За тэгээд суръя гэж бодож байтал яаж сурах уу? хаанаас эхлэх үү? сургалтанд суувал цаг, мөнгийг маань дэмий үрэх болов уу? гэж бодож байвал танд санал болгох 10 онлайн хэрэгслийг танилцуулъя. Эдгээр нь онлайнаар, үнэ төлбөргүйгээр суралцах боломжийг бүрдүүлсэн бөгөөд видео танилцуулга үзэх, асуулгад оролцох, тоглоом тоглонгоо кодыг сурч болох нь ээ.
1. Code/Racer
Treehouse дахь багийн бүтээсэн Code/Racer хэмээх онлайн уралдаант тоглоом. Хэд хэдэн тоглогчид уралдаанд оролцох бөгөөд уг уралдаан нь таныг хурдан хугацаанд HTML, CSS код бичихийг хүчилнэ. Энэ тоглоомноос гадна 650 гаруй танилцуулга видеотой, курсээ дүүргэсний дараа шагнал болох тэмдэгтүүдийг цуглуулдаг.
Мэдээллийн технологийн салбарын шилдэг сургуулийн нэг Массачусетсийн их сургууль онлайн сургалтын сайтын төсөл 2002 онд эхлээд одоог хүртэл өргөжин тэлсээр байгаа. Тус сайтад MIT өөрсдийн бүхий л сургалтын материалуудыг нээлттэйгээр байрлуулсан байдаг. Тэгэхээр дуртай газраасаа дэлхийн шилдэг сургуулийн сургалтанд сууна гэдэг сайхан биш гэж үү. Одоогоор 2150 гаруй хичээлийн материалтай.
3. Udacity
Маш эрчимтэй хөгжиж буй тус сайт нь 2011 онд Stanford-ийн их сургуульд компьютерийн шинжлэх ухааны онлайн ангийг санал болгож байжээ. Udacity-ийхэн өнөөгийн дээд боловсролын систем эвдэрчихсэн гэж үздэг бөгөөд боловсрол гэдэг амьдралд нэг удаа биш бүхэл амьдралын турш туршлага болон үлдсээр байдаг гэж үздэг байна. Тиймээс хүмүүст чанартай дээд боловсрол эзэмшүүлэхээр зорьж байгаа юм. Одоогоор 20 идэвхитэй курсыг бий болгосон байна. Курс бүр нь видео хичээл, хэлэлцүүлэг, тест зэргийг багтаасан.
Мозилла Хөгжүүлэгчдийн Сүлжээ нь вики учир хэн ч агуулга оруулж, засч болно. Нэгнээсээ суралцаж, бас нэгэндээ мэддэгээ зааж өгнө. Имэйл хаягаараа бүртгүүлж ашиглана.
HTML5, CSS3, JavaScript сурахад зориулсан видео танилцуулгуудыг багтаасан. Маш энгийн, ойлгомжтой тайлбарласан танилцуулгууд дээр гарч байгаа кодыг татаж авах, сэтгэгдлээ бичих, асуулт асуух боломжтой.
6. Coursera
Кодоос гадна Эрүүл мэнд, Нийгэм, Математик статистик зэрэг олон төрлийн онлайн сургалтын материалыг агуулдаг, том хэмжээний сургалтын сайт. Станфорд, Мичиган, Принстон, Пенсилванийн их сургууль гээд нэлээд олон их сургуулиудийн онлайн сургалтыг явуулан, хамтран ажилладаг. Англи, Испани, Франц, Итали, Хятад хэл дээр ашиглагдах боломжтой тус сайтад 62 их сургуулийн профессорууд хичээлийг заадаг байна. Сайтад бүртгүүлэн хичээлд сууснаар дэлхийн хэмжээний профессорын лекценд суух, өөрийн түвшинд таарсан мэдлэгийг олж авах, мэдлэгээ шалгах, мөн дэлхий дээрхи мянга мянган оюутнуудтай глобал нийгэмлэгт элсэх боломжтой болох юм.
7. Codecademy
Бусад онлайн боловсролын платформоос онцлогтой нь зөвхөн код заахыг зорьдог. Python, Javascript, Ruby, PHP програмчлалын хэл, мөн HTML, CSS-ийн ангиудтай. Сайтын талаар New York Times, TechCrunch зэрэг маш олон блог, сайтууд дээр эерэг сэтгэгдлүүдтэй байдаг. Хэрэглэгчдээ идэвхижүүлэхийн тулд сайн суралцагсаддаа тэмдэг олгож, тухайн хичээлийг эзэмшсэнийг баталгаажуулдаг. Мөн Хичээл үүсгэх багажийн тусламжтай хэн ч шинээр хичээл нийтэлж болдог.
8. Khan Academy
"Өндөр чанартай боловсролыг хүн бүхэнд, хаанаас ч" хэмээх уриатай ашгийн бус боловсролын сайт нь 2006 онд MIT болон Harvard-ын их сургуулийг төгсөгч Салман Хан бүтээжээ. Математик, Эрүүл мэнд, Түүх, Санхүү, Компьютерийн шинжлэх ухаан зэрэг бүх төрлийн салбарыг хамарсан онлайн 4000 гаруй лекц, хичээлүүдтэй. Дасгал ажлуудыг хийх явцад мэдэхгүй зүйл гарвал та видео хичээл үзэх шаардлагатай. Видео хичээлүүд нь маш энгийн, ойлгомжтой тайлбарласан байдаг.
Learn Code the Hard Way сайтын Python хэл суралцахад зориулсан сайт. Онлайн текстэн материалуудыг үнэгүйгээр ашиглаж болно. Татах материал, видео хичээлүүд нь үнэтэй. Learn Code the Hard Way сайт нь Ruby, C, Regex, SQL, CLI-ийн хичээлийн материалуудтай. Сайтын 1-р дүрэм бол "Хуулахыг зөвшөөрөхгүй. Бүх дасгалыг өөрийн гараар бичих ёстой."
10. HTML5 Rocks
HTML5-ын талаар Google, Adobe, deviantART зэрэг компаний ажилчдын бэлтгэсэн материалуудаас суралцах боломжийг бүрдүүлсэн. Хичээлийн материал нь видео, танилцуулга хэлбэрээр байдаг. Та гар утас, тоглоом, бизнестээ зориулж ашиглах уу гэдгээсээ хамаарч хичээлээ сонгоно. Хичээлийг бэлтгэсэн хүнээс нь шууд асуулт асуух боломжтой.
Эдгээрээс гадна кодчиллын талаархи сургалтын материалуудыг онлайн тавьдаг, хэлэлцүүлэг өрнүүлдэг, Google Code University, Rubykoans, гар утасны аппликэшн хөгжүүлэгчдэд зориулсан MobileTuts+ зэрэг төлбөргүй сайтууд байдаг. Дахин давтаж хэлэхэд код бичиж сурна гэдэг таны төсөөлсөн шиг хэцүү биш шүү. Танд амжилт хүсье.