Монгол орноор албан ажил, аялал жуулчлалын шугамаар хэрэн явахад математик ямар хамаатай вэ гэсэн асуултыг хэзээ нэгэн цагт та өөртөө тавьж байсан уу. Жуулчин анхны хотоос машинаар гараад, тодорхой тооны хотуудаар дайран буцаад анхны хотдоо ирэхэд хамгийн бага зардал гаргах энэхүү аргыг менежментийн ухаанд “Жуулчны оновчтой маршрут сонгох бодлого” гэж нэрлэдэг аж. Тэгвэл саяхан МУИС-ийн Эдийн засгийн сургуулийн докторант Ч.Баттүвшин дээрх бодлогыг Монгол орны жишээн дээр томъёолон гаргажээ.