Хэрэв та хуучин ажлаа солиод шинэ ажилд орох гэж байгаа бол ажлын анхны өдрөө юуг анхаарвал зохистой болох талаар дараах зөвлөгөөг хүргэе.
- Ажлын анхны өдөр дарга тань ажлын нөхцөл байдал, ажиллах зарчим, хийх ажил болон шинэхэн хамт олныг танд танилцуулах болно. Энэ үед анхааралтай байж, удирдлагынхаа хэлж ярьсан бүхнийг сайтар тогтоож авах хэрэгтэй.
- Танд санаандгүй ямар нэгэн ажлын хүндрэл, асуудал тулгарсан үед хамт ажиллаж байгаа хүмүүсээсээ тусламж хүсэхээсээ бүү санаа зовоорой. Энэ бол байдаг л зүйлийн нэг шүү дээ.
- Ажилд орсон анхны өдөр xaaнaac нь эхэлж, юу хийхээ тэр бүр мэддэггүй. Ийм сэтгүүл эргүүлж, юм бодож, цонхоор ширтэж суухынхаа оронд өөрөө санаачилгаа гаргаж ширээ, компьютер, номын тавиур дээр байгаа материалуудтай танилцахад зүгээр юм шүү.
- Ажилд орсон анхны өдрөө ямар дипломтой төгссөн хийгээд мэргэжил дээшлүүлэх ямар курсад явсан эсэх талаар сайрхаж ярих гэж оролдсоны хэрэггүй юм шүү. Учир нь энэ ярианы сэдэв хэний ч анхаарлыг татахгүй. Харин таныг ажлын шинэ хэмнэлд хэрхэн дасан зохицож байгаа, өгсөн үүрэгт ажлыг хэрхэн гүйцэтгэж чадаж байгаа эсэх нь бүхний анхаарлыг илүүтэй татах болно. Иймд ажил хэрэгч байхыг танд зөвлөх байна.
- Хэн нэгэн ажилчны ажлын хариуцлага хийгээд дутагдлын талаар авч хэлэлцэх үед асуулт тавих ч юм уу аль эсвэл шүүмжлэлтэй хандах гэж оролдсоны хэрэггүй. Энэ нь таны хувьд цагаа олоогүй алхам хийгээд зохисгүй үйлдлийн нэг юм.
- Шинэ хамт олон тань бие биенээ хэрхэн дуудаж байгааг анхааралтай ажиглаж аваарай.
- Ямар ч үед төвийг сахих хэрэгтэй. Учир нь та шинэхэн ажилчин шүү дээ.
- Ажлын хамт олон тань тэмдэглэлт баяр ёслолыг амралтын өдрүүдэд цэвэр агаарт тэмдэглэх санаачилга гаргасан тохиолдолд үл тоомсорлож хандах нь зохисгүй хэрэг юм. Иймд эелдэг дотноор аливаа зүйлийг хүлээн авах чадвартай байх хэрэгтэй.
Эх сурвалж: Info сэтгүүл