Бүгдээрээ ажилтнуудыг ажлын туршлагаар нь 3 хэсэг бүлэгт хувааж үзье.
1. Шинэ залуу болон туршлагагүй ажилчид: тухайн үйлдвэрлэл салбартаа 4 жил хүртэлх хугацаанд ажилласан ажлын туршлага, мэдлэг, ур чадвар багавтар ажилчид
2. Туршлагатай ажилчид: тухайн үйлдвэрлэл салбартаа 5-9 жил хүртэлх хугацаанд ажилласан туршлага ажлын туршлага, мэдлэг, ур чадвар дундаж ажилчид
3. Хэт туршлагатай ажилчид: тухайн үйлдвэрлэл салбартаа 10 жилээс дээш хугацаанд ажилласан ажлын туршлага мэдлэг ихтэй ажилчид
Статистик тоо баримтаас харахад нийт гарч буй осол гэмтлийн 75-85% буюу дийлэнх хэсгийг нь шинэ залуу туршлагагүй болон хэт туршлагатай ажилчид гаргадаг гэсэн дүгнэлт байдаг. Иймд эхний бүлэгт орсон ажилтан бол нас харгалзахгүй туршлагагүй л бол туршлагагүй бүлгийн хүмүүсийн тоонд орно. Жишээ нь өмнө нь хөдөө мал дээр ажиллаж байсан 50 настай хүн хөдөөнөөс хотод ирээд нарийн боовны цехт харуулаар ажилд орох нь тэр хүнийг шинэ залуу туршлагагүй ажилтнуудын тоонд орж байгаа учраас тэр хүн ажил дээрээ алдах магадлал бас ажлаа сайн мэдэх хэрэгцээ тун их байгаа нь илт.
Монгол улсын хувьд гарсан ослууд болон ажлын туршлага дээр судалгаа хийж байхад монгол хүн ихэвчлэн ажилд ороод эхний 6 сарын дотор ямар нэг байдлаар гэмтэх осолдох магадлал 1.5 жилээс дээш ажилласан хүмүүсээс 3-6 дахин өндөр байдаг. Иймд шинээр ажилд орсон ямар ч ажилтныг чиглүүлэх болон дагалдаж зааж сургах ажилтан томилж байх, дагалдсан хүн нь хэр суралцсанаас шалтгаалж цалин дээр нь хувь нэмж өгдөг хүний нөөцийн бодлого соёл монголын байгууллагуудад тун чухал билээ.