www.BizNetwork.mn сайтын хамт олон 2014.04.04-ны өдөр 5 жилийн ойн баяраа тэмдэглэж “Name Card day5” арга хэмжээгээ амжилттай зохион байгуулсан билээ.
“Name Card day” 5 өдөрлөгийн үеэр "Миний ажлын гараа, амжилтын түүх" сэдэвт эссе бичлэгийн уралдааны ялагч болон тусгай байрын эзэд шагналаа гардаж авсан юм.
Уралдаанд нийт 35 оролцогч эссегээ ирүүлсэнээс тэргүүн байрт Э.Энхцогт шалгарч iPad mini-гийн эзэн болсон юм.
Харин тусгай байрт Р.Баасандорж, Б.Баттөр, А.Сувдаа, Ж.Жавзанжимдаан нар тус тус шалгаран шагналаа авсан билээ.
Өнөө үед сайн эссе бичнэ гэдэг карьераа ахиулах, боловсролоо нэмэгдүүлэх томоохон хөшүүрэг болоод байгаа гэдэгтэй хүн бүр санал нийлэх байх. Уралдаанд оролцсон хүмүүс маань дараагийн удаа эссе бичих үед бүтэц, найруулга,эхлэл төгсгөлөө анхааран улам сайн бичээрэй. Эссенээс та хэн бэ, та юунд зорьдог, тэмүүлдэг, ямар үзэл бодолтой вэ гэх зэргийг олж харах зорилготой байдаг. Иймээс та өөрийгөө ямар өнцгөөс нь харуулах вэ гэдгээ маш сайн бодож, төлөвлөх хэрэгтэй шүү.