Газраас нь нар мандаж буй мэт байдаг зүүн хязгаар тал нутагт төрж өссөн. Тал шигээ уужим сэтгэлээр бусдыг хайрлаж, бусдад чин сэтгэлээсээ хандаж туслах үнэхээр дуртай, хэнийг ч хуурахгүй үнэнч шударга байж үргэлж аз жаргалтай инээж амьдрах дуртай ч хааяа нэг бодолд дарагдчихдаг, өнөө цагийн нийгмийн янз бүрийн үзэгдэлд сэтгэл даанч нэг гундуу байдаг, харин Монголын залуучуудад үүнийг өөрчлөх боломж бий гэдэгт итгэдэг, сайхан сэтгэл, тэнгэр хоёрыг шүтэж амьдардаг жирийн нэгэн Монгол бүсгүй дээ.

Хүүхэдтэй олон жил ажилласан, чин сэтгэлээсээ ярилцаж зөвөлгөө өгч чадна, хүмүүнлэгийн чиглэлийн ажлуудыг хийж байсан туршлага арвин, цаашид ч үргэлжлүүлэн хийнэ гэж бодож явдаг. Ёс суртахуун, ёс зүйн боловсролын чиглэлээр лекцүүдийг олон жил заасан. Энэ туршлага өөрт минь маш их хэрэг болдог доо.

Бүжиглэх, байгалийн үзэсгэлэнт газруудын зураг дарах, хөл бөмбөг тоглох, хүнтэй чин сэтгэлээсээ ярилцах дуртай.

ЗГХА, ХТҮГ-ын "Сайн үйлс" алтан медаль, Монголын хүүхдийн ордны "Хүүхэд эрдэнэ" алтан медаль, Ховд аймгийн хүүхэд залуучуудын ордны "Дурсгалын медаль". Бас нэг том шагнал бий. Тэр даанч нууц........Хэ хэ