Санхүүгийн аудиторын энэхүү загвар тодорхойлолт нь тухайн ажлын байранд тохирох ажил горилогчдыг татах ажлын байрны өргөдлийг бий болгоход туслах болно. Энэхүү тодорхойлолтыг тухайн ажил үүргийн онцлог болон шаардлагуудын дагуу өөрчилж засах боломжтой.
Тодорхойлолт : Санхүүгийн аудитор
Санхүүгийн аудиторын ажлын байрны зорилго: Санхүүгийн аудитыг төлөвлөх, гүйцэтгэх замаар хөрөнгийг хамгаалах, бүрэн бус болон үр ашиггүй дотоод хяналтуудыг тодорхойлох, сайжруулах санал боловсруулах.
Санхүүгийн аудиторын ажил үүргүүд:
- Байгууллагын зорилго, бүтэц, бодлого, үйл явц, дотоод хяналт болон гадаад зохицуулалтуудыг ойлгож, санхүүгийн аудитыг төлөвлөх. Эрсдэлтэй хэсгийг тодорхойлох. Аудитын цар хүрээ ба зорилгыг бэлтгэх, аудитын хөтөлбөр боловсруулах.
- Санхүүгийн зохицуулалтуудын хэрэгжилтийг үнэлэх, аудитын хөтөлбөрийн алхмуудыг гүйцэтгэж, хянах, ерөнхий дэвтэр, дансны үлдэгдлүүд, баланс, орлогын тайлан болон санхүүтэй холбоотой тайлангуудыг шалгах, бүртгэлийн бичилтүүд болон тайлан, үйл ажиллагаа, баримт бүрдүүлэлт зэргийг шалгаж, шинжлэх.
- Эрсдэл болон зохицуулалтанд нийцэхгүй байгаа салбарыг тодорхойлж, дотоод хяналтыг үнэлэх, гарын авлага болон санхүүгийн автоматчилагдсан процессийг үнэлэх, процессийн дутагдалтай тал, үр ашиггүй зүйлс болон үйл ажиллагааны асуудлуудыг тодорхойлох.
- Мэдээллийн элементүүдийг харьцуулах болон шинжлэх замаар хөрөнгө, өр төлбөрийг баталгаажуулах, баримт бүрдүүлэлтэнд хөндлөнгийн шалгалт хийх.
- Аудитын шалгалт ба дүгнэлтийг баримтжуулж, аудитын ажлын тайлан болон илтгэх хуудас бэлтгэх.
- Шинэ болон төрөл бүрийн ажлын шаардлагуудын дагуу багийн ажилд хувь нэмрээ оруулах. Байгууллагад хувь нэмэр оруулах шинэ боломжуудыг судлах. Шаардлагатай үед бусдын ажилд туслах.
- Боловсролын үйл ажиллагаануудад хамрагдаж мэдлэгээ дээшлүүлэх, мэргэжлийн нийтлэлүүд унших, хувийн харилцаа холбоог бий болгох, мэргэжлийн байгууллагуудад хамрагдах.
- Мэдээллийн нууц байдлыг хадгалж, байгууллагын нэр хүндийг хамгаалах.
- Өгөгдөл ба чиглэлүүдийг цуглуулж, шинжилгээ хийж, нэгтгэн санхүүгийн хяналтын мэдээллээр хангах.
- Мэдээллийн шаардлагыг зохицуулж, гадаад аудиторуудад дэмжлэг үзүүлэх.
- Удирдлага, дотоод хяналтын бүтэц, үйл ажиллагааны процесс дахь хяналтын өөрчлөлтийг санал болгож, хамгаалалтыг сайжруулах. Шалтгааныг тодруулах.
- Хурал уулзалтанд мэдээллээр хангах замаар аудитын явц болон дүгнэлтийг танилцуулах, шийдэгдээгүй асуудлуудыг тодруулах, ажлын тайлангуудыг хянах, жилийн эцсийн аудитын тайлангуудыг бэлтгэх.
Ур чадвар: Аудит, Санхүүгийн ур чадвар, санхүүгийн шинжилгээ, мэдээлэлд дүн шинжилгээ хийх, судалгааны ур чадвар, судалгааны үр дүнг тайлагнах, харилцааны ур чадвар, шударга, итгэлтэй байдал, төслийн менежмент, нягт нямбай, дүгнэлт гаргах.