Энэ оны 03 сард Нийслэлийн Хөдөлмөрийн газар, МЗХ-ын дэргэдэх Залуучуудын Хөдөлмөрийн Төв Бирж хамтран “Цагийн ажил” хөдөлмөрийн яармагийг анх удаа амжилттай зохион байгуулж байсан билээ.
Тухайн үед “Цагийн ажил” хөдөлмөрийн яармагт 20 гаруй ажил олгогч байгууллагууд оролцож, 2500 гаруй ажил хайгч оюутан залуучууд бүртгүүлснээс 1000 орчим оюутан, залуучууд тухайн өдрөө цагийн болон байнгын ажлын байранд зуучлагдаж байсан юм.
Тэгвэл Монголын Залуучуудын өдрийг тохиолдуулан оюутан залуучуудын хичээл сургууль эхэлж байгаатай холбогдуулан тэдэнд чөлөөт цаг болон амралтын өдрүүдэд ажил хийж, орлогоо нэмэгдүүлэх боломжийг бий болгох зорилгоор Хөдөлмөр Эрхлэлтийн Үйлчилгээний төв, Нийслэлийн Хөдөлмөрийн Газар, МЗХ-ын дэргэдэх Залуучуудын Хөдөлмөрийн Төв Бирж хамтран “Цагийн ажил –ll” хөдөлмөрийн яармагийг зохион байгуулах гэж байна. “Цагийн ажил –ll” хөдөлмөрийн яармагт ажил олгогч байгууллагууд оролцож өөрийн байгууллагыг танилцуулахын зэрэгцээ нээлттэй байгаа цагийн, түр, байнгын ажлын байруудаа зарлах юм.
“Цагийн ажил –ll” хөдөлмөрийн яармаг нь оюутан залуучуудын хичээл сургууль эхэлж байгаа цаг үетэй давхацаж байгаагаараа онцлог юм.
Одоогийн байдлаар “Цагийн ажил –ll” хөдөлмөрийн яармагт БизНетворк Консалтинг ХХК, Бэст Вэстэрн Примьер Туушин зочид буудал, Эм Си Эс Коко Кола, Дүнжингарав худалдааны төв, Мобиком корпораци, Скайтел групп, Скай трейдинг ХХК, Сантис сургалтын төв зэрэг үйлдвэрлэл, худалдаа үйчилгээ, сургалт зэрэг бүх салбарын 20 орчим байгууллага оролцохоор бүртгүүлээд байна.