Ажил хайгч хэн бүхэнд байх ёстой чадваруудыг ямар ч албан байгууллагын, ямар ч албан тушаал дээрх ажлын зарын “тавигдах шаардлага” гэсэн хэсгээс харж болохоор болсон.  Тэдгээр ур чадваруудаас гадна чи энэ өрсөлдөөнт нийгэмд бусад ажил горилогчдоос ялгарч, өөрийнхөө хүссэн ажилд оръё л гэж бодож байгаа бол бусдаас ялгарах нь чухал.  CV-гээ стандартын дагуу бичээд, ажлын өргөдөл, анкетаа зүгээр ч нэг онлайнаар бөглөж илгээчихээд хэзээ надруу утасдах бол гэж хүлээж суувал амжилт олохгүй л болов уу.  Яагаад вэ гэж үү? Хүн бүр л энэ аргыг хэрэглэдэг.  Тэгвэл яаж бусдаас ялгарах вэ?
 

Ямар албан тушаал горилож байна тэр чиглэлийнхээ дагуу хүнд үзүүлэх ямар нэгэн бодит зүйлийг хийж бүтээ.  Энэ нь чамайг хэр их санаачлагатайг  харуулах төдийгүй тухайн чиглэлийн ажил хийж байсан туршлагагүй ч гэлээ 2-3 жил ажилласан туршлагатай хүнтэй өрсөлдөхүйц хэмжээнд аваачна. 
 

Өргөдлийг өөрийгөө танилцуулж эхлэхийн оронд бусад хүмүүсийн хийж чадаагүй зүйлийг яаж хийж, эерэг үр дүнд хүрсэн талаараа бичиж болох юм.  Мөн бусдад жаахан ч гэсэн тусласны үр дүнд тэдний амьдралыг бага ч атугай хэрхэн өөрчилсөн талаараа ч юм уу...Ажил олгогч нэг стандарт бүхий хар мянган ажлын өргөдөл хүлээн авдаг. Гол нь ажил олгогчийн сонирхлыг татахуйц иймэрхүү төрлийн ажлын өргөдөл бичихэд жаахан хэцүү.  Угаас амархан байсан бол хүн бүхэн л чадах байсан биз.  
 

Ямар ч албан байгууллага идэвхи санаачлагатай ажилтнаар багаа бүрдүүлэхийг хүсдэг.  Тиймээс урьдаас орохыг хүсч буй албан байгууллагынхаа ажилтан юмуу хүний нөөцийн менежертэй Фейсбүүк, Твиттерээр дамжуулан холбоо тогтоох гээд үзээрэй.  Холбоо тогтоож чадвал тэдэнд яаж тусалж болох талаар, мөн хэрвээ компанид нь орвол амжилтанд хүргэхийн тулд өөрийн зүгээс юу хийж, хамтран ажиллагсаддаа хэрхэн эерэгээр нөлөөлж чадах талаараа тэдэнд ойлгуулах хэрэгтэй.  Ингэсэн цагт тухайн компанид чиний мэргэжлийн ажлын орон тоо гармагц тэд чамайг хамгийн түрүүнд өргөдлөө өгөхийг санал болгоно. 
 

Ажлын анкетаа өгөхдөө өөрийнхөө ур чадварыг бүрэн дүүрэн харуулсан нэмэлт материалуудыг (видео бичлэг…гэх мэт) хавсарган өгөөрэй.  Одоо үед байгууллагууд үүнийг нээх анхаардаггүй боловч ажил олгогч эздийг нэмэлт материалаар хангаснаар өөрийнхөө хэн бэ гэдгийг 100% ойлгуулах гэсэн чиний оролдлогыг, мөн тухайн компанид орох ямар их хүсэлтэй байгааг чинь тэд ойлгоно.  
Хэрвээ чи ажлын гараагаа дөнгөж эхлэх гэж байгаа бол эсвэл ажлаа солиод шинэ ажил хайж байгаа бол хүмүүсийн ажил хайдаг тогтсон дэгийг эвдээд дээрх аргуудаас хэрэглээд үзээрэй.  Чамд амжилт хүсье.