Дурлалгүй хайр, хайргүй секс гэж байдаг болов уу?

Энэ асуултанд хариулж байсан уу?Ийм байж болно гэж үү?Тийм бол яагаад? Энэхүү бичлэгийг уншаад асуултын хариуг олж болох л юм.Эрээ цээргүй хэтэрхий ил задгай юм шиг байж болох тийм бол уучилж болгооно биздээ.

Хайр бол секс юм. Гэхдээ аль нь ч чухал юм бэ. Эцэс төгсгөлгүй яриа өрнөсөөр дахиад зугтахаар болов-

Тэнгэрт тогтсон арал дээр тансаг харш, ногоон модод, гол горхи гээд сайхан бүхэн цогцолжээ. Тэр бодвол диваажин байх. Хүн бүрийн очихыг хүсдэг амар амгалангийн орон ч байж магадгүй. Тайзан дээр хижээлдүү насны эмэгтэй, залуу хархүүтэй хамт зогсоно. Эмэгтэй
-Хонгор минь хоёулаа зугтъя
-Хаашаа

-Хаашаа ч хамаагүй.
Залуу хархүү энэ саналыг хүлээн зөвшөөрч, юмаа авч ирэхээр нэг тийшээ алга болов. Эмэгтэй ганцаараа үлдээд гэнэт "Би секс хиймээр байна" хэмээн уйлах үеэр эмнэлгийн хайрцаг барьсан залуу орж ирлээ. Тэгээд
-Аан та намайг дуудсан уу. Би наад саналыг чинь зөвшөөрч байна. Яг одоо эхлэх үү?

-Энд үү
-Тиймээ яг энд. Би бол дэлхийн алдартай сэтгэлзүйч, зөвлөгөө өгдөг, хэрэгжилтийг нь шалгадаг, таашаал авдаггүй эмэгтэйчүүдэд тусалдаг хүн байна. Би чамайг анагаана. Бүхнийг төсөөлөх хэрэгтэй. Төсөөл, төсөөл. Хүй нэгдлийн үеийн секс, эртний дорно дахины үеийн секс, орчин үеийн сонгодог, романтик секс энэ бүхнийг би чамд заана. Гэтэл эмэгтэй энэ галзуу нийгмээс хаашаа ч юм зугтмаар байгаагаа илэрхийлэв. Хоёулаа хамтдаа зугтъя, би чамайг аваад хаашаа ч хамаагүй явахад бэлэн байна.

Эмэгтэй баярлан юмаа авч ирэхээр хаашаа ч юм явж одно. Энэ үеэр тайзан дээр залуу бүсгүй гарч ирэв. Тэд сескийн талаар удтал ярилцсаны эцэст бас л хамт зугтахаар болов. Гэхдээ хоёулаа биш, гурвуулаа. Эрэгтэй хамт зугтахаар болсон эмэгтэйгээ авч ирэхээр хаашаа ч юм явж одлоо. Бүсгүй ганцаараа үлдээд зугтах тухайгаа бодож байтал залуу "Секс хийцгээе" хэмээн гарч ирэв. Бүсгүй

-Тэгье
-Энд одоо юу

-Тиймээ одоо. Энэ орон дээр
-Наашаа суу. Хоёр залуу зэрэгцэн суугаад яах учраа мэдэхгүй сууна. Гэхдээ төсөөлөлд нь залуу бүсгүй хоёр эротик бүжиг бүжинэ. Бүсгүй
-Би ер нь танд яаж секс хийдгийг зааж өгье. Шууд эхлэх хэрэгтэй.
-Үгүй ээ. Бүх зүйл эхлэлтэй байдаг шүү дээ. Секс ч мөн адил. Жишээ нь номтой зүйрлэж болно. Хүн ном уншихын тулд шууд төгсгөлийн хуудсыг нь уншдаггүй биз дээ. Эсвэл ууланд гарахын тулд шууд оройд нь хүрдэггүйтэй адил.

-Үгүй ээ. Би эсэргүүцэж байна. Надтай таарсан эр хүн болгон шууд оргил хэсэгт нь хүрэхийг хүсдэг байсан юм.
-Чи амьдралыг хэтэрхий хялбаршуулах гээд байна. Дурлалгүй хайр, хайргүй секс гэж байдаг юм уу. Чиний энэ хүсээд байгаа секс ер нь юунд хэрэгтэй юм.
-Амьд яваа гэдгээ мэдрэх хэрэгтэй биз дээ. Хоёр залуу удтал ярилцсаны эцэст зугтахаар шийдэв. Хаашаа ч хамаагүй хамтдаа зугтъя. Бүсгүй юмаа бэлдэхээр явлаа. Бүгд л хаашаа ч хамаагүй зугтах хүсэлтэй. Юмаа бэлдээд зугтахыг хүссэн хүмүүс нэг дор цуглараад, зугтахаар болов. Гэтэл залуу
-Зогс. Та нар яагаад дандаа сексийн тухай ярьдаг юм бэ.

-Тэгээд юу ярих юм.
-Ямар нэг оюунлаг зүйл ярьж болдоггүй юм уу. Утга зохиол, хөгжим, уран зураг гээд олон зүйл санал болгосон ч эцэст нь хайрын тухай ярихаар болов. Хайр бол секс юм. Гэхдээ аль Нь чухал юм бэ. Эцэс төгсгөлгүй яриа өрнөсөөр дахиад зугтахаар болов. Гэвч яаж өөрсдөөсөө зугтах вэ. Яаж. Гэхдээ л нэг зүйл хийх хэрэгтэй. Гэтэл эрэгтэй нэгдэх санал гаргав. Бүгд нэгдэцгээе. Тэгье.

Секс мандтугай, Эрх чөлөө мандтугай, Аз жаргалыг олохын төлөө нэгдэцгээе хэмээн хашгиралдах үеэр гэнэт шүгэл тасхийв. Цагаан нөмрөгтэй сувилагч эмэгтэй өвчтөнүүдэд эмийг нь өгөхөөр орж ирлээ. "За та нар чинь зүгээр биз. Тэгвэл эмчилгээндээ оръё. Тэгээд эмэгтэйд хандаж "бүтэлгүй гэр бүлийн роман их уншаад, тэрэндээ хэт итгээд байна. Наад уруулаа будаад, нүүрэндээ инээмсэглэл тодруулаад банзлаа жаахан дээш нь өргө.

Чамайг өвчний түүх дээр чинь онгон гэж бичсэн байна лээ. Чадвал гэрлэх хэрэгтэй за юу" хэмээн захив. Харин залуу бүсгүйд "Чи залуухан, романтик эмэгтэй. Гэхдээ чи гурван удаа гэрлэсэн. Тэр бүхэнд өөрөө буруутай юу эсвэл намайг хаяж явсан эрчүүд буруутай юу гэж өөрөө өөртөө намтар зохиогоод байж болохгүй". Энэ үед эрэгтэй уурлаж, та л бидэнд намтар зохиож байгаа биз дээ гэж уурлаж хашгирав. Харин сувилагч тариа хийгээд "Та ийм эрүүл мэндтэй хаашаа зугтаах юм. Таныг хүүхдүүд чинь хаяад яваа биз дээ. Тэжээх хүн ч алга байна.

Тийм болохоор миний өгсөн шөлийг уугаад, сексийн тухай онолоо яриад байж бай. Ойлгосон уу. Аан нээрээ тийм. Профессор оо, хэрвээ би андуураагүй бол та чинь уран зохиолын багш байх аа. Одоо уран зохиол яриад амьдрах аргагүй болсон. Яагаад гэвэл секс моодонд орсон. Тийм болохоор та өөрийгөө сексологич гэж зарлаад байгаа юм. Харин залуу хархүү минь чамайг эхнэр чинь нууц амрагтайгаа байхын тулд гэрээс чинь хөөсөн. Түүнээс хойш та эмэгтэйчүүдийг үзэн ядаж, айдаг болсон. Тэгээд л чи энд байгаа тийм биз дээ. Залуу

-Би энэ тухай үргэлж боддог.
-Битгий бод. Бодох гэдэг муу. Өнөөдрөөр амьдарч сур. Маргааш гэдэг муу үг. Маргааш бид ажлаасаа халагдаж, өвдөж, үхэж ч болно. Тийм болохоор өнөөдрөөрөө амьдарч сур. Бүх өвчтөнүүд өрөөндөө оров. Харин сувилагч "Би энэ галзуурал, солиорлоос салаад орой очиход бас л галзуу орчин угтдаг. Би ч гэсэн өөртөө тариа хийж, эм уудаг. Галзуу нийгэмд галзуу амьдрахаас өөр арга алга. Хөөрхий. дөө энэ хүмүүсийн секс хийцгээе гээд байгаа чинь хайр, халуун дулаан сэтгэлийн хүсэл юм шүү дээ. Тийм болохоор бүгдээрээ "Секс хийцгээе".

Тайзны ханын зурагт тэнгэрт тогтсон арал дээр тансаг харш, ногоон модод, гол горхи гээд сайхан бүхэн цогцолжээ. Тэр бодвол диваажин байх. Хүн бүрийн очихыг хүсдэг амар амгалангийн орон ч байж магадгүй. Тэд тийшээ л явахыг хүссэн бололтой. Драмын эрдмийн театрт өнгөрсөн лхагва гарагт нээлтээ хийсэн В.Красногоровын зохиол "Хүний хөнжлийг битгий сөх" жүжгийг үзсэн хүн бүр гарахдаа хаашаа ч юм зугтмаар санагдсан байх даа.

Н.Пунцаг
Бичлэгийн эх:http://news.gogo.mn/r/69640