1911 онд Македони улсад төрсөн, төрөлхийн хараагүй Ванга эмээ буюу Вангелия Пандева Гуштеровагийн зөгнөлүүд заримдаа итгэхийн аргагүйгээр биеллээ олчихсон байдаг. Түүний өнгөрөгч оныг харан зөгнөсөн зүйлсийн дийлэнх нь биеллээ олоогүй ч нарны идэвхжилийн тухайд зөгнөсөн ганц зөгнөл нь мөн л биелж, шинжлэх ухаанчдыг гайхшируулсан билээ.

Тэгвэл зөнч Ванга 2024 онд ямар, ямар онцлох үйл явдал болно гэж зөгнөсөн юм бол?

ОХУ-ын ерөнхийлөгч Владимир Путин хөлсний алуурчны бай болно.

Ванга эмээгийн зөгнөсөн дагуу энэ онд ОХУ-ын ерөнхийлөгч Владимир Путин хөлсний алуурчны бай болох ч халдлага түүний аминд хүрэх эсэхийг тодорхойлоогүй байна.

Биологийн зэвсгийн туршилт хийж, террорист халдлагын тоо нэмэгдэнэ.

Зөнчийн хэлснээр энэ онд Европ тивд террорист халдлага олноор гарах бөгөөд “том” улс орнууд биологийн зэвсэг туршина гэжээ.

Эдийн засгийн хямрал тохионо.

Та бодож байж болох юм, бид аль хэдийн хангалттай урт хугацааг эдийн засгийн хямралтай өнгөрүүлсэн шүү дээ гэж. Гэхдээ зөнч Вангагийн харснаар энэ онд геополитикийн хурцадмал байдлаас үүдэн эдийн засгийн хямрал улам даамжрах ажээ.

Цаг агаарын онц ноцтой үзэгдлүүд тохионо.

Уур амьсгалын өөрчлөлтөөс үүдэн өнгөрөгч онд улс орнуудад хэт халах, их хэмжээний бороо орох зэрэг цаг агаарын онц ноцтой үзэгдлүүд их тохиосон ч Ванга эмээгийн хэлж байгаагаар 2024 онд мөн л ижил байх нь ээ.

Цахим халдлага нэмэгдэнэ.

Ванга эмээг амьд ахуй цагт интернэт байгаагүй ч тэрээр энэ талаар үйл явдлыг ч зөгнөсөн байна. Улмаар түүний хэлснээр энэ онд цахим халдлага, хакеруудын дайралтууд нэмэгдэх бөгөөд улс орнуудын аюулгүй байдалд заналхийлнэ гэжээ.

Эх сурвалж: UNILAD