологи, Технологи, Хөгжлийн сургуулийн төгсөх курсын оюутнууд хамрагдлаа. Уг лекцээр “БизНетвөрк Консалтинг” ХХК-ий Гүйцэтгэх захирал Н. Жавхлан ажлын байраа хэрхэн олох, хүний нөөцийн орчин үеийн чиг хандлага, хөдөлмөрийн зах зээл дээр өөрийгөө хэрхэн “үнэтэй” борлуулах зэрэг шинэ төгсөгчдөд хамгийн хэрэгтэй мэдээллүүдийг нь өгч чадсан юм.
Лекцийн дараа оюутнууд сонирхсон асуултаа асууж, зарим нь ганцаарчилсан зөвлөгөө авч байлаа.
ХААИС-ийн Эдийн засаг, Бизнесийн сургуулийн төгсөх курсын оюутан н. Батзориг: “Энэ лекц болохыг мэдээд дадлага хийж байсан газраасаа чөлөө аваад ирсэн. Яг надад хэрэгтэй мэдээллийг хүргэж чадлаа.Их баярлалаа” гэсэн юм.
