Уламжлалтын эмч нар ч үхрийн булууны ясаар ясны шөл гаргаж уух нь биед тал бүрийн ашигтай талаар зөвлөгөө өгдөг нь зүгээр ч нэг хэрэг биш гэдгийг өөрийн туршлага дээр үндэслэн ингэж ойлгож авлаа. Том хүү минь зургаан сар хүрэхэд миний үс туг тугаараа унаж, хуйх цайрч харагддаг байсныг санаж байна. Тэгэхэд угаалгын өрөөнд үсээ угаахад ваннаар дүүрэн үс уначихдаг байж билээ. Хүүхэд хөдөлгөөнд ороод эхлэхэд эмэгтэй хүний бие дэх кальц болон төмөр зэрэг эрдэс бодис дутагдаж, улмаар ядаргаа нь ясандаа тулна гэдэг нь л үс уналтаар илэрдэг шиг байгаа юм.