Гишүүдийн сэтгэгдэл

• 
  Таванбогд группын хүний нөөцийн ахлах менежер А.Булган
  Би http://www.biznetwork.mn сайтад элссэнээр "Ажлын байр" гэсэн хэсэгт өөрийн байгууллагад гарч буй нээлттэй ажлын байрны талаарх заруудыг дэлгэрэнгүй мэдээлэлтэйгээр нийтлэх боломжтой болсон. Энэхүү сайтын хэрэглэгчид дунд өндөр боловсрол мэдлэгтэй, чадварлаг залуучууд их байдаг учраас манай хүний нөөцийн бүрдүүлэлт сайжирч, минимум шаардлагыг хангасан горилогчид хандах нь ихэссэн. Ингэснээр бидний ажлын ачааллыг бууруулж, сонгон шалгаруулалтын зардлыг багасгаж байгаа нь хамгийн том өгөөж юм. Тодорхой үр дүн гэвэл яг одоогоор бид танай сайтаас мэдээлэл авч хандсан хүмүүсээс дунд ба удирдах түвшинд нийт 5 ажилтан авч, туршилтын хугацаагаар ажиллуулж байна.
  

  Та бүхний цаашдын ажилд амжилт хүсье!

  
  
• 
  Софтлайн ХХК захирал Б.Нарантуяа
  http://www.biznetwork.mn портал сайтыг нээгдэж үйл ажиллагаа нь явуулж эхлээд удаагүй байхад нь би хувиараа элсэж орсон. Сайтаар дамжуулан бусдад бизнесийн талаар хамтран ажиллах нь бизнесийн өгөөж өндөр санагдаж өөрийн компаниараа сайтад бүртгүүлэн элсэн орсон. Компани хэсэгт бүртгүүлэн орсон цагаас эхлэн манай бүтээгдэхүүнүүд сайтын олон мянган хэрэглэгчид хүрч чадаж байгаа нь бидэнд мэдрэгдээд байна. БИЗНЕТВОРК-оор дамжуулан сурталчилгаагаа хийсэн цагаас хойш манай компанийн борлуулалт тодорхой хувиар өсч, олонд танигдаж байгаа гэдэгт итгэлтэй байгаа. Гадны оронд л интернетийн цахим хуудсаар дамжуулан бүтээгдэхүүнээ сурталчилаж борлуулдаг гэсэн ойлголтыг эвдэж чадсан сайтын админ залуустаа баярлалаа гэж хэлмээр байна
  

  Та бүхнийхээ цаашидын ажил хөдөлмөрт амжилт хүсье,
  бидний цаашдын хамтын ажиллагаа өргөжин тэлнэ гэдэгт найдаж байна.

  
  
• 
  Surprise Production, Adventure Mongolia Tour ХХК захирал Д. Батцэнгэл
  За http://www.biznetwork.mn сайтынхаа бүх гишүүдэд энэ өдрийн мэндийг хүргэе. Гишүүнээр болсон цагаас эхлэн би парти бүлэгийг нээж ажиллуулсан. Парти бүлэг маань сайтын маань хамгийн идэвхитэй үйл ажиллагаа явуулдаг бүлгүүдийн нэг болоод байгаад баяртай байна. Манай бүлэгийнхэн урьд өмнө олон арга хэмжээ зохион байгууллаж байсан. Дурьдвал сүүлчийн цас ойн аялал, теннис клуб , биллярд клуб гэх мэтчилэн дурдаад байвал олон байна. Өнгөрөгч бямба гарагт бүлэгийнхэн маань анх удаа бизнетворкийн бүх гишүүдэд зориулсан үдэшлэгийг амжилттай зохион байгуулаад байна. Энэ уулзалт дээрээ БИЗНЕТВОРК-ийн гишүүдээ танилцуулж дотносуулахад туслах мөн давхар парти бүлгийн үйл ажиллагааг идэвхижүүлэн бүлгээс зохион байгуулж буй үйл ажиллагаануудыг дэмжих зорилго тавьсан маань биелсэн. Бид зүгээр ч нэг парти-чин биш бас гишүүдийнхээ амралт чөлөөт цагийг зөв боловсон өнгөрүүлэх, эрүүл мэндийг нь хамгаалах зорилгоор манай Surprise продакшинаас эрхлэн явуулах гэж буй бүжгийн клубээ сурталчилсан. Гишүүд маань олноор хамрагдах хүсэлтээ илэрхийлж одоогийн байдлаар 23 гишүүн маань бүртгүүлчихсэн байгаагаа хэлэхэд таатай байна.

  За гишүүдээ хандаж хэлэхэд улам бүр идэвхитэй байцгаая,
  бид монголдоо анхдагч шүү гэж хэлмээр байна.

  
  
• 
  Хууль зүйн үндэсний хүрээлэнгий Эрх зүйн мэдээллийн нэгдсэн системийн зохицуулагч А.Даваасүрэн
  БИЗНЕТВОРК сайтын гишүүнээр элссэн цагаас эхлэн олон шинэ танилтай болж, мэдлэгт нэмэр болохуйц олон сонирхолтой сэдвээр хэлэлцэж, бусад олон төрлийн мэдээллийн хэрэгцээг минь хангаж, томоохон ажлуудыг энэ цахим хуудсыг ашиглан амжуулж байна. Нэг томоохон ажлыг энд онцолж ярихыг хүсч байна. Анх Болд гээд Бизнетворкийн танил ах маань нэг бичлэг бичсэн байсан. “Тэр Билгүүн гээд цусны өвчтэй хүүхэд зурагтаар гарч байна. Тэр хүүхдэд чадах чинээгээрээ туслах юмсан” гэсэн бичлэг байсан. Тэрхүү бичлэгийг уншаад л зориглоод сайтынхаа гишүүдтэйгээ зөвшилцөөд Билгүүн хүүг эрүүл саруул болоход нь туслах “Сайн санаат-Хүнлэг үйлс” нэртэй сайн дурын хөдөлгөөнийг эхлүүлээд улс орон даяар явагдаж буй хөдөлгөөн болсныг хэлэх хэрэгтэй байх. Бизнетворкийн гишүүд гэдэг маань Монголын нүүр царай болсон шилдэг хүмүүс байдаг болохоор энэ ажил маань асар хурдацтай өргөжин тэр дорноо л улс дамнасан хөдөлгөөн болсон. Бизнетворкийн гишүүд гэдэг бол асар том хүч, монголын томоохон нэгдэл болж чадсан гэж хэлмээр байна. Эдгээр залуус маань эд хөрөнгө, эрх мэдэл гэх мэт ямар нэгэн ашиг сонирхлын төлөө бус зөвхөн хүнлэг үйлс бүтээхийн төлөө дуу хоолойгоо нэгтгэн бүхий л боломж, бололцоогоо дайчлан ажиллаж байгаа тул удахгүй Та бүхэндээ сайн мэдээ дуулгана гэдэгт итгэлтэй байна.

  Сайн санаат-хүнлэг үйлсэд бүхий л талаараа хамт байгаа хүмүүсдээ баярлалаа гэж хэлмээр байна.

  
  
• 
  Нийслэлийн Мэргэжлийн хяналтын газар Шинжээч, Байгалийн шинжлэх ухааны салбарын залуу эрдэмтэдийн холбооны удирдах зөвлөлийн гишүүн, хүний нөөцийн албаны дарга Д. Одгэрэл
  Нэгдүгээрт нь олон тооны танилтай болж цаашид хамтарч ажиллах талаар саналаа солилцсон. Тухайлан хэлбэл холбооныхоо гишүүд, залуу эрдэмтэдийн үйл ажиллагааг сурталчилах, сонинд нийтлэл гаргах, мөн байгууллагынхаа ажилчидын эрүүл мэндийн хөтөлбөрт хамруулах талаар хүмүүстэй ярилцаж тодорхой үр дүнд хүрсэн.
  Хоёрдугаарт нь хэлэхэд үйл явдал хэсэгт оруулсан ОХУ-аас ирсэн мэргэжилтэн “Орчин үеийн шинжилгээний арга аргачлал, тоног төхөөрөмжүүд” сэдвээр хичээл заах тухай мэдээллийг БИЗНЕТВОРК сайтаар дамжуулж олны хүртээл болгон хүргэсэн нь маш амжилттай болсон.
  
  
• 
  Тээвэр хөгжлийн банкны эрсдлийн мэргэжилтэн О.Сэржмядаг
  Сайтад элсэж гишүүн болсоноор олон талын мэдээлэл олж авч чадаж байна. Нэг дор төвлөрсөн гэдэг утгаараа сайтад ороход ч урамтай. Урьд нь зөвхөн блог хөтөлдөг байсан бол одоо маш том хүрээлэл дунд орж өөрийгөө нээж таниулан, олон танил нөхөдтэй болж байна. Цаашдаа БИЗНЕТВОРК-ийнхэн олон залуусыг хамарсан шинэ сонирхолтой үйл ажиллагаа, үйлчилгээ явуулж улам өргөжөөсэй гэж хэлмээр байна.
  
  
• 
  Маркетингийн мэргэжилтэн Тука
  Энэ асуулт их ерөнхий байгаа тул би жаахан дэлгэрэнгүй хариулъя
  1. Мэргэжлийн хувьд
  Би biznetwork.mn сайтад гишүүн болсоноосоо хойш мэдээллээр маш сайн хангагдах болсон. Өдөртөө хувьсгалын ажил, оройдоо хувийн ажил, хичээл гэж явсаар голдуу оройтож харьдаг болхоор Радио сонсох, ТВ үзэх, сонин сэтгүүл эргүүлэх, Нетээр тухтай тэнэх зэргээр олон талын мэдээлэл авч ерөнхийдөө амждаггүй байсан. Мэдээллийн эрин зуунд Маркетер хүн мэдээлэлээр дутуу байхаас өөр муу зүйл гэж байхгүй байхаа. Харин БИЗНЕТВОРК сайтын тусламжтайгаар маш богино хугацаанд ямар ч салбарын мэдээлэлийг цаг тухай бүрд нь тодорхой хэмжээнд авхаас гадна онцолсон мэдээллээ лавшруулан үзвэл зах зээлийн чиг хандлага хүлээн авагчидын дүгнэлт анализтай нь бүрэн эхээр нь авчихаж байгаа нь мэргэжилийн хувьд ч их давуу талтай санагдаж байгаа.
  
  2. Хувь хүнийхээ хувьд
  Өөрийгөө нээсэн гэж бодож байна. Маш олон хүний дотоод ертөнцөөр аялж үзэж байна. Нэг ширээнд нүүр нүүрээ харж суугаад эсвэл тодорхой бэлдсэн сэдвээр харьцахаасаа илүү ямар ч сэдвээр хүн чөлөөтэй дотоод ертөнцөө уудлаж байгаа нь надад их таалагдсан. Нэг үгээр тэр ямар албан тушаалтай, хэдэн настай, ямархуу гадаад төрхтэй, биеийн хэлэмжээр хэрхэн илэрхийлдэг гэх мэт зүйлсээр далдалаагүй олон хүний зөвхөн далд ертөнцөөр БИЗНЕТВОРК сайтаар дамжуулан аялаж байгаа нь надад маш сонирхолтой санагддаг. Өөрийнгөө ч илэрхийлэхдээ зөвхөн дотоод ертөнцөөрөө аялуулж тэр хүн намайг гаднаас нь биш дотроос нь эхэлж үнэлэлт дүгнэлт өгж магтахдаа магтуулж, шүүмжлэхдээ шүүмжлүүлж байгаа маань өөрийгөө таних асар том боломж нээж өгсөн гэж хэлж болно.
  
  3. Шинээр нээсэн зүйл
  Би бас шүлэг, нийтлэл янз бүрийн бичлэг бичдэг хүн биш л дээ. Хэзээ ч тоож байгаагүй үл анзаарагдам жаахан авьяасаа би сайтад орсоноор бага сага нээсэн. Хэзээ ч бичсэн зүйлээ ингэж олон хүнд дэлгэж магтаал шүүмжлэлийн аль альныг нь зэрэг сонсож, бас ингэж амтшин бичиж, олон хүнд уншиж толилуулж байгаагүй. Энэ тал дээр би БИЗНЕТВОРК сайтад маш их баярладаг. БИЗНЕТВОРК сайтын ачаар би өнөөдөр аав ээжийнхээ дурсгалд зориулаад олон хүнд ухаарал хайрлах болов уу гэж хайрыг билэгдсэн ном бичиж эхэлсэн. Ном эхлэсэн хэр нь дуусах зогсоол нь дэндүү хол санагдаж байгаа ч biznetwork.mn сайтын хамт олонтойгоо хамтдаа эцэст нь хүрчих байхаа л гэж найдаж байна