Том оврын автобусны тасалбарын үнийг өчигдрөөс нэмж, хувийн хэвшлийн автобусны компаниуд 500 төгрөгөөр үйлчилж эхэллээ. Харин улсын компаниуд албан ёсны шийдвэр хүлээж, үнээ хэвээр нь байлгаж байгаа аж. “Автобус 1” орон нутгийн өмчит үйлдвэрийн газрынхан нийслэлийн Тээврийн газартай байгуулсан гэрээгээ зөрчин, албан ёсоор мэдэгдэлгүй, ажил хаяж байсан нь саяхан. Үүний араас хувийн компаниуд дуу, дуугаа авалцан ажил хаясан. Тэгвэл энэ сарын 21-нд Том оврын автобусны үйлчилгээ эрхлэгчдийн холбоо автобусны тасалбарын үнийг нэмж, 500 төгрөг болгохоо мэдэгдсэн. Нийслэлийн Тээврийн газрын удирдлагууд тус холбооныхонтой уулзаж, сар шинийн баяр өнгөртөл хүлээхийг хүссэн ч тэд зөвшөөрсөнгүй. “Төрөөс мөнгө өгдөг хүмүүсийн асуудал ч яахав. Төр, засгийнхан өгөх ёстой юмаа өгөх нь тодорхой.