Өнгөрөгч даваа гарагт ОХУ, Украины НҮБ болон Турк улсын зуучлалаар байгуулсан “Хар тэнгисийн үр тарианы гэрээ”-ий хүчинтэй хугацаа дуусгавар болсон билээ. Улмаар ОХУ-ын зүгээс гэрээг үргэлжлүүлэн сунгахгүй гэдгээ мэдэгдсэн юм.
Тэгвэл лхагва гарагт Африкийн Холбооны Комиссын тэргүүн Моусса Факи Махаматын хэлснээр “Хар тэнгисийн үр тарианы гэрээ”-г зогсоосонд Африкийн Холбоо харамсаж байгаа гэжээ. Энэ талаар тэр өөрийн Твиттер хуудаснаа нийтэлсэн байна.
Моусса Факи Махаматын бичсэнээр, “Африкийн Холбоо эртнээс дэмжиж ирсэн “Хар тэнгисийн үр тарианы санаачилга”-ыг түдгэлзүүлсэн явдалд би хувьдаа харамсаж байна. Миний зүгээс санаачилгад оролцож буй талуудыг тулгарсан асуудлаа шийдвэрлэж, Украин болон ОХУ-аас үр тариа, бордоо тээвэрлэн хэрэгцээт улс орнууд болон Африкт нийлүүлэх ажлыг үргэлжлүүлэхийг уриалж байна” гэжээ.
Эх сурвалж: ТАСС