Хамтран ажиллаж буй хүмүүсээ чөлөөт цагаа хэрхэн өнгөрүүлдэгийг мэдэх нь тэдэнтэй улам илүү ойр дотно болох боломжийг олгодог. Хэдийгээр ажилчдын амралтын өдөр удирдах албан тушаалтанд тэр бүр хамааралгүй, дээр нь тэр хоёр өдөр хийсэн зүйлийнх төлөө цалин өгдөггүй болохоор тэднийг ойшоох хэрэггүй юм шиг санагдаж байгаа биз?
Гэхдээ энэ нь буруу гэнэ. Ажилчдаа амралтынхаа өдрүүдэд, ажлын бус цагаар, чөлөөт цаг заваараа юу хийдгийг нь одооноос эхлээд тагнаад байж дээ.
Учир нь нэгэн алдартай бизнес эрхлэгч хэлэхдээ “Ухаалаг хүмүүсийн амралтын өдрүүдээр хийж буй зүйл нь ирэх 10 жилд хийж бүтээх том зүйлийнх нь бэлтгэл байдаг” гэж хэлсэн нь бий. Бизнес эрхлэгч хүмүүсийн хувьд богино хугацаанд мөнгөө эргэлдүүлж “ашиг олох”-ыг чухалчилж үздэг бол инженеерүүд харин цаг хугацаа заран байж “шинэ бүтээл” хийхийг оролддог. Харин хүмүүсийн чөлөөт цагаараа хийж буй зүйл нь юунд ч баригддаггүй.
Бидний өдөр тутмынхаа амьдралд хэрэглэж буй зарим нэг зүйл агуу, ухаалаг хүмүүсийн чөлөөт цагаараа, сонирхлынхоо дагуу хийж байсан зүйлүүдийн бодит биелэл, бүтээл болж хувирсан байх нь бий.
Тиймээс хүмүүсийн чөлөөт цагаараа юу хийдэг нь, чөлөөт цаг заваа хэрхэн өнгөрүүлдэг нь ирээдүйд бий болгох агуу том зүйлийн эхлэл байх магадлал өндөр юм.
Тэгэхээр “Та чөлөөт цагаараа юу хийдэг вэ?, Амралтын өдрүүдээ хэрхэн өнгөрүүлдэг вэ?” гэсэн асуулт дан ганц компанийхаа боловсон хүчнийг бүрдүүлж буй хүний нөөцийн мэргэжилтэнд төдийгүй хамтрагчаа хайж буй боссуудад хүртэл хамааралтай байх нь.