Гадаадууд Монголыг юугаар нь таньдаг вэ?

Австраличууд зарим нь Монголыг гайгүй мэдээд байх шиг байдаг. Ялангуяа Боловсролын салбарынхан, сайн дурынхан бол Монголтой их холбоотой юм билээ. Монголыг сурталчилсан мэдээ, материалууд заримдаа буруу ойлголт өгөх нь бий бий.

Нэг Австрали багш маань их л ичингүйрч байж Ингэж асууж билээ.
- Чи яг аль Монголоос нь вэ, Independent Mongolia нь мөн үү гэж байсан.
- Би тийн тийн, Outer Mongolia нь байхгүй юу, Хойд Урд 2 хөршид маань бас манай иргэд, газар нутгаас жаахан таслагдаад оччихсон юм. Оросын Урд хэсгээр буриад, халимаг, казах гээд л, Хятадын хойд хэсгээр Өвөрүүд гээд л Монголчууд уул нь олуулаа юм ш дээ гээ л эхэлнэ.

Бас ази л хүн харагдвал дараах асуултууд заавал
- Өөрөө чайнийз үү /энд хэт олон болохоор/
- Үгүй ээ
- Тэгвэл Корэа юу
- Биш
- Аан жапаан байх нь л дээ
- Нөү шүү дээ, гэхдээ жапаанд байсан, жапаанаар жаахан ярих гэж оролдоноо.
- Хачин юмдаа, тэгээд хаанах вэ?
- Монгол ш дээ
- Воов, Монголиа юу, Чингис гэж мэднэ. Маш зоримог, хүчирхэг, эртний түүхтэй улс, маш их махсаг, мал сайн мэддэг ард түмэн биз дээ. ...

Бас иймэрхүү яриа байнга явагдана
- танайх ямар хэлээр ярьдаг вэ, хятад уу.
- Монгол хэлээрээ л ярина шүү дээ. Би Хятадаар ширхэг ч үг мэдэхгүй. Бид Оросуудынх шиг кирилл цагаан толгой хэрэглэдэг, гэхдээ traditional -ээ урлаг маягаар хадгалж авч үлдсэн.

-Монгол их хүйтэн байхдаа
- хасах 30 хүрдэг ш дээ, гэхдээ л эндэхээс хамаагүй дулаан, бид үстэй хувцасаа өмсөөд, гэртээ халаалт залгачихдаг болохоор даардаггүй. Манай гэрийнхэн цасанд дуртай, бид эндхийнхээ зуны амралтыг Монголдоо цастай өвлөө үзэж өнгөрөөх дуртай. Мөсөн каток, цана, чаргаар гулгах чинь гоё ш дээ гээ л явж өгнө дөө.

- Монголчууд ямар үндэстэнээс бүрддэг вэ гэхээр нь
- Цагаачид их ховор, ихэнх иргэд маань Монгол гаралтай, Монгол хүмүүс л байдаг, Монголоор л ярьдаг гэдэг.

- Чи морь мал сайн мэдэх үү гэхээр нь
- Би хотод өссөн, гэхдээ би зун болгон хөдөө амардаг, морь маландаа сайн биш ч та нараас арай дээрээ л гэдэг.

Ер нь бодоод байсан чинь эндэхийнхэн Монгол гэхээр их шохоорхдог, Монголын талаар гайгүй л аятайхан сэтгэгдэлтэй байдаг юм шиг байна шүү.

Хар ажил хийдэг Монголчуудын заримыг харин уудаг юм байлээ, уул нь ёстой ажлын төлөө төрчихсөн хүмүүс, даанч жаахан архи харахаараа л хэцүү юмаа л гэдэг юм гэсэн шүү.

Аан тийн, бас австрали даяар хэдэн Монголтой вэ, Сиднеи-д хэд байдгийн гэж байнга асуудаг, Монголчууд нь ч өөрсдөө их асуудаг.
Тоймтой тоо бүртгэл байхгүй ээ, Австрали даяар одоо 1000 орчим, Сиднеи-д надтай холбогдож байсан 500 гаруй Монгол л байна гэдэг. Элчин ноднин байгуулагдсан, энэ жил иргэдээ бүртгэж эхлээд байгаа. Монголтой холбоотой юм асуусан гадныханыг тэдэнтэй холбоод л сууж байдаг шдээ.

Австралийн уул уурхайнхан, урлагийнхан, аялал жуулчлалынхан, вино, гэр зөөвөрлөгчид бол Монголтой зузаан харилцаатай, гайгүй сайн мэддэг шиг байгаан шүү.

Ер нь хөдөө аж ахуй, уул уурхайгаар дагнасан Австрали-тай их төстэй ш дээ манайх чинь


Анатомын бүтцийн гажигаараа ярьвал Монголчууд маш өргөн хавтгай нүүртэй, хацрын яс нь том, нүд нь онигор, бусад азиудаас маш том биетэй, чац сайтай, арьс нь тийм ч зөөлөн цайвар биш, голдуу арзгар бараан гэдгээрээ ялгагддаг гэсэн. Гэхдээ энэ нийтлэг шинж болохоос бүх Монгол ийм гээгүй гэдгийг анхаараарай, Зарим нь зүгээр үргэлжлүүлээд л би ч ийм, чи ч тийм гээд унаваа.

Аан тийн, бас Австралид Монголоор ярихаар хар хур гэсэн боргож байгаа нохой шиг, хэрэлдэж байгаа ч юм шиг сонсогддог гэсэн. Унгарууд болохоор Чих/а/, Чих/а/ гэж (x нь хоолойн угаар хатуу хэлэгдэж байгаа мэт) сонсогдоод байна гэсэн.

Монголиан Англишаар ярихаар Орос акцент яваад байна л гээд байдаг. Р үсгийг их тод хэлээд байна гээд байдаг юм билээ. Монглишдохоор Бусад азиудыг бодвол цэвэрхэн, ойлгомжтой дуудлагатай сайн ярьдагт тооцогддог гэсэн шүү.

Танууст гадаад дотоодод ажлаар явахаар, гаднаас ирсэн гадаадуудтай харьцахаар ямар зүйл тохиолдож байна даа. Гадаадад Монгол болж амьдрах ямар санагдаж байна?