Энэ оны 1-р сард АНУ-ын худалдааны алдагдал өмнөх сараас 5.1 хувиар нэмэгдэж, 67.4 тэрбум ам.долларт хүрсэн байна.

АНУ-ын Худалдааны яамны мэдээлснээр, өнгөрөгч 1-р сарын худалдааны алдагдал Wall Street Journal сонины шинжээчдийн таамаглал болох 63.4 тэрбум ам.доллароос давсан болохыг онцлов.

Экспорт өмнөх сараас 0.1 хувиар өсөж, 257.2 тэрбум ам.долларт хүрсэн бол импорт өмнөх сараас 1.1 хувиар өсөн 324.6 тэрбум ам.доллар болсноор алдагдал ийнхүү нэмэгдсэн байна.

АНУ-ын Японтой хийсэн худалдааны алдагдал 7.3 тэрбум ам.долларт хүрсэн нь өмнөх сараас 2.1 тэрбум ам.доллароор, Тайваньтай хийсэн худалдааны алдагдал 4.8 тэрбум ам.долларт хүрч, өмнөх сараас 1.4 тэрбум ам.доллароор тус тус нэмэгджээ.

Тус улсын худалдааны алдагдал 2022 оны 3-р сард оргилдоо хүрснээс хойш буурах хандлагатай байсан боловч өнгөрсөн оны хоёрдугаар хагасаас буцаад өсөх шинж тэмдэг ажиглагдаж эхлээд байгаа юм.

Эх сурвалж: MBC