Бусдад бичсэн зүйлээрээ ухаарал хайрлаж, үлгэр дууриал болдог энгийн нэгэн бизнес эрхлэгчийг А.Чимэд-Очир гэдэг. Эцэг эхийн өврөөс холдож, амьдралд анх хөл тавьснаасаа хойш төрөл бүрийн ажил хийж, туг ч барин, тугал ч хариулж явжээ. Тэрээр хэд хэдэн салбарт хувийн бизнес эрхлэн, өдгөө Монголдоо “Monline” спорт хувцасны үйлдвэр ажиллуулж байна. Ядарч явахад нь хадам аав ээж нь хэрхэн тусалсан, хүүгээ хүн болж хүмүүжээсэй гэсэндээ өөр сургуульд оруулснаас нь хойш хэрхэн өөрчлөгдсөн тухай гээд амьдралд тохиолддог энгийн зүйлсийг өөдрөг сайхнаар харж бичдэг нь хүний сэтгэлд ойрхон хүрдэг болов уу.