Сүүлийн жилүүдэд Монгол Улсад бүсгүйчүүд үр хөндүүлэх явдал ихэсч байгаа нь статистик үзүүлэлтээс харагдаж байгаа юм. Тухайлбал, 2013 оны байдлаар үр хөндөлтийн 15.628 тохиолдол бүртгэгдэж, 1000 амьд төрөлтөд 195, нөхөн үржихүйн насны 1000 эмэгтэйд 18.4 үр хөндөлт ногдож байгаа аж. Үр хөндөлт нь хүсээгүй жирэмслэлтийн үр дагавар юм. Тэгвэл яагаад хүсээгүй хирнээ жирэмслээд байна вэ? гэдэг асуудал зүй ёсоор урган гарч байгаа юм. Тиймээс бид энэ асуудлаар НЭМҮТ-ийн мэргэжилтэн С.Гэрэлмаатай ярилцлаа.