ОХУ Туркд шахалт үзүүлж эхэллээ Нийтэлсэн: 16 цагийн өмнө Туркийн арми онгоцыг нь буудан сөнөөсний дараа ОХУ Турктэй дайтахгүй гэдгээ мэдэгдсэн юм. Гэсэн ч Орос улс эдийн засаг, батлан хамгаалах, дипломат салбартаа хориг тавьж, Туркд зохих хэмжээний шахалтыг үзүүлж эхлээд байна. Өнгөрсөн долоо хоногийн баасан гарагт Оросын гадаад хэргийн сайд Сергей Лавров мэдэгдэл хийж, Ирэх нэгдүгээр сарын 1-нээс эхэлж туркчүүдийг Орост виз авч зорчих цензур тогтоолоо. Түүнчлэн Туркийн онгоцнуудад агаарын замаа ашиглуулахгүй гэдгээ мэдэгдсэн байна. Онгоцыг нь сөнөөсний дараа Орос улс ард иргэдээ Турк улсд аялахгүй байхыг анхааруулж, аялал жуулчлалын том компаниуд нь Туркийн нислэгүүдийг цуцалжээ. Гэхдээ Орос улс Туркээс элчин сайдаа эргүүлэн татаагүй байна. Үүнээс гадна Орос улс эдийн засгийн салбартаа хориг тавьж Туркээс ямар ч жимс, ногоог ОХУ-ын хилээр оруулахгүй байхаар боллоо. Мөн Орост үйл ажиллагаагаа явуулж байгаа Туркийн олон зуун барилгын компанийн санхүүгийн бүх гүйлгээг хянана хэмээн мэдэгдсэн байна.