Ажил, амьдралын хувьд улсдаа төдийгүй дэлхийд цойлж яваа хүмүүсийн хувьд хэрэгцээтэй үед шаардлагатай нөөц бололцоогоороо тусалдаг цөөхөн хэдхэн найзтай байдаг гэнэ. 
 

Судлаачдын олж тогтоосноор “Та хэдэн сайн найзтай вэ?” гэсэн асуулгад оролцсон хүмүүсийн ихэнх нь “Өөрт тулгамсан чухал асуудлуудаа хуваалцаж, ярилцах 4 сайн найзтай гэж хариулсан бөгөөд дээд тал нь 6 байдаг” гэжээ.  Мөн түүнчлэн “Дээрх тооноос хол давсан олон сайн найзтай байвал тэнд жинхэнэ амьд харилцаа, бүрэн ойлголцол гэж байхгүй” гэж тэд хариулжээ.
Амжилтын оргилд гарсан хүмүүс үүнийг сайн мэддэг.  Тиймдээ ч тэдгээр хүмүүс баяжих тусмаа цөөхөн хэдхэн сайн найз буюу гарын арван хуруунд багтах “бизнесийн түнштэй” болдог. 



Харин жирийн нэгэн ажилчин хүний хувьд сайн найз олонтаа байх нь элбэг.  Учир нь санхүүгийн хувьд эрх чөлөөнд хүрч чадаагүй энгийн хүмүүс бусдыг ялгаварлахгүйгээр харьцдаг учир тэдэнд сайн найзууд олон байдаг. 
Дээрхийг тайлбарлах шалтгаан нь тун энгийн.  Та ойр дотны гэх олон найзтай гэж бодоход тэр болгон хүн бүртээ тулж харьцах боломж хомс юм. Харин амжилттай яваа хүмүүс шиг итгэл даасан хэдхэн сайн найзтай байх нь хэрэгцээтэй үед гар таталгүй туслах бөгөөд хэдэн зуун хүний жирийн нэг найз байснаас хавьгүй дээр юм.
Та үүнтэй санал нийлж байна уу?