Амьдралын боломж тааруу, төрсөн эцэг нь байхгүй гэх шалтгаанаар төрүүлсэн хүүхдээ хаях тохиолдол манай улсад багагүй гардаг. Хамгийн сүүлд л гэхэд дөрвөн нярай ээждээ хаягдсан байна. Эдгээр хаягдсан хүүхдүүд бүгд эрүүл саруул хүүхдүүд байгаа юм. Хүний орчлонд хүн болж мэндэлчихээд гэр бүлийн халуун дулаан уур амьсгалыг мэдэрч чадахгүй, эхийн ангир уураг амсч чадахгүй болсон тэдгээр бяцхан иргэд одоо Эх, нялхсын эрүүл мэндийн төвд байгаа аж.