Даваа гарагт BBC сувгаас мэдээлснээр рублийн ам.доллартой харьцах ханш унаж, сүүлийн 16 сарын хугацаан дахь доод хэмжээнд хүрчээ. Улмаар нэг ам.долларыг 100 гаруй рублиэр худалдан авах болсон байна.

BBC сувгаа тайлбарласнаар рублийн ханш суларсан нь ОХУ-ын импорт экспортоосоо илүү хурдан өсөж, зэр зэвсэгт зарцуулах төсөв нэмэгдсэнтэй холбоотой гэнэ.

Рублийн ханшийн хувьд Орос, Украины дайн эхлэхэд нэлээдгүй унасан ч засгийн газрын зүгээс газрын тос, байгалийн хийн экспортоороо рублийн ханшийг тогтворжуулж чадсан юм. Гэвч даваа гарагийн өглөө нэг ам.доллар 101.04 рубльтэй тэнцэж, мягмар гарагт үл ялиг бууж, 98.03 рубль болжээ.

Тийнхүү мөнгөн дэвсгэртийн ханш сулрахын хэрээр ОХУ-ын Төв банкнаас энэ сард бодлогын хүүгээ нэмэх магадлалтайг анхааруулах болсон юм. Гэсэн хэдий ч тэдний зүгээс Оросын эдийн засгийн тогтвортой байдалд ямар нэг аюул занал тулгараагүй гэж байгаа ажээ.

Эх сурвалж: BBC