Бидний ихэнх нь ярилцлаганд орохдоо хэрхэн, яаж хувцаслаж хүний нүдэнд дулаахан харагдах вэ гэдэг дээр анхаардагаас биш үнэртэй усны талаар бодох ч сөхөөгүй байдаг. Хачирхалтай нь судлаачдын үзэж буйгаар ярилцлаганд ороход түрхсэн сүрчиг ярилцлагын үр дүнд нөлөөтэй гэжээ. Тиймээс үнэртэй усны талаарх хайнга бодлоо хаях цаг болжээ бүсгүйчүүдээ! Хувцас загварын ертөнцөд өөрийн нэрээ сийлж үлдээж чадсан дайчин бүсгүй Коко Шанел юу гэж хэлснийг санаж байна уу?. “Сүрчиг түрхдэггүй эмэгтэй хүний ирээдүй бүүдгэр байдаг” гэж тэрээр хэлсэн. Тиймээс энэ цаг мөчөөс эхлэн ярилцлаганд орохдоо сайхан үнэрийг өөртөө шингээж ороорой.
- Модлог, байгалийн үнэртэн: Иймэрхүү төрлийн үнэртэн хэрэглэдэг бүсгүйчүүд найдвартай, үнэнч шударга байдаг. Ярилцлаганд орохдоо та марталгүй өөрийн дуртай энэхүү үнэртэнгээ түрхээд очвол ярилцагч хүн таны ярьж буй зүйлд эргэлзээгүй итгэх бөгөөд таныг ажилчдынхаа нэг болгоход алдах зүйлгүй гэж боддог.
- Байгалийн үнэртэн: Энэ төрлийн үнэртэнг хэрэглэдэг бүсгүйчүүд эрч хүчтэй, цовоо сэргэлэн, зүрх зоригтой байдаг. Ямар ч албан байгууллага ийм хүнийг ажилд авахаас татгалзана гэж үү? Энэ төрлийн үнэртэй ус хүн бүхэнд таалагддаг. Учир нь байгалийн анхилуун сайхан үнэрт хэн дургүй байхав дээ. Тийм биздээ?
- Хурц, тод үнэртэй сүрчиг: Энэ нь ямар ч хүнд сайхан мэдрэмжийг төрүүлдэхүйц үнэртэн. Хэрвээ та урлагийн салбарт ажилд орох гээд ярилцлаганд уригдсан бол эсвэл нийгэмд хөлөө олсон нөлөө бүхий хүмүүстэй уулзахаар болсон бол үнэртэнгээ бүү мартаарай.
- Анхилуун цэцэгсийн үнэртэй сүрчиг: Энэ төрлийн усыг эмэгтэйлэг, зөөлөн, цагаахан сэтгэлтэй бүсгүйчүүд түлхүү хэрэглэдэг. Өрсөлдөөн ихтэй том компанид ярилцлаганд орохдоо энэ төрлийн үнэртэнг түрхээд амжилт олохгүй. Харин үйлчилгээний салбарт, олон нийттэй ажиллах албан тушаалын ярилцлаганд ороход энэ үнэртэн танд тусалж чадна.
