Өдгөө Газын зурваст Израилийн Батлан хамгаалах хүчин, Хамас бүлэглэлтэй дайтаж байгаа билээ. Тэгвэл тус бүсэд үүссэн нөхцөл байдлаас үүдэн Боливи улс Израиль улсаас дипломат харилцаагаа тасалжээ. Ингэснээр тэд Газын зурвас дахь мөргөлдөөний улмаас Израиль улсаас дипломат харилцаагаа тасалсан Латин Америкийн анхны улс болсон байна.

Боливи улсын зүгээс Израилийн Газын зурваст явуулж буй үйл ажиллагааг “түрэмгий, зохих ёсноос гажуудсан” хэмээн тодорхойлсон юм. Улмаар тэд талуудыг галаа зогсооход уриалж, бүслэгдээд буй Газын зурваст тусламж үзүүлэхээ мэдэгджээ.

Харин Израилийн талаас тэдний эл шийдвэрийг хүлээн авсан даруй Боливийн засгийн газрыг Хамасын алан хядагч байгууллагатай эвцэж байна хэмээн буруутгасан байна.

Эх сурвалж: BBC