Төрөлхөөс авъяас заяагаагүй бол яаж ч их хөдөлмөрлөлөө гээд гойд сайн уран бүтээлч болж чадахгүй гэдэг нь ойлгомжтой. Гэхдээ байгалиас заяагдсан авъяасыг өөрийгөө боловсруулан хөгжүүлэх үйлээр уудлан гаргаж ирэх боломжтой юм.

Алдарт зураач Микеланжело уран бүтээлийн төлөө цуцахыг мэдэхгүй хөдөлмөрлөдөг хүн байжээ. Бүхий л өдрийн турш уран бүтээлтэйгээ зууралдахдаа тэр нэг үзэм талх, хундага дарсаар л гол зогоодог байв. Нэг удаа түүнээс “мөнгөний төлөө зураг зурж буй зураачийн тухайд та юу хэлэх вэ?” гэж асуухад “Мөнгөний төлөө ажлаа хийдэг уран бүтээлчийн хувьд хөгжин дэвжих зам нь хаагддаг” гэжээ.