Өвлийн цагт бүрэн сэргэж, бүхэл өдрийн турш сэргэг байхын тулд өглөө эрт өтгөн кофе уух үе цөөнгүй байдаг. Уусан кофе хэдхэн цагийн дотор “шингэчих” учир ажил дээрээ бас нэмж кофе уудаг. Үүний оронд сэргэхэд илүү үр нөлөөтэй, хамаагүй илүү аюулгүй арга бий аж. Үнэхээр түргэн сэргэе гэвэл танд зөвхөн жинхэнэ, өтгөн кофе тус болно. Цикори эсвэл кофеингүй ундаа мэтийн кофег орлуулагчид ямар ч үр нөлөө үзүүлэхгүй. Тэгээд бас кофег сулавтар хийж уувал бие махбодид үзүүлэх нөлөө нь мөн адил сул байна. Харин та кофег дүрэм журмынх нь дагуу уухад найруулж уудгийг уусан уу эсвэл өөрийн гараар хийж уусан уу гэдгээс үл хамааран таны зүрх-судасны системд зайлшгүй нөлөөлж, ходоодны ажиллагааг хямраана. Эрт эвсэл орой хэзээ нэг цагт энэ нь цусны даралт хэлбэлзэх, ходоод үрэвсэх эсвэл нойр булчирхай өвчлөхөд хүргэж болзошгүй. Тэр цагт кофе уухыг эмч нар танд хориглоно. Ийм эмгэнэлтэй үр дагаварт хүрэхгүйн тулд бие махбодио сэргээх өөр аргуудыг ашиглаарай.