Асуулт
Зөвлөгөө
Хэлэлцүүлэг
Чөлөөт сэдэв
Мэдээ
Санал асуулгаСүүлд шинэчлэгдсэн
- Шинэ технологийн эрэ... 1717
- Акул нт хэн бэ?... 88
- ХУВЬСГАЛ-ын талаар... 145145
- Бид мөнгөө юунд зарц... 154154
- Биеэ үнэлдэг насанд ... 1212
- Хайрын сайхан нь юун... 7474
- Бид угтаа ганцаараа... 00
- 21 хоногт ном солилц... 208208
- Монголын Залуучуудын... 1313
- Эрс нь унхиагүй юу? ... 4141
- 3 дахь хүүхэд Монгол... 2020
- Монголчууд аа, үр хү... 55
- Mobicom,Unitel,Skyte... 6666
- Эх оронч үзэл гэж юу... 44
- Туйлын байхын үнэ цэ... 44
Эрээн рүү алдах уу, эсвэл эрдэм оюундаа зориулах уу...?
Оюу толгойн хөрөнгө оруулалтын эхний урдчилгаа орж ирээд уурлаж бухимдсан хүмүүс ч байхад баярласан ч хүмүүс зөндөө л байна. Миний хувьд мөн ялгаагүй нэг сарын утасныхаа төлбөрийг төлчихнө гэж бодогдоод л сайхан л байна.
Зарим орж ирсэн мөнгө ирсэн шигээ эрээнрүү буцаад цуваад гарчихна гэж их харуусан бодож байна.
Дотоодын үйлдвэрлэгчид, монголын бизнесийн энэхүү сайтад их байдаг болохоор Эрээнрүү мөнгийг урсгахгүй энүүхэндээ ашиглачих боломжийн талаар ярилцая.
Хариулах
Холбоотой сэдвүүд
(нийт 5)
-
Оюу толгойд хужаа нар л ажиллана.
Хэлэлцүүлэг, Н. Мэндээ
2010-05-06 14:13 нэмсэн.
0 хариулттай Хариулах -
монгол улсын баялаг дуусах цаг ойртсоор
Хэлэлцүүлэг, Э. Минжээ
2010-01-08 23:45 нэмсэн.
8 хариулттай Хариулах -
Оюу толгой өгөөжөө өгөх үү?
Хэлэлцүүлэг, О. Ганбат
2009-09-01 01:13 нэмсэн.
26 хариулттай Хариулах
Илүү 
Хариулт (104)
-
+1 
Н. Цоомоо 2009-10-23 19:43 бичсэн.Батжавхлан: Sorry, I don't feel like replying to such a polarized, twisted questioning. Please look back at what I posted. There is no single word and sentence about dealing with the smoke problem by that insulation material. I think, it's clear enough to everybody. I mean, nobody would come up with an idea to reduce the vehicles emissions by any sort of building insulation! Isn't it ridiculous? Would be good if you concentrate on the key point what we're discussing about.
-
+2 -1
Б. Жавхаа /facebook-т худалдагдав/ 2009-10-23 20:37 бичсэн.Бүгдийг нь хүлээн зөвшөөрч байна.
Тиймээс л энэ манай орны хувьд бага мөнгө биш. Тиймээс зүй зохистой зүйлд зарцуулах нь чухал.
Зүй зохистой зарцуулалт гэдгийг системийн шинэчлэлт буюу Буянцогтоогийн яриад байгаа инноваци гэдэг зүйл.
Дулаалганы үйлдвэрийн ач холбогдол нь:
- Утааг бууруулах /та бүгдийн хэлж байгаагаар/
- Ноосны үнэ өсч малчдын амьжиргааны түвшин дээшилнэ
- Экспортын шинэ төрлийн бүтээгдэхүүн үүснэ
- Технологи сайжрах
- Ажлын байр нэмэгдэх
- Бусад
Гэхдээ цаг үеэ сайн бодох хэрэгтэй.
1. Хямралын үр нөлөөгөөр start-up байтугай томоохон акулууд унаж байгааг бид өдөр бүр харж байна
2. Дулаалгын материалын гол зах зээл болох барилгын салбар. Гэтэл дэлхий нийтээр ҮХХ-ийн зах зэээл нийтээр уначихаад байна. АНУ, Англи гэх мэт барууны зарим оронд худалдааны дүн бага зэрэг өссөн ч шинээр төсөл хэрэгжиж эхэлсэн нь юу л бол. Монголд ч ялгаагүй 1,5 млрд төгрөг энэ зах зээлд гацчихаад байгаа шүү дээ.
3. Ноосон дулаалга боловсруулахад илжирдэггүй гэх мэт шинэ технологиуд хэрэгтэй гэсэн. Үүнийг хийх чадвартай хүн Монголд хэр олон байгаа вэ? Ядаж байхад тэр Англичууд нь технологио нууцлаад байдаг.
4. ХК байгуулна гэвэл СХЗХ-ны асар том хүнд сурталыг давах хэрэгтэй. Газрын алба хажууд нь юу ч биш. Монголд ХК байгуулж зах зээл дээр нээлттэй хувьцаа арилжих, бонд гаргах асуудал асар хүнд байдгийг чи гадарлах байх.
5. Үүнээс гадна бид Санхүүгийн томоохон хөшүүрэг болох арилжааны банкууд эрсдэл өндөртэй, бэлэн мөнгөний хомсдолтой, жоохон байдал эвгүйтвэл эрсдэлийн сан байгуулах хэмжээнд хүрчихээд байгаа нөхцөл байдал бидэнд байна.
Сууриа сайн тавихгүйгээр цааш ахина гэж байхгүй ш дээ. Үүнийгээ сайн хийж чадвал ноосон дулаалга болон бусад төрлийн үйлдвэрлэл өөрсдөө аандаа үүсээд л хөгжөөд л явчихна шүү дээ.
Юу шийдэх тухай саналаа зөндөө хэлсэн тул орхилоо.
-
+2
Ц. Буянцогтоо 2009-10-23 20:57 бичсэн.Гадаадад гарч суралцаад эх орондоо ирээд ажиллаж амьдрах юмсан, их бүтээн байгуулалтад гар бие оролцох юмсан гэж чин үнэнээсээ бодож буй залуус олон болж байгааг цагаас цагт мэдэрсээр л байна. Би тэдний бодлыг дэмждэг. Гэвч нэгэн зүйл байна: Манай Монголын төрийн байгууллагад гадаадад боловсрол эзэмшсэн залуусыг ажилд авахгүй гэсэн эсэргүүцэх хүчин байх юм. Би өндөр боловсролтой, чадварлаг залуусыг Төрийн байгууллагад орж ажиллаасай гэж хүсдэг. Яагаад эхлээд заавал ТӨР гэж? Төр бол манай нийгмийн гол нөлөөлөгч-удирдах хүчин зүйл. Манай нийгмийн үнэлэмжийг төр л бий болгож байна. Төрөө цэвэрлэвэл Монгол маань цэвэршинэ. Нийгмийнхээ ёс суртахуун, үнэлэмж, хэмжүүрийг өөрчлөхийн тулд Төрөөсөө эхлэх хэрэгтэй юм. Ийм учраас төрийг цэвэрлэмээр, тэдний ухамсрыг дээшлүүлмээр байгаа юм.
Төр цэвэршвэл нийгэм цэвэршинэ. Бизнесийн орчин хөгжинө...
Монголдоо ирээд бизнес эрхлээд амжилттай яваа олон залуус байхад, чамгүй бэрхшээлтэй тулгарч байгаа нь цөөнгүй. Монголдоо ирж хэсэг зовсоны эцэст буцаад гадагшаа явж байгаа залуус чиг олон...
Иймээс л би Монголын Төрийн боловсон хүчний тогтолцоонд эрс шинэчлэл дээр тулгуурласан инноваци хиймээр санагдаад байгаа юм.
-
Д. Алмас 2009-10-24 03:38 бичсэн.Миний мөрөөдөл:
1. Гадаадад боловсон хүчин бэлдэхэд энэ мөнгийг зарцуулахыг дэмжихгүй байна. Учир нь одоо хангалттай сайн мэргэжилтнүүд гадаадад сураад, төгсөөд гэр бүлээрээ ажилласаар л байгаа. Дахиж нэмж явуулж яах гэж? Тэгээд бүр улсын мөнгөөр. Дэмий. Тэртэй тэргүй чадвартай хүмүүс нь тэтгэлгээ олоод сурах л болно. Бас нөгөө танил талаараа, чихээсний залуус нь л ихэнх нь явах байх.
2. Нефтийн үйлдвэр барьж болж л байна. Гэхдээ дэлхий нийтийг хараад байхад эко, ногоон машин бүтээхээр ажиллаад урд хөршийнхөн маань цахилгаанаар явдаг хямд үнэтэй, жижиг машинууд үйлдвэрлээд хэрэглээд байна цаана чинь... Энэ тал дээр бас бодож байж, судалж байж хөдлөх хэрэгтэй байх.
3. Сэргээгдэх эрчим хүчний салбарт харин зарцуулбал ямар вэ? Судалгаа шинжилгээний тал дээр энэ талаар гадаадад ажиллаж байгаа манай залуус байгаа байх, тэднийгээ дэмжээд энэ салбарт хямд боломж олох арга байхгүй л байх даа? Мэдээж маш том асуудал хотын утааны асуудал байна. Шийдэж чадвал цахилгаан машин, бензин хөдөлгүүрийг цахилгаан болгож хувиргах, бага үнээр халаах боломжтой гэр хорооллын цахилгаан халаалт г.м зүйл хийж болдог бол утаагүй болно. Дээр хэлсэн дулаалгын санаа ч бас их зүгээр санагдсан. Утаагүй болчихвол эрүүл болно, эрүүл мэнддээ зарцуулж байгаа мөнгөө хүмүүс боловсрол болоод өөр хэрэгтэй зүйлсэд зарцуулж эхэлнэ.
4. Бас нэгэнт төвлөрчихсөн болохоор хөдөө рүү цацаж үрж байснаас хотынхоо дэд бүтэц, цахилгаан шугам сүлжээ, тасраад байдаг ток цахилгаан, ус хоолой, үйлдвэрийн хаягдал цэвэршүүлэх системүүдээ сайжруулбал, орчин үеийн түвшинд чинэчилбэл цаашид үйлдвэрүүд баригдах нөхцөл болох байх.
5. Дэд бүтцийн хөгжилд зарцуулж байна гээд хөдөө тийш зам бариад, шугам татаад байх хэрэг яг одоохондоо байна уу?. Баахан зам бариад л байдаг нөгөөх нь урагшаа түүхий эд зөөгөөд буцаагаад тэндээс нөгөөхөө хэд нугалсан үнээр, хамгийн доод ангиллын эцсийн бүтээгдэхүүн, хорт хавдар, элдэв өвчин зөөхөд зарцуулагдсаар л байвал хайран...
6. Нэгэнт хүн ам төвлөрчихсөн болохоор нийслэл хотдоо илүү анхаарал хандуулмаар байна. Нийслэлд амьдрал сайжраад, юмны үнэ буугаад, түүхий эд худалдан авах үнэ нэмэгдвэл дагаад хөдөөнийхний маань амьдрал дээшилнэ.
7. Хөдөө тийш бол одоогийн нүүдлийн МАА-г фирм хэлбэрт шилжүүлэх тал дээр ажиллавал зүгээр байх. Бүх нийтээр нь гэж дайралгүй Төв аймгаас л эхлэх хэрэгтэй. Хотод хамгийн ойр байгаа сумуудын малчдыг нэгдсэн хэлбэрт оруулаад фирмүүд байгуулаад мах сүү, түүхий эдийг нэгдсэн байдлаар ченжээр дамжуулахгүй шууд үйлдвэр, хэрэглэгчдийн гарт хүргэдэг болгох, хотод ойр тул зардал ч бага гарна. Цаашлаад биотехнологи, бусад автомат технологиудыг нэвтрүүлэх тал дээр ажиллах хэрэгтэй нь тодорхой. Тэгээд яваандаа туршлагажаад, фирмийн МАА загвар болсон системээ тэлж бусад аймгуудаар тараах хэрэгтэй байх.
Наад зах нь фирмүүдэд хуримтлагдсан малын ялгадаснаас метан гаргаж аваад шатдаг хий ашиглаад байна гэсэн цаад Америкууд чинь ;) Иймэрхүү зүйлсийг ч бас судлаад үзвэл...
Дагаад төвлөрөл ихсэх боловч нэг хэсэгтээ ингэж байгаад эдийн засаг дээшлээд дотоодоо тодорхой хэмжээнд бүтээгдэхүүнээр хангаад, гадагш гарах валютын эргэлтийг бууруулаад эхлэхээр улс маань эдийн засгийн хувьд боломжтой болж эхэлнэ бүсийн төвүүдээ хөгжүүлэхэд дараа нь мөнгөө зарцуулж болно.
Дагаад хүнсний аюулгүй байдал дээшилснээр элдэв өвчлөл буурна, эм тарианд зарцуулдаг мөнгө ч багасна.
8. Нийгмийн болоод нийтийн эрүүл мэндийн боловсролд тодорхой хувийг зарцуулбал зүгээр байна. ТВ-ээр элдэв савангийн дуурь Солонгос кинонууд гаргаж байхын оронд нийгэмдээ чиглэсэн боловсролын нэвтрүүлгүүд бэлдэж улсын бодлоготойгоор "тархи угаах" хэлбэрээр хүмүүст массаар нь эрүүл мэндийн болоод ёс суртахууны боловсрол олгох тал дээр ажиллавал зүгээр байх. 1000 давтахаар үнэн болдог гэдэг. Шударгаар, сайн ажиллавал бидний амьдрал дээшилнэ г.м байдлаар, мөн хүмүүсийг идэвхижүүлэх ухуулга, урамшуулсан, хөөргөсөн нэвтрүүлгүүд зүгээр. Японы ТВ-үүдийг дуурайсан сургалт боловсролын нэвтрүүлгүүдийг ихээр хийдэг болгоход тодорхой хувийг зарцуулж болох.
Хавдар туссан нэг хүүхдийг эмчлэх гэж, хараа нь муудсан нэг хүн эмчлүүлэх гэж хичнээнийг гадагш цацаад байгаа билээ. Тодорхой хэмжээгээр тэр өвчнөөс урьдчилан сэргийлээд, хүмүүс маань өөртөө эрүүл мэнддээ анхаардаг, урьдчилан сэргийлдэг болчихвол...
9. За одоо хамгийн гол зүйл. Жижиг дунд үйлдвэрлэл, гадаад зах зээл рүү чиглэсэн Мэдээллийн болон бусад технологийн бизнесүүдийг дэмжээд татварын хуулийг шинэчлээд дотоодын түүхий эдээр эцсийн бүтээгдэхүүн үйлдвэрлэгчид, Аутсоорсинг болон бусад хэлбэрээр гадаад зах зээл рүү гарахаар оролдож байгаа МТ, болон бусад технологийн салбарын жижиг компаниудыг татвараас 100% чөлөөлөх, эсвэл энэ 50000, гэр бүл болоход 500000 тараадаг шигээ нийгмийн халамж үзүүлж нялх хүүхэд хөхүүлж байгаа мэт "насанд хүртэл" нь бойжуулж томруулж аваад дараа нь татвар авдаг болох тал дээр нэг тийм ухаалаг зөв бодлоготой болж болдог бол уг нь зүгээр байна. Ингэвэл энэ чиглэл рүү хүмүүс анхаарал хандуулж, гаднаас юм зөөдөг наймаачид маань энэ салбарууд тэмүүлж ажиллах болно. Эдгээр салбарууд л хөгжвөл дотоодын валют, эдийн засгийн байдал дээшилнэ. Эдийн засаг дээшилж, улс орон, ард иргэд гар дээрээ мөнгөтэй болж байж цаашид судалгаа, ш/у-ы хөгжил явагдаж "улс хөгжих" болно. Хоосон суугаад, сураад л, гаднаас бэлэн юм аваад суугаад л байвал бид хөгжихгүй ээ.
-
+2 Меланин шүү. Ядаж тодорхой хувиа дотооддоо хангадаг болохсон. Ямар нэг гамшиг боллоо гэхэд ч гсн... 1/1 Д. Алмас
Д. Алмас 2009-10-24 04:02 бичсэн.Аа тийм дотооддоо хүнс, өргөн хэрэглээний бараагаа үйлдвэрлэхгүй л бол хичнээн мөнгө орж ирсэн ч эргээд оймс бандааш, байцаа, төмс, меканинтай сүү болоод нөгөө мөнгө маань буцаад л гараад явчихна...
-
Д. Алмас 2009-10-24 04:07 бичсэн.Бас л нэммээр болчихлоо. Гадагш экпорлох нь чухал биш эхлээд дотоодоо хангачих нь л чухал байна. Малын ноосноос хөвөн даавуу шиг утас, даавуу гаргаж болохгүй юу? Утас даавуугаа өөрсдөө дотооддоо хийдэг болоод гоё гоё хувцасны үйлдвэрүүд гарч ирвэл уг нь...
-
+1 "Энүүхэндээ" гэхлээр хор найруулж бас л хуваагаад идэх гэж бга юм шиг сонсдох бишүү 1/3 » Ц. Буянцогтоо
Д. Алмас 2009-10-24 04:09 бичсэн.Бас яагаад энэ сэдвийнхээ гарчгийг ийм болгоод сольчихов оо? Хуучнаар нь байлгасан нь дээр биш үү? Шал өөр утгатай болоод байна шүү дээ!!!
-
-2
Б. Гантулга 2009-10-24 10:53 бичсэн.Алмасаа чи айхтар хотжсон хүн бололтой. Хөдөө рүүгээ чиглэсэн хөгжлийн бодлого боловсруулж байж улс даяараа хөгжих учиртай. Хотдоо анхаараад хөдөөгөө мартчихвал нөгөө нүүдэл шилжих хөдөлгөөн л ихсэж хот улам олон хүн амтай болон ачааллаа даахгүй хэмжээнд хүрнэ. Нөгөө утаа гэмт хэрэг, машины түгжрэл энэ тэр бол бүр илүү ихсэнэ. Тийм болохоор хөдөө орон нутагт бараа үйлчилгээг хурдан хугацаанд бага зардалаар хүргэж байхын тулд замаа сайжруулж бүх аймгуудыг засмал замтай болгох хэрэгтэй. Зам дагаж хөгжил ирнэ гэдэг шүү дээ. Ийм тулга тойрсон чавганц шиг бодолтой байж болохгүй шүү анд минь. Хөдөөд маань 40 сая мал байдаг учраас л бид ядуу ч гэсэн арай ч африкийн хүмүүс шиг өлсгөлөнд нэрвэгдэлгүй амьдарч болоод л байдаг байхгүй юу. Хотод олон зуун мянган ажилгүй залуучууд хөдөө амьдарч байгаа аав ээжээсээ үнэгүй хоол хүнс залгуулж, хавар самнасан жаахан ноолуур, нядалж авчираад зарж байгаа мах сэлтээс нь хумсалж байр машин авч унаж тансаглаж амьдарч байдаг юм ш дээ. Сүү ууж сүүл хөхөж өссөн хүн энэ шүлгийг сайн ойлгоно. Харин хар ус ууж хаамир хөхөж өссөн хүн бол энэ шүлгийг ухаж ойлгохгүй биздээ.
Залуус дүү нартаа хүргэх шүлэг
Yзээд єнгєрєх амьдралыг мєнхийн юм шиг бодож
Vдлээд буцах хорвоог vvрдийн юм шиг сэтгэж
Залуу идэр насаа хєгшрєхгvй юм шиг санаж
Замба тивийн элгэн дээр туйлж яваа дvv нар минь ээ!
Єнгє алаг энэ хорвоо дээр
Єєрийн сайндаа чи тєрєєгvй
Єдєр єдрийн нарыг vзэж, тэнгэрийг харах
Єндєр их тавилан хайрласан аав ээждээ баярла!
Насан буурал ээж чинь vнээний дэлэн шувтарч
Намрын хvйтэн шєнє, зэлэн дээр жихvvцэж суугаа
Амтат бяслаг, хуруу зузаан єрмийг нь
Амьхандаа чамд л хадгалж, замын унаа хvлээнэ
Єр авлага нэхэхгvй эхийн сэтгэлийг хvvхнvvд орлохгvй ээ!
Євєл болохоос урьтаж ээждээ нэг очоорой
Эгмийн чинь яс хугарахад аавын тань цээж євдєж
Эдгэртэл нь адилхан шархтай явдаг шvv
Ширхэг ширхгээр цайсан vс нь чамайг хvлээсэн хоногийн тоо
Шинэ цаснаас урьтаж аавдаа нэг очоорой!
Євлийн шєнє талд яваа аавыгаа vе vе бодоорой
Єєрєє чи дулаан хєнжилд хэвтэж буйдаа гэмшээрэй
Зуун олон хоног хєдєлж, олж хураасан бvхнээ
Зарж vрж бєєн бєєнєєр нь чамд л харамгvй илгээх юм
Зоогийн газар чи тvvнийг нь шар айраг болгож
Зовж амьдарсан эцгийнхээ хєлсийг нь уух хэрэггvй ээ
Энд чи буруудаж явахад эцгийн тань нэр доргино
Эрдэнэт буурлаа хайрлаагvй бол эх орноо хайрлах ч юу л бол
Амьдралынхаа туршид хайрлаж явах аав гэдэг хvн
Алтан нар шиг ганцхан шvv
Vр хvvхэд тєрлєє гэж баярлаж явах цагтаа
Vс нь буурал єтгєсийг хаа нэгтээ нутаглуулж буйг санаарай
Хоног єдрvvдийг жаргалтай vдлээ ч дvv минь
Хорвоогийн юм бvхэнд эцэс буйг санаарай
Орчлонгийн шуугиан амьтан хvний хэл ам
Орон хотын утаа унирааас холдож
Аян замын тоосоо гvвээд
Аавынхаа гэрийн босгыг алхаж нэг vзээрэй
Эргэнэгийн тэндээс хувин сав хангинуулж
Ээж чинь хvv минь, гэсээр босч ирнэ
Амсар дvvрэн цайтай гангар шаазангаа алдаж
Азай буурал хєгшин яахаа мэдэхгvй сандчина
Аав чинь гэрийн хойморт Алтайн уул шиг ханхайж
Аливаа нэгэнд барьц алдахгvй уужуу тайван сууна
Манан нэвтлэх одод шиг нvд гялалзаж
Малгайгаа ємсєн нударгаа засаж, ирж vнсvvлэхийг чинь хvлээнэ
Тєрсєн гэр чинь дулаан галын илчинд нозоорч
Тєгєлдєр орчлонгийн диваажин эцгийн гэр болохыг мэдэрнэ
Морьд vvрсэх хээр талдаа аргалын утаа vнэрлэж
Модон тагштай єрєм идэж, ээжийнхээ гараас цай ууна
Тансаг сайхныг бишрэн орчлон ертєнцєєр хэрэн явлаа ч
Тал нутагт наран мандаж, гэрийн цэнхэр утаа суунаглан
Хуйлран давхих зээрийн сvрэг толгод дамжихаас илvv сайхныг
Хурмастын доор vзээгvйгээ мэдэрнэ чи!
Моод хєєсєн хотын ганган хvvхнээс илvvгээр чи
Монгол дээлтэй хєдєєгийн бор бvсгvйг хайрлана!
Євгєн хорвоод зуун жил амьдрахгvй ч хогшил хураагчаас
Євлийн шєнє моддыг єрєвддєг аавыгаа илvv ойлгоно чи!
Харь холын шуугиант хот, неоны гэрэл, машины чимээнээс
Харгуй зам, булаг шанд, хоттой хонио илvv ойлгоно чи!
Ухаан балартам тачигнасан эстрад хєгжмийн чимээнээс илvv
Учирлаж аргадсан ардын дуундаа дасна чи!
Дээдийн номтой мэргэдийг эрж дэлхийгээр тэнэх хэрэггvй
Дэргэдээ байгаа суут ухаантныг дэндvv ойшоолгvй явснаа бод!
Ариун vнэн, зовлон бэрх, хайр ухааны
Амин голд нэвтэрсэн мэргэд-аав ээж хоёр тань юм шvv!
Амьдрал тэднийг гvн ухаанд сургаж
Адгийн муу амьтныг ч єршєєх, аугаа их сэтгэлтэй болгожээ
Ачит ээждээ алчуур аваачих хэрэггvй
Аавдаа шил юм єгєх хэрэггvй
Айлын хvvхэд хуурах хэдэн чихэр ч хэрэггvй
Аль алинаар нь тэд дутаагvй
Эрт цагт гэрээсээ гарсан єєрийгєє л
Ээж аав хоёртоо хvргэж єг
Эрийн цээнд хvрсэн чамайг харахаас илvv
Эрхэм бэлэг хєгшцvvлд vгvй ээ!
Учир мэдэхгvй нялх багадаа ч
Ухаан суусан идэр насандаа ч
Уул овоо шиг юмыг ах нь
Улс амьтанд амлаж явлаа
Асарч тэтгэсэн ээж аавынхаа
Ачийг нэг мєсєн хариулж
Амттаныг идvvлж, єнгєтнийг ємсгєж
Алтан аяганаас уулгахын дайтай
Андуурч эндvvрч явлаа
Одоо л нэг ээж аавыгаа жаргаая гэтэл
Орчлонгийн тоглоом даанч хатуу
Алба ажлын эрхээр алс газар одоод
Аян замыг хороосоор яаран яарсаар ирэхэд
Аав минь энэ хорвоогоос явчихсан байлаа
Хvvтэйгээ л нэг уулзмаар байна даа, гэж ээжид минь хэлсэн гэдэг!
Хvслийн сvvлч нь ганцхан энэ л байсан юм шvv!
Чи зэмлэл хvлээж, зэргийн нєхдєдєє орхигдож болно
Чи зээрийн янзага шиг хєєрхєн бvсгvйдээ хаягдаж болно
Харин аав ээж чинь сэрvvн тунгалаг байж
Харьж ирэхийг чинь хvлээхээс илvv жаргалыг
Хамаг орчлонгоос хайж эрэвч олдохгvй
Алдааг минь та нар бvv давтацгаа!
Аав ээжийгээ амьдад нь амжиж баярлуулцгаа!
Алтан дэлхийд vvнээс илvv гавьяаг ах нь мэдэхгvй
Vзээд єнгєрєх амьдралыг мєнхийн юм шиг бодож
Vдлээд буцах хорвоог vvрдийн юм шиг сэтгэж
Залуу идэр насаа хєгшрєхгvй юм шиг санаж
Замба тивийн элгэн дээр туйлж яваа дvv минь!
Єнгє алаг энэ хорвоо дээр
Єєрийн сайндаа чи тєрєєгvй
Єдєр єдрийн нарыг vзэж, тэнгэрийг харах
Єндєр их тавилан хайрласан аав ээждээ баярла!
/О. Дашбалбар/
-
Ц. Буянцогтоо 2009-10-24 13:06 бичсэн.Өөр хэлэлцүүлэгт хийсэн постоо энд давхар оруулъя:
----------------------------------------------------------------------------
Үндэсний үйлдвэрлэлээ хөгжүүлэх, газрын баялгаа ашиглах, атар газрыг эзэмших ... энэ бүхэн 200 жилийн өмнө дэлхий дээр болоод өнгөрсөн аж үйлдвэрийн хувьсгалын ойлголтууд. Монгол маань 200 жилийн дараа энэ хувьсгалыг хийж байна. Хийхгүй гээд ч яах билээ дээ.
Гэхдээ нэг юмыг бодъё. Дэлхий дээр өнөөдөр юуны хувьсгал явагдаж байна вэ? Мэдлэгийн нийгмийн хувьсгал явагдаж байна.
Тэгвэл бид энэ хоёр хувьсгалыг хамтад нь хийхгүй бол болохгүй.
Монгол хэдийгээр манжийн колоничлолд олон зуун жил байсны уршгаар аж үйлдвэрийн хувьсгалд оролцож чадаагүй ч, өнгөрсөн зуунд Лээнин багштай учирснаар боловсролын гайгүй сайн системтэй болж, ард нийтээр бичиг үсэгт тайлагдаж чадсаан. Богинохон хугацаанд Монголчууд боловсролын хувьд боломжийн түвшинд очиж чадсан юм. Энэ бол монголчуудыг оюуны чадамж өндөртэйг гэрчилнэ.
Тиймээс бид аж үйлдвэрийн хувьсгалыг мэдлэгийн нийгмийн хувьсгалтай хослуулан хийх ёстой.
Энэ хоёр хувьсгалыг хослуулан хийхэд гадаадад сурч юм үзэж нүд тайлсан залуусын оролцоо зайлшгүй чухал.
Газрын баялаг хязгаарлагдмал
Оюуны баялаг хязгааргүй
-
+1
Ц. Буянцогтоо 2009-10-24 13:19 бичсэн.Энэ хэлэлцүүлэгт дэвшүүлж байгаа миний гол санаа бол нийгэмдээ БОЛОВСРОЛЫН ХЭРЭГЦЭЭГ, МЭДЛЭГИЙН ХЭРЭГЦЭЭГ бий болгох тухай юм шүү. Тэрнээс гадаад руу хүн явуулж сургахад 100 сая доллараа заръя гэж байгаа юм биш. Нийгам нь мэдлэгийг хэрэглэдэггүй байхад хүмүүс нь юм сураад яах билээ? Зөвхөн уул уурхайгаа хөгжүүлэх тухай яриад, олсон мөнгөө хүмүүстээ зүгээр өгдөг нийгэмд нэг их боловсрол мэдлэг хэрэггүй. Боловсрол, мэдлэгийг үл ойшоон үздэг ТӨРИЙГ эхлээд цэвэрлэмээр байна, зөв тогтолцоонд оруулмаар байна ... За энэ ч хэцүү асуудал юм байхаа даа. Гэхдээ л юм ойлгодог залуус бид үүний төлөө тэмцэх хэрэгтэй гэж бодох юм.
Энэ хэлэлцүүлэгт гарч буй бас нэг чухал санаа бол З.Энхболд гишүүний дэвшүүлж буй ИННОВАЦИЛАГ БҮТЭЭГДЭХҮҮН, БИЗНЕС-ийг хөгжүүлэхэд дээрх 100 сая долларийг зарцуулах тухай юм. Би энэ чиглэлийг маш хүчтэйгээр дэмжиж байна. Магадгүй, дээр өгүүлсэн нийгэмд боловсролын хэрэгцээг бий болгохын тулд төрийн тогтолцоогоо шинэчлэх гэдэг санаанаас илүүтэйгээр инновацийн эдийн засгийг хөгжүүлэх тухай бодитой алхам хийх нь илүү дөт зам байж болно. Инноваци гэдэг маань өөрөө шинэ зүйлд суралцах тухай, судлах тухай, мэдлэгийг бүтээх тухай ойлголт юм. Өөрөөр хэлбэл, мэдлэгийн хэрэгцээг бий болгох салбар.
Мэдлэгт суурьтай эдийн засаг, нийгмийг хөгжүүлэх нь бидний явах ёстой зам мөн.
-
Д. Алмас 2009-10-24 13:34 бичсэн.Өөрийн мөрөөдлийг л бичсэн бүлгээ. Одоо ч бас бяцхан тархиныхаа хэмжээнд сэтгээд бичиж байгааг минь ойлгож хүлээж авна буй заа. Ярилцаж, надад хандан хариулж байгаад бүр ч их баяртай байна :-)
@Б. Гантулга
Андаа би уг нь хөдөөг бүр хаяна гэж хэлээгүй. Харин хөгжлөө хөдөөнөөсөө биш хотоосоо эхэлье л гэж хэлээд байна. Бууз хийхдээ эхлээд бидэнд мах, гурил байж байж дараа нь гурилаа зуураад, элдээд, махаа хөшиглөөд, чимхээд дараа нь жигнэдэг байх. Болохгүй бол чаначихсан ч болно. Гурил, мах ч үгүй байж шинэ жигнүүр худалдаж авах хэрэг одоохондоо алга. Бүх мөнгөөрөө жигнүүр авчихаад хоосон суух гэж үү?
Хот хөгжилгүй хөдөөг хөгжүүлнэ гэж хий дэмий зардал гаргасаар л байна. 1000-ны зам бариад л хөгжчих юм болсон, хэдийгээр ирж очих нь сайхан байгаа ч гэсэн хөгжил урагш ахиж байгаа нь харагдахгүй л байна. Харин ч урагш тавигдсан замаар дээр хэлсэн бидэнд ашиггүй экспорт, импорт хийгдсээр байна шүү дээ. Уг нь тэр зарцуулсан мөнгөөр дотоодын хэрэгцээгээ хангах үйлдвэрүүдийг хөгжүүлж, жижиг дунд бизнесүүдийг дэмжиж чадсан бол өдийд гадагш гаргалгүй хуримтлуулж олсон мөнгөөрөө хөдөө зам барих гээд сууж байсан байх ч юм билүү...
40 сая төгрөгтэй болчихоод шууд байр авсан нь дээр үү? Эсвэл оффис түрээслээд, нэг жижиг бизнес эхэлсэн нь дээр үү?
@Ц. Буянцогтоо
Санал нэг байна л даа. Гэхдээ энэ мөнгөөр хийгээд байх асуудал мөн үү? Тогтолцоог өөрчлөх, төрийн байгууллагуудын ажилтнуудыг мэдлэгтэй болгох??? Тэрэнд Оюу толгойгоос орж ирж буй хөрөнгийг зарцуулна? Нэг л бууж өгөхгүй байна л даа. Тэгээд ч ард түмэн ийм зүйлд зарцуулахыг зөвшөөрөх үү? Хэт хийсвэрлээд байгаа юм шиг санагдах юм...
Нийт хүмүүсийн ухамсар төлөвшиж, тэнд байгаа ажилчид, дээгүүр доогуурх харилцааг устгахад мөнгөөр яаж, юу хийх вэ? Ерөнхийдөө дотоодын үйлдвэрийн татварыг л 0-лүүлж чадвал гадаадад байгаа олон залуус ирээд, Монголдоо байгаа залуус маань ч өөрсдийн компанийг байгуулаад, энэ "төр"-ийн хийгээд байгаа мундаг ажлуудыг уг нь хувийн компаниуд хямд төсөр, бас элдэв хүндрэлгүйгээр, "өөриймсөг" хийдэг болчих юм шиг? Төрийг сайжруулна гэж байхаар хувийн компаниудыгаа л дэмжиж сайжруулмаар юм шиг. Ямар ч хүн нийтийн юмнаас, хувийн юм аа илүү л хөгжүүлнэ дээ...
Мэдлэг, технологийн хувьд залуус дор бүрнээ хичээгээд, сураад явж л байна. Гол нь бидэнд одоо энэ татварын дарамт л байгаа юм биш үү?
Үйлдвэрлэл, ядаж дотоодоо хангах "баялаг бүтээх" гарт баригдах "бодит" зүйлс яалт ч үгүй хэрэгтэй болчихоод байна. Гэхдээ хөдөөд зам барьж орж ирсэн мөнгөө үрчих үү? Эсвэл эхлээд нөгөө хөдөө рүүгээ зөөх юмаа өөрсдөө үйлдвэрлэдэг болчихоод дараа нь зөөх замаа барих уу? гэдэг бас бодох хэрэгтэй юм шиг?
Бас нээрээ Японд дөнгөж Их сургууль төгссөн оюутан өөрийн компани байгуулаад төсөл бичээд тэр төсөл нь үнэхээр хэрэгтэй, биелэх боломжтой зүйл байвал 0% хүйтэй 3 жил хүртэл хугацаатай ( гэлүү дээ, хугацааг нь бас сайн санахгүй байна) зээл авч болдог гээд байгаа. Уг нь ийм байдлаар хувийн жижиг дунд бизнесийг дэмжээд, хүн бүр дор бүрнээ хөдөлмөрлөөд, баялаг бүтээгээд эхэлбэл л хөгжих байх. Мэдээж юм хийж байгаа хүн суралцах, шинэ технологи нэвтрүүлэх, бусдаас туршлага судлах гээд зөндөө шинэ шинэ шаардлагууд гарч ирнэ, хийгээд явж байгаа компани, хувь хүмүүс нэгэнт тулсан шаардлагаа давах гээд л аяндаа хөгжөөд явчих юм шиг...
Импортын бус жижиг дунд бизнесийн татварыг 0-лэх тийм боломж энэ тэр байдаг болов уу? Хэрэв хотод ноос, ноолуураа боловсруулдаг болчихвол яваандаа хөдөөнийхөнд ч хэрэгтэй. Ядаад хямд сайн оймс хийдэг болчихвол тэдний хэрэглээ ч бас хямдрах баймаар...?...
-
Хийхэд амар биш л дээ. Хийе гээд орсон нэгэн нь өөрөө занганд ороод л дуусах мэт харагдах юм. 1/9 » Н. Одпүрэв
Ц. Буянцогтоо 2009-10-24 14:26 бичсэн.Төрийн шинэчлэл гэдэг бол нийгэмд хийх ёстой нэг том инноваци л даа. Иймэрхүү зүйлсийг хэт хйисвэр, эсвэл хэт том, одоо хийхэд эртдэнэ ч гэх юмуу, хүмүүс ойлгохгүй гэх байдлаар ханддаг нь бидний боловсрол дутаад байгааг л харуулж байх шиг санагддаг юм. Төр бол үнэхээр том хар мангас мөн. Энэ хар алмасаас (сорри Алмасаа) салах нь хамгийн чухал гэж бодож байна. Монголчууд чинь төрөө бурхан шиг шүтдэг сэтгэлгээтэй. Энэ хар алмасын нэрийн бариад л хүмүүсээ улам харанхуй болгоод байх юм. Жнь, 2 хүн өрсөлдөх үед 1 нь сайд дарга бвал илүү давуу талтай болох жишээтэй.
Төрийг шинэчлэхийн тулд одоо байгаа ялзарсан боловсон хүчний давхаргыг шинэ залуу чадварлаг боловсон хүчнээр солих тогтолцоог бий болгох хэрэгтэй. Үүнийг хийхийн тулд тэр өмхөрсөн давхаргыг зүгээр л заазалчихаж болохгүй шүү дээ. Тиймээс нэг гоё үлгэр зохиогоод гадагаадад явуулж сургана ч гэдиймуу, үнэгүй цалин малин өгнө ч гэдиймуу нэг л арга хэрэглэх хэрэгтэй байна даа. Шинэ ухамсар, шинэ үнэлэмжтэй залуусыг төрд оруулаад ард түмнийхээ тархийг зөв ухамсраар угаамаар байна. Гэхдээ энэ бол гэцүү гэдгийг мэдрээд л байна л даа ...
-
Харин тийм, тэр тусмаа өмнө өөрийн чинь хэлсэн МАА-д тулгуурлах тал дээр санал 1 байгаа... 1/1 Д. Алмас
Н. Одпүрэв 2009-10-24 14:41 бичсэн.Өчигдөр цагийн хүрдээр мэдээ үзэж байхад дотоодын үйлдвэрлэлийг дэмжих бодлого хэрэгтэй байгаа нь харагдаж л байна. Хүмүүс хийгээгүй биш хийж байна, чадаж байна. Түүн дээр нь төр маань дэмжээд туслаад өгөх хэрэгтэй. Энэ жил улсаас 30 тэрбум төгрөгийг жижиг дунд үйлдвэрлэлийг хөгжүүлэхэд зарцууллаа. Хөнгөлөлттэй зээл хэлбэрээр олгож байна. Энэ мэтээр дэмжлэг хэрэгтэй. Гэвч бизнес эрхлэх хүмүүс маань зээлээ авахын тулд зээлийн баталгааны сан хэрэгтэй байна. Үүнийг ч гэсэн шийдэж болох.
За даа тэгээд хөдөөрүүгээ чиглэсэн, орон нутгийн хөгжил, эдийн засаг, дэд бүтцээ дэмжсэн цогц бодлогын хүрээнд л ажлын байрыг нэмэгдүүлэх, үйлдвэрлэлийг хөгжүүлэхэд системийн шинэчлэл чухал харагдаад байгаа гэж бодож байна.
УБ-ын маань утаа асуудал ч гэсэн бид нэг амьсгаагаар шийдэх зүйл биш л дээ. Гэр хороололд амьдарч байгаа 130 орчим мянган айл өрхийг яаах ч билээ. Утаагүй зуух, янз бүрийн технологиор хийсэн түлш гээд л сонсогдоод л байсан. Гэвч тэднийг худалдаж аваад хэрэглэх бэл бэнчин дутмаг байна. Утааг багасгах нэг арга нь орон нутгийн хөгжлийг бий болгож хөдөөрүүгээ хүмүүсээ татах нь хурдан хугацаанд хэрэгжүүлэх арга байх гэж бодож байна.
Хөдөөд хөгжил бий болоод иргэд тэнд амьдрах баталгаатай, амжиргааны эх үүсвэр, ажлын байр, дэд бүтэц нь байвал хүссэн хүсээгүй хөдөөд хүмүүсийн төлвөрөл бий болно. УБ-ын гэр хорооллын айл өрх багасна. Дагаад утаа ч багасна биз гэж бодхийн.
-
Д. Алмас 2009-10-25 01:41 бичсэн.@Ц. Буянцогтоо
Аанхан. Гэхдээ энэнд заавал тэр мөнгийг зарцуулаад тэр төрийг өөрчилнө гэдэг, бас л нэг л сонин л сонсогдоод байх юм...
"Тиймээс нэг гоё үлгэр зохиогоод гадагаадад явуулж сургана ч гэдиймуу, үнэгүй цалин малин өгнө ч гэдиймуу нэг л арга хэрэглэх хэрэгтэй байна даа." тэгээд энэ үлгэрт итгээд одоогийн энэ байр сууриа орхиод тэр хэлээд байгаа алмас чинь бүтнээрээ явах уу?
Сольж өөрчилнө гээд л байвал Монголчуудыг бүхлээр нь бүх хүмүүсийг л өөрчлөх болно. Дараа дараагийнх нь үнэхээр зөв хүн нь очоод тэр суудалд сууна гэсэн, бас дахиад одоо байгаа хүмүүс шигээ болчихгүй гэсэн баталгаа байхгүй. Сайхан сайхан хүсэл эрмэлзлэлээр дүүрэн хүмүүс яваад л ордог, хэдэн сарын дараа харин ч мундаг гар хөл болоод явж байгаа нь ч байгаа л байх...
Тиймээс зүгээр л одоо байгаа хүмүүсээр нь хэдэн чухал шийдвэрийг л ямар нэгэн байдлаар тэмцээд ч юм уу гаргуулах, бас муу шийдвэр гаргуулахгүй байх тал дээр тэмцвэл илүү үр дүнтэй юм шиг ээ?
@Н. Одпүрэв
Уг нь ч заавал хотод гэлтгүй төмөр замын дагуух өөр нэг хот ч юм уу байж болно л доо. Аль ч тохиолдолд, төмөр болон засмал одоо байгаа зам, эрчим хүчээ түшиглэж байж л үйлдвэр барьж хөгжих хэрэгтэй болно. Дээр нь нэмэгдээд бохир зайлуулах систем гэсэн маш том зүйл бий. Бас тэндээс гарсан бүтээгдэхүүнээ хамгийн бага зардлаар хамгийн олон хүнд хүргэх хэрэгтэй болно...
Хэрэв хотоос хол нэг үйлдвэр барьчихвал энэ асуудал нэлээн хэцүү л болно доо. Наанадаж л бүтээгдэхүүнээ хот руу зөөж борлуулах замын зардал гээд л... Тиймээс түр хөдөөгийн асуудлаа хойш нь тавьж байгаад утаатайгаа ч байсан эхлээд жаахан ч болов өөрсдөө бүтээгдэхүүн хийдэг, гаднаас мөнгө олж ирээд байдаггүй юм гэхэд дотроо байгаагаа гаргаад байдаг аа л багасгамаар байна. Түүний дараа бол хөдөө рүүгээ чиглүүлэх, хүн амын байршлын талаарх өөр цогц бодлогууд, төрийн дэмжлэгтэйгээр явуулсан ч болох...
Ер нь одоо байгаа юман дээрээ тулгуурлаад "эцсийн бэлэн бүтээгдэхүүн" үйлдвэрлэж дотоодоо хангах л их чухал байна.
Бас нэг зүйл нь ямаагаа багасгах их чухал байна даа... Ямаанд биш үхэр, хонинд 3000 өгдөг болбол уг нь...
-
Д. Алмас 2009-10-25 01:54 бичсэн.Энэ мөнгийг ард түмэнд хувьцаа хэлбэрээр тараагаад, харин хувьцаагаа хүмүүс зөвхөн дотоодын үндэсний үйлдвэрлэл, жижиг дунд бизнесийг дэмжиж зарцуулах боломжтой болговол яадаг бол?
Түүхий эд, болон бүтээгдэхүүний 5(10)%-аас дээш импортлодог бол энэ хувьцааг эзэмшиж зарцуулах эрхгүй ч гэдэг юм уу дүрэмтэйгээр тийм тусгай хувьцаа гаргаж тараавал болох болов уу?
Тэгвэл сонгууль шиг үйлдвэр, бизнес эрхлэгчид хүмүүсийг татаж тэр хувьцааг нь цуглуулан цугларсан хөрөнгөөрөө үйл ажиллагаа цааш явуулж хөгжвөл.
Тэгвэл хүмүүс мөнгөө ч авсан болно, бас өөрснөө хааш зарцуулах аа сонгох боломжтой болно байх.
Харин цагаан сарын бэлэг, оймс бандаашинд Эрээн рүү гаргахгүйн тулд иймэрхүү аргаар үзвэл яадаг бол?
-
-2
Б. Гантулга 2009-10-25 11:42 бичсэн.Удтал хэлэлцсэний үр дүнд ноосоор хийсэн гэрийн дулаалга бол эсгий гэдэг юм байна гэдгийг ойлгож авсан нь сайшаалтай.
-
+1 Тэнэг зүйл хэлсэн байна гээд Улстөрийн амлалтыг буцаах тохиолдол олон улсад гарч байсан болов уу? :) 1/2 » Т. Гантулга
Ц. Буянцогтоо 2009-10-26 00:10 бичсэн.Хэлэлцүүлэг өрнөж байна. Олон чухал санаа гарч байна. Хамгийн гол нь энэ процесс надад болон бусад оролцогсдыг өөрсдийн бодол санааг бусадтай хуваалцах боломж олгож байгаад утга учир байгаа гэж бодож байна.
Монголын улс төрчид яагаад зүгээр мөнгө тараана гэх мэтийн тэнэгийн тэнэг санааг бодож олоод 100 сая дайлуурын тоо бичсэн самбар тэврээд тэлэвийзээр марсайтал инээгээд гарч байдаг вэ? Ганц монголын улс төрчид ч биш энэ дэлхий дээрх улс төрчид бүгд ийм л юмыг хийж явдаг. Анх тэр хүүхэд бүрт мөнгө өгнө гэдгийг Гүнбалай гишүүн гадны хүнээс сонсож ирээд АН-ын сонгуулийн амлалт болгож оруулаад сонгуулиар овоо олон суудал авч байсан паянтай шүү дээ. Тэгэнгүүт ХуНам арай нэг өөр хувилбар гаргаад ... ингэж явсаар 1 сая төг, 1.5 сая төг... цаашлаад ОюуТолгойгоос олсон бүх мөнгийг ямар нэг нэртэй сан байгуулаад өгөөд байя гэдэг юман дээр л 2 том нам цэц булаалддаг болсон. Одоо бол өдөр болгон Эрдэнийн хувь гэнээ, гүй ээ Эх орны хишиг гинээ гээд л үзээд байгаа...
Ер нь яагаад Монголын болоод гадны улс төрчид ингэж Тэ1-тээд байдаг юм бээ?
Зөвхөн манай хэд биш, дэлхийн орнуудын улс төрчид ихэнх нь л ингээд байх шиг, эсвэл овоо хэдэн жилийн өмнө заавал манайхантай адилхан юм хийж байсан байх жишээтэй.
-
+1
Ц. Буянцогтоо 2009-10-27 01:27 бичсэн.Улс төрчид яагаад ийн сонин сонин үйлдэл хийж, заримдаа бүүр тэнэг гэмээр юм хийж, ярьж явдаг вэ? Үүнийг би саяхан болтол ойлгохгүй явлаа. Гэтэл үүний учир нь ардчилал хэмээх хүн төрөлхтний бүтээлийн охь манлай болсон нийгмийн тогтолцоонд байдаг юм байна. За охь манлай нь биш юм гэхэд үүнээс өөр сонголт лав байхгүй юм гэсэн. Улс төрчид бол нийгмийн л бүтээгдэхүүн. Ер нь чиг тухайн нийгмийн нэлээн гайгүйхэн толгойтой, за толгойтой биш юмаа гэхэд бусад байдлаараа бусдаас давуутай сүйхээтэй, чадалтайд тооцогдох хүмүүс нь улс төрчид болно. За улс төрчид хийгээд улс төрийн намын хамгийн эрхэм зорилго юу вэ? Энэ бол сонгуульд ялах. Ардчилсан тогтолцоогоор бол олонхийн санал авч сонгуульд ялсан нь улс төрийн зорилгоо хэрэгжүүлнэ. За ер нь сонгогдох гэдэг нь анхдагч зорилго гэж ойлгож болох байх. Хамгийн эхлээд олонхийн санал авч сонгогдож байж олон таван юмаа ярьна.
За тэхлээр, сонгогчдод таалагдаж тэдний хүсэлд нийцсэн сонгуулийн хөтөлбөр гаргаж байж олонхийн санал авна. Энэ бол хууль. Тиймээс улс төрчид сонгогчдын дийлэнх олонх юуг хүсч байнав гэдгийг судлаад тэрэнд таарсан хөтөлбөр гээчийг гаргаад үзэж тарна.
Тиймээс манай улс төрчид тэнэгтээ ч биш, манай сонгогчдын дийлэнх нь хэдэн бор юм л хүсч байна гэдгийг мэдчихээд тэрэн дээр ажиллаж байгаа нь энэ. Яалтай ч билээ, улс төрчид хийгээд улс төрийн бодлого бол тухайн нийгмийн л тусгал аж.
Улстөрчдийг, тэдний бодлогыг шүүмжлээд суугаа мань мэт бол сонгогчдын дийлэнх олонхид орохгүй, цөөнхөд орно. Улстөрчид тэнэг биш, нийгэм дэхь хар массийн түвшин л тийм байна даа.
-
Цаадуул тэгээд шаардахаар хийгээд эхлэнэ гэж үү дээ? Хийх тусмаа илүү их идэж ууна ш дээ. 1/3 » Б. Гантулга
Д. Алмас 2009-10-27 09:33 бичсэн.http://news.gogo.mn/r/61343 энд бас нэг ийм зүйл бичсэн байна :(
Тэгэхээр тэр улс төрчдийг сольж байснаас харин тэднийг шахаж шаардаж, өөрсөддөө хэрэгтэй шийдвэрүүдийг л гаргуулдаг болох хэрэгтэй байна. Биднийг төлөөлж, бидний хүссэн зүйлсийг хийх ёстой хүмүүс уг нь тэнд сууж байгаа юмсан даа...
-
Н. Одпүрэв 2009-11-17 17:56 бичсэн.Хөгшид, нийгмийн эмзэг бүлэгт хамаардаг, өрх толгойлсон эхчүүдэд эхний ээлжинд 500,000 төгрөг өгөх талаар ярьж байна. Нэгэнт амласан бол өгөх л ёстой гэсэн ард түмний гэх тодотголтой байх суурь цухалзаж байна. Эдийн засгийн хямралтай энэ цаг үед манай улсын баялаг бүтээдэггүй нийгэмрүү мөнгө ихээр урсгавал улам ч хямрааж болох ч бизнес эрхлэгч эрхэмүүд маань ашиг хонжоо харж шуналгүй, болж байсан, олж байсан ашгийнхаа хүрээнд л бараа, үйлчилгээнийхээ үнийг нэмэхгүй байх ёс суртахуунтай байгаасай гэж бодох юм. Гэвч үүнд итгэж найдах ч бэрх биз.
Хариулт Бичих
- Сайтын агуулга, зорилгод нийцсэн байх
- Бусад гишүүдэд хэрэгтэй мэдээлэл байх (Хувийн биш!)
