Их Монгол дээд сургууль нь АНУ, ОХУ, БНХАУ-ын их, дээд сургуулиудад багш нарынхаа мэргэжил дээшлүүлэх, багш нарыг нь урьж ажиллуулах, эрдэм шинжилгээний хуралд оролцож илтгэл тавих, эрдэм шинжилгээний ном бүтээл солилцох хэлбэрээр хамтарч эхэлж байсан бол одоо Японы Киото Гакуэн Их Сургуультай оюутан солилцооны, ОХУ-ын Хүмүүнлэгийн ухааны дээд сургууль, ӨМӨЗО-ны Их Сургууль, БНСАУ-ын Говон их сургуультай бүх талаар хамтран ажиллах гэрээ байгуулснаар гадаад харилцаа өргөжиж шинэ шатанд гараад байна. Үүний дүнд тухайн сургуульд оюутан солилцоогоор урт богино хугацаагаар үнэ төлбөргүй суралцах, гадаадын оюутнуудтай хамтарсан дадлага зохион байгуулах, гадаадад дадлага хийх зэрэг боломж нээгдэж байна.