Лхагва гарагт Apple компани нэгж хувьцааны үнэлгээ бүх цаг үеийн дээд үнэлгээндээ дөхөж, компанийн зах зээлийн үнэлгээ 3 их наяд ам.долларт тун дөхжээ.

Ройтерс агентлагаас мэдээлснээр тус компанийн нэгж хувьцааны үнэлгээ 0.6 хувиар өсөж, өдрийн төгсгөлд 189.25 ам.доллароор хаасан байна. Улмаар компанийн зах зээлийн үнэлгээ 2.98 их наяд ам.долларт хүрчээ.

Apple-ийн зах зээлийн үнэлгээний хувьд 2022 оны нэгдүгээр сарын гуравны өдөр 3 их наяд ам.долларт хүрч байсан юм.

Apple брэндийн хувьд энэ онд үнэлгээ нь нийт 46 хувиар өсөөд байгаа билээ.

Эх сурвалж: The Reuters