Агаарын хөлөг үйлдвэрлэн нийлүүлэгч Эйрбус компани шинэ загварын далавчийг турших ажлаа эрчимжүүлэх болжээ.
Хэрэв туршилт амжилттай болбол тэд өндөр борлуулалттай А320 загварын агаарын хөлгийнхөө дараагийн загварыг бүтээж, далавчийг тухайн хөлөгт ашиглах юм. Гэвч Эйрбусын зүгээс шинэ загварын далавчийг өртөг багатайгаар агаарын хөлөгт ашиглах аргыг олох гэж багагүй хүчин чармайлт гаргах хэрэгцээ үүсэж байгаа билээ.
Шинэ загварын далавчны хувьд одоо агаарын хөлөгт ашиглаж буй далавчаас илүү урт, илүү хөнгөн, илүү нарийхан байх гэнэ.
Эх сурвалжийн мэдээлснээр Эйрбус шинэ загварын далавчийг бүтээх ажилд хэдэн зуун сая ам.долларыг зарцуулж байгаа гэсэн бөгөөд туршилтын ажил амжилттай болбоос шинэ загварын далавчтай агаарын хөлгүүд 2030 оноос хойш үйлчилгээнд нэвтэрнэ гэсэн юм.
Эх сурвалж: The Reuters