Намайг Цэрэнхандын Шийрэв гэдэг.Би Нийслэлийн Баянгол дүүргийн 14-р хорооны олон нийтийн байцаагчаар ажилладаг ба ажлын зав чөлөөгөөр бизнетворкын бүлгүүдийн болон зарим нэг төрийн бус байгууллагын ажилд оролцдог.Одоогийн байдлаар фасебөөк сайтад хүүхэд бүрийн төлөө хамтдаа хуудас болон бүлгийг удирдаж бизнетворк.мн сайтанд нилээн хэдэн бүлгийн модераторийн үүргийг гүйцэтгэж байна.Мөн 3 төрийн бус байгууллагын удирдах зөвлөлийн гишүүний сонгуультай.

Сайн дурын ажил гэж юу вэ? Нэг хүн эргэж хараад 2 хүнд туславал Нийгэм хурдан хөгжинө Сайн дурын ажил гэдэг нь гэр бүл, найз нөхөд, хамаатан саднаас арай илүү өргөн хүрээнд чиглэсэн,хариу нэхээгүй, цалин хөлс шаардан хийгдээгүй, өөрийн хүсэл, зоригоор оролцдог ажил, үйлчилгээ юм. Өөрөөр хэлбэл сайн дурын үйл ажиллагаа нь бусдын тусын тулд үйлчлэх хүсэл эрмэлзэл бөгөөд эн тэргүүнд бусдын аз жаргал, сайн сайхныг бодох хандлага ажээ. Гэхдээ тодорхой зохион байгуулалттай, байгууллагаар дамжигдсан байх нь ажлын үр дүнг тооцох, үнэлэх зэрэг олон давуу талуудыг бий болгодог. Сайн дурын үйл ажиллагаанд оролцогч нь нас, хүйс, яс үндэсний хувьд аливаа нэг хязгаарлалт тавигдахгүй ба тэд аливаа цалин хөлс, шан харамж нэхэхгүйгээр өөрийн цаг зав, мэдлэг ур чадварыг хувь хүн, байгууллага, хэсэг бүлэг хүмүүст туслахын тулд зориулж байгаа хувь хүмүүс юм. . Сайн дурын үйл ажиллагааны үр дүнд дадлага туршлага, хамт олон, итгэл нөхөрлөл, урам зориг, талархал, хүндэтгэл ямагт бий болдог. Оюутнууд сайн дурын ажил хийх нь мэргэжлийн ур чадвар, харилцаа, итгэл үнэмшил, өөртөө итгэлтэй байдал,бие даах чадвараа хөгжүүлэх зэргээс гадна мэргэжлийн ажлын практик туршлага нь илүү нэмэгддэг. Жишээ нь: төрийн болон төрийн бус байгууллагын үйл ажиллагааны онцлог, ялгаа, үйлчлүүлэгчдийн бодит байдалтай илүү ойрхон танилцдаг учир өөртөө альилүү тохирох ажлын чиглэлээ сонгоход чухал ач холбогдолтой юм. Заримдаа оюутнууд төгсөөд ажил олдсон дээр нь гэх зэрэг олон шалтгааны улмаас шууд л тааралдсан ажилдаа ордог энэ нь ажилдаа сэтгэл ханамжгүй байдал, ажлын байрны стресс, зэрэгт нөлөөлдөг. Үүнийг бууруулахад ч чухал ач холбогдолтой юм. Хүн өөрийгөө танин мэдэж байж чухам өөртөө юу хэрэгтэй, өөрөө юу хийж бүтээж чадах, юуг чадахгүйгээ мэддэг.Ийм учраас өөрийнхөө хэрэгцээ шаардлагыг хангахын тулд чи бусдад туслах хэрэгтэй. Сократ

Би янз бүрийн олон клуб ,төрийн бус байгууллагыг үйл ажиллагаагаа хамтарч зохион байгуулаасай гэж бодож явдаг. Миний биз дээр олон бүлэгийн модератор болсон шалтгааны нэг маань энэл дээ. Бүлгүүдийн хамтарсан үйл ажиллагаануудын зохион байгуулах багт хэд хэдэн удаа орж үзлээ. Хамтраад үйл ажиллагаа зохион байгуулвал маш их үр дүнд хүрдэг гэдгийг би тэдгээр арга хэмжээнүүдээс харж авсан . Цаашид боломж гарвал хоорондоо хамтарч ажиллаж байгаасай гэж хүсэж явдаг даа. Мөн бүлгүүддээ бас үүнийг уриалмаар байна. Бид хамтдаа байхдаа хүчтэй

Ганц нэг бий баярын бичгүүд. БИ ШАГНАЛЫГ БУС АЖЛЫН ҮРДҮНГ 1-РТ АВЧ ҮЗДЭГ.ХЭРВЭЭ МИНИЙ ХИЙЖ БАЙГАА АЖИЛ МААНЬ ХҮМҮҮСТ ХҮРЧ ЧАДАЖ БАЙВАЛ ТЭР БОЛ НАДАД ХАМГИЙН ТОМ ШАГНАЛ ЮМ.