“Чинь минь азаар тухайн үед яаж тийм үйлдэл хийж чадаваа. Тэгээгүй бол би чамайгаа анзаарах ч үгүй байсан”, “2-лаа яаж тэр үед азаар мөргөлдсөн юм бэ. Барьж явсан кофе чинь миний цамцыг завааруулахад чиний тэвдэж байсан тэр л царай одоо ч санаанаас гардаггүй юм. Тэр үе хүртэл би чамайг зүгээр л нэг жирийн бүсгүй гэж хардаг байсан”... Заяаны хосуудын учирсан, хамт ажилладаг хэрнээ бүр хожим тухайн хүн ямар өвөрмөц хүн болохыг олж мэдсэн энэ мэтчилэн хайрын түүхүүдийг чи сонсож л байсан байлгүй. Насан туршдаа хамт ханилах ханиа олно гэдэг, тийм хүнтэйгээ учирна гэдэг ер бусын, мартагдашгүй сайхан зүйл байх. Магад чи анзаараагүй л байгаа. Та 2 нэг компаний, нэг хэлтсийн, нэг жижиг өрөөнд ч хамтдаа ажиллаж ч байгаа юм билүү. Тиймээс хэдхээн алхам хийж үнэхээр заяаны чинь хань чамтай цуг ажиллаж байгаа эсэхийг олж мэдээрэй.
Зааварчилгаа:
- Зоригтой бай. Хүмүүс өөрт нь таалагдаад байгаа хүнээсээ зугатаагаад юм ч ярьж чаддаггүй тохиолдол бий. Хэрвээ чамд ажлын чинь хэн нэгэн залуу үнэхээр таалагдаад байвал зугатаах хэрэггүй. зориг гаргаад ярьж үзэх л хэрэгтэй.
- Ээ, энэ ч дээ, бид 2 ч хол явахгүй гэсэн бодолтой хэрнээ хожим бие биедээ үнэхээр их хайртай болоод суусан хосууд зөндөө байдаг. Тиймээс хэнийг ч ялгалгүй, бүгдэнтэй нь сайхан яриа хөөрөө өрнүүлдэг байх хэрэгтэй.
- Таалагдаад байгаа залуугаа өдрийн хоолонд хамт орохыг санал болго. Ажил хэргийн хүрээнд л харилцаатай байсан тэр залуугийн талаар өдрийн хоолны нэг цагийн хооронд ямар ихийг мэдэж болохыг чи төсөөлөхгүй дээ.
- За яахав. Боломжийн гэж санагдвал оройн хоолонд уриад үз. Бие биенийхээ талаар илүү ихийг мэдээд ирэхийн цагт жирийн танил байх уу, ажлын хамтрагч хэвээр байх уу, амраг хосууд байх уу гэдэг ханд аяндаа л мэдрэгдээд эхэлнэ.
- Цаг нь болсон гэж үзвэл чи тэр залуугийнхаа ямар бүсгүй хайж явдгийг нь асууж болох юм. Энэ сэдэв та хоёрыг магад нэг зүгрүү харахад тус болно. Ажлынхаа жижиг өрөөнөөс амьдралаа эхлүүлсэн хосууд хэр олон байдаг бол???