Хүний амжилтын тулгуур хүчин зүйлүүд нь зөвхөн шаргуу зан, нөр их хөдөлмөрөөр үнэлэгдэхгүй. Хэрвээ та амжилтанд хүрсэн янз бүрийн хүмүүстэй уулзаж ярилцаад тэдний амжилтанд хүрсэн нууц зэвсэг нь юу байсныг асуувал хүн бүр янз бүрийн зүйл хэлэх нь тодорхой. LinkedIn сайтаас амжилтанд хүрсэн 50 хүнийг сонгож аваад амжилтын хаалгыг онгойлгосон түлхүүр нь юу байсан талаар асуулга явуулсан байна.
Сонирхолтой нь зарим нэгэн хүмүүс өөрийн Туслах, Нарийн бичиггүйгээр юу ч хийж чаддаггүй гэсэн байхад зарим нэг нь компанийхаа холын стратегийг төлөвлөхөд миний үзэг надад их дэм болдог гэж хүнээс авахуулаад эд материалыг амжилтынхаа нууц зэвсэгээр нэрлэсэн байна.
Амжилттай яваа залуу Ричард Брансоны жишээг танд хүргэе.
Ричард Брансон хэлэхдээ “Хелен бол миний нэмэлт санах ой. Хеленгүйгээр миний бүхэл өдрийн ажил юу ч үгүй салхинд хийсдэг. Ухаалаг утсыг ашиглан би өдрийнхөө ажлыг төлөвлөж, түүнийхээ дагуу ажиллаж болох ч, яагаад ч юм би тэгж чаддаггүй. Би өөрийн санах ойгоо хаана ч явсан авч явдаг. Ажил хэргийн уулзалтаар ч, аялалаар ч явахад би түүнгүйгээр хэн ч биш. Учир нь Хеленд ямар нэгэн зүйл хий гэж хэлэхээс өмнө тэр миний бодлыг уншсан юм шиг юу хийхээ надаар хэлүүлэлтгүй хийчихдэг” гэжээ.