Амьдралдаа амжилтанд хүрнэ гэдэг амаргүй шүү дээ. Зогсохгүйгээр үргэлжлүүлнэ гэж бараг л байхгүй. Заримдаа бид өөрийн эрхгүй зогсдог. Ихэвчлэн ядрахдаа зогсдог. Түр хугацаагаар амраад эргээд хөдөлье гэж боддог. Харамсалтай нь ихэнх хүмүүс амрах гэж зогсохдоо тодорхойгүй хугацаагаар зогсдог. Зогсохдоо тэд эргэж хэзээ буцаж замаа олохоо мэдэхгүй болтолоо зогсох нь бий.

Урт замын амжилтанд хүрэхийн тулд бид замын туршдаа олон янзын жижиг шонгуудыг зоож хэзээ түүндээ хүрэхээ, хэр хол дараагийнхаа шонг зоохоо сонгож төлөвлөдөг.

Шон чинь ойрхон, яг яаж хүрэх нь тодорхой бол таны зогсох зогсоол болгон ядарчихаад зогсох бус, харин дуусчихаад зогсох боломжийг танд олгох болно.

Тиймээс миний өөртөө хэлдэг хувийн уншлага бол,

Би ядраад зогсдоггүй

Би дуусчихаад зогсдог – Monica Batsukh