"Усчин залуус" клубын анхдугаар тэмцээн

“Усчин залуус” клубын нэрэмжит усан спорт сонирхогчидын
Усан сэлэлтийн тэмцээний удирдамж
Монгол Улсад нийтийн биеийн тамир спортыг хөгжүүлэх, усан спортыг сонирхогч залуучуудын санаачлагаар зохиогдох “Усчин залуус” клубын нэрэмжит Анхдугаар тэмцээн.
1. Тэмцээний зорилго
Нийслэлийн иргэдэд усан спортыг сурталчилан таниулах, усанд сэлэлтээр хичээллэх хүсэл сонирхолыг нэмэгдүүлэх, чөлөөт цагаа зөв боловсон өнгөрүүлэх, хүн амын дундаж наслалтыг уртасгах, залуучуудыг соёлтой иргэн болгон төлөвшүүлэхэд тэмцээний эрхэм зорилго оршино.
2. Хамрах хүрээ
Усан спорт сонирхогч залуучууд, www.biznetwork.mn сайтын ажил хэрэгч залуус болон “Усчин залуус” усан спорт сонирхогчдын клубын гишүүд тус тэмцээнд оролцоно. Тэмцээнд усан спортын зэрэгтэй тамирчдыг оролцуулахгүй.
3. Тэмцээн явагдах хугацаа
Тэмцээн 2011 оны 12-р сарын 11-нд 10 цагт Усан Спорт Сургалтын Төвд болно.
4. Тэмцээн зохион байгуулах
Ерөнхий зохион байгуулагч “Усчин залуус” клуб, дэмжигч байгууллагаар Усан спорт сургалтын төв, Монголын Залуучуудын холбоо, www.biznetwork.mn сайт.
5. Тэмцээний сэлэлтийн төрөл, зай
• Өврөөр даллах сэлэлт 50 м / эр,эм /
• Мэлхий сэлэлт 50 м / эр,эм /
6. Насны ангилал
• 16-20 нас
• 21-25 нас
• 26-30 нас
• 31-35 нас
• 36- наснаас дээш.
Нэг насны ангилалд 4-с доошгүй хүн оролцох ба оролцогчидын тоо хүрээгүй тохиолдолд доод насны ангилалд уралдуулна.
7. Тэмцээний хөтөлбөр
7.1 Мэлхий сэлэлт /50м/
• 16-20 нас /эрэгтэй, эмэгтэй/
• 21-25 нас /эрэгтэй, эмэгтэй/
• 26-30 нас /эрэгтэй, эмэгтэй/
• 31-35 нас /эрэгтэй, эмэгтэй/
• 36- наснаас дээш /эрэгтэй, эмэгтэй/
7.2 Чөлөөт сэлэлт /50м/
• 16-20 нас /эрэгтэй, эмэгтэй/
• 21-25 нас /эрэгтэй, эмэгтэй/
• 26-30 нас /эрэгтэй, эмэгтэй/
• 31-35 нас /эрэгтэй, эмэгтэй/
• 36- насаас дээш /эрэгтэй, эмэгтэй/
8. Тэмцээн дүгнэх
Тэмцээний шүүгчдээр Усан спорт сургалтын төвийн мэргэжлийн багш, дасгалжуулагчид ажиллана. Тамирчдын амжилтыг насны ангилал, сэлэлтийн төрөл тус бүрт дүгнэж 1, 2, 3-р байр эзлүүлэн медаль, өргөмжлөл, мөнгөн шагнал, ивээн тэтгэгчийн шагнал гардуулна.
9. Мэдүүлэг хүлээн авах
Тэмцээнд оролцогчдын мэдүүлгийг 2011 оны 11 сарын 24-с эхлэн 2011 оны 12-р сарын 9-ний 14-г хүртэл Усан спорт сургалтын төвийн мэдээллийн төвд бүртгэнэ.
Мэдүүлэг өгөхөд доорхи материал шаардлагатай.
• Иргэний үнэмлэх буюу түүнтэй дүйцэх бичиг баримт
• 3х4 харьцаатай цээж зураг 2 хувь
• Бүртгэлийн хураамж 3000 төгрөг.
Оролцогчид мандат дээр насны ангилал, сэлэлтийн төрлөө тэмдэглүүлж баталгаажуулж, тэмдэг даруулсан байна.

Тэмцээн зохион байгуулагч:
“УСЧИН ЗАЛУУС” КЛУБ

клубын танилцуулгыг эндээс үзнэ үү
http://biznetwork.mn/networks/1036


2011-12-13 21:34-д бичсэн тодруулга.