Сүүлд шинэчлэгдсэн
- Өөрийгөө шинэчилж өө... 1313
- 21 хоногт ном солилц... 185185
- ЕБС-ийн Багш нарыг х... 2626
- Biznetwork эсвэл ... 1515
- Ирландын зам буюу ха... 2929
- Авилгалтай тэмцэх га... 44
- Монгол хүн бүхний до... 1313
- Дэлхий сүйрэхэд Та б... 113113
- Хэрвээ маргааш миний... 8282
- Монгол улсад тулгамд... 66
- Багаар ажиллах чадва... 2121
- Харьж очих эх орон б... 5757
- Та ямар, ямар төрлий... 1212
- Үйл ба үр эсвэл үйли... 4949
- Цагаан сар ба бууз... 4646
Шинэ оны сайхан үг бүхнийг энд бичээрэй
Амжилт бүтээлийн гэрэл цацарсан
Аз жаргалийн мөнгөн жимээр
Урам зориг хүсэл тэмүүллээр дүүрэн
Угтах он айлчлан ирлээ
Цаг хугацааны түүх болон үлдсэн хуучин оноо
Цаглашгүй их амжилт үйлсээр үдэж
Он цагийн тооллоор учран золгож байгаа шинэ жилээ
Од хийморь, орчлонгийн сайн сайхан бүхнийг билэгдэн угтацгаая,
Хариулах
Холбоотой сэдвүүд
-
ШИНЭ ЖИЛЭЭР хамгийн дотны хүмүүсээ хэрхэн баярлуулах вэ?
Хэлэлцүүлэг, С. АЯКО
2009-12-30 10:56 нэмсэн.
18 хариулттай Хариулах -
Өвлийн өвгөнөөс ямар бэлэг авмаар байна.
Хэлэлцүүлэг, С. Мөнх-эрдэнэ
2009-12-08 12:07 нэмсэн.
270 хариулттай Хариулах -
Шинэ жилийн электрон мэндчилгээ
Хэлэлцүүлэг, Л. Лхасүрэн
2009-11-25 08:59 нэмсэн.
26 хариулттай Хариулах
Хариулт (100)
-
A. Odmaa 2009-12-04 09:51 бичсэн.Цалгилан долгилон он солигдож
Цасан өмсгөл ертөнцийг бүрхэж
Оюу эрдэнийн өнгөөр орчлонг чимж
Одот тэнгэрийн зурваст 2010 он түглээ
Ертөнцийн түмэн учрал
Ерөөл тавилангийн замыг заах цаг хугацаа та
2010 оныг заалаа.
Цагийн зүү 24.00 –ийг заахад
Хүн төрөлхтөний түүхийн нэгэн хуудас эргэж, Шинэ бүхэн сэрнэ.
Амжиж Та хүслээ шивнэж
Зорьсон бүхнээ 2010 онд биелүүлээрэй
-
С. Энхтуяа 2009-12-04 16:00 бичсэн.Мөрөөдөл биелэх мөч ойртож
Мөнгөн шөнөөр шинэ он айсуй
Будар будар цаснаар буурал дэлхий хучигдаж
Болор шилэн жүнзэнд оргилуун дарс нь оргилсон
Баяр баярын дээр шинэ жил ирлээ
Бүлээрээ бүжин бүжин баярлаарай
Хотлоороо хонон өнжин баярлаарай
Ирж буй жилд юу санасан есөн цагаан хүсэл тань биелэх болтугай.
Та шинэ онд өмнөө ямар зорилго тавьж байна вэ?
Та хүрч чадна. өөртөө итгээрэй. Танд амжилт хүсьe!
http://www.biirbeh.mn-ээс
-
Э. Чимгээ 2009-12-05 12:38 бичсэн.та буxэн бугд аз жаргалтай байг ! шинэ он танд шинэ итгэл найдвар шинэ гэрэл гэгээг авчираx болтугай Бас xайрлуулж xайрлаж байxаа битгий мартаарай :))))))))
-
-2
Б. Нармандах 2009-12-05 19:36 бичсэн.Сайхан шинэлээрэй!
Энэ чинь одоо аргын тооллын цагаан сар юм шүү дээ.
-
А. Цолмон 2009-12-06 09:15 бичсэн.Сайхан шинэчлээрэй!
Энэ чинь шинэ хуучны зааг юм шүү дээ.
Манай бизнетворкчууд Шинэ хөгжлийн шинэлэг сэтгэлгээтэй болсон болохоор
Сайхан шинэчлэл хийх Сайны ерөөл дэвшүүлье.
Эдийн баяныг Эрдмийн баянаар шинэчилж
Эдийн төлөө алдсан бүхнээ эргүүлэн олж авахыг ерөөе!
Гаднаас эд баялаг хайж харийн улсад хүчээ өргөн, хүн чанар, нандин бүхнээ алдах бус
Дотоод баялагтаа нэвтэрч Эрх чөлөө, Эр бяр, Эрхэм нандин чанараа эргүүлэн олж авахыг ерөөе
Монголын Гүн ухаанд нэвтэрч
Дэлхийн хүн ардыг аюулаас гэтэлгэхийг ерөөе!
Энэ сайн ерөөлийг улам баяжуулж дээш дээш нь өргөн дэвшүүлэхийг
Эрхэм хүндэт Бизнетворкчуудаас хүсье!
-
+5 -4 Та одоо болиоч. Гэрэл гаднаас орж ирдэг юм уу? Монгол ухаанаа мэдэхгүй болоод ингээд байна уу? 1/1 О. Долгион
Ж. Бат-Оргил 2009-12-06 12:41 бичсэн.Сайхан шинэчлээрэй!
Энэ чинь шинэ хуучны зааг юм шүү дээ.
==Юуг шинэ юуг хуучин гэх вэ? Зааг нь хаана байдгийн, алив хаа байдын акха акха
Манай бизнетворкчууд Шинэ хөгжлийн шинэлэг сэтгэлгээтэй болсон болохоор
Сайхан шинэчлэл хийх Сайны ерөөл дэвшүүлье.
==Биз-д чам шиг хуучинсаг хүн алгаа. Чи ба чамаас шинэлэг гэсэн хүмүүс л байгаа.
Эдийн баяныг Эрдмийн баянаар шинэчилж
Эдийн төлөө алдсан бүхнээ эргүүлэн олж авахыг ерөөе!
==Эрдмээр баян хүн эдийн баялагийг бүтээдгийншдээ. Албан тушаалтанд өгсөн авилгаа олж авна гэвэл бүтэхгүй ч гэсэн сайхан санаа байна.
Гаднаас эд баялаг хайж харийн улсад хүчээ өргөн, хүн чанар, нандин бүхнээ алдах бус
Дотоод баялагтаа нэвтэрч Эрх чөлөө, Эр бяр, Эрхэм нандин чанараа эргүүлэн олж авахыг ерөөе
==Сүүдэр газар өнгө гэрэл бүрдээгүй өндөөр гэгчийн цагаан ургамал ургадаг. Түүнийг ямар ч ямаа тоож иддэггүй. Гаднаас гэрэл оруулж намхан ч гэсэн үзэмж төгс шим тэжээлт цэцэг тарьцгаая.
Монголын Гүн ухаанд нэвтэрч
Дэлхийн хүн ардыг аюулаас гэтэлгэхийг ерөөе!
==Яг Монголын гүн ухаан гэвэл Шаманизмаас өөр юм байхгүй. Одоо шаманизм-д итгэж явдаг улс орон ганц гарын 5 хуруунд багтана биз. Шинжлэх ухааны философи, хавтгайрсан дэлхийн тухай яригдаж буй энэ үед хүн төрөлхтний туулаад өнгөрүүлсэн гүн ухааныг дэвэргэж ярих нь дуутай тэнгэрийн хургүй үүлнээс ялгаагүй.
Энэ сайн ерөөлийг улам баяжуулж дээш дээш нь өргөн дэвшүүлэхийг
Эрхэм хүндэт Бизнетворкчуудаас хүсье!
==Хэн аль ерөөлийг сайн гэсийн ингэхэд.
хэл амыг билүүдмээр санагдав.
-
+4 -3
А. Цолмон 2009-12-06 13:43 бичсэн.Бат-Оргил түм түжигнэсэн арлын оронд зөвхөн өөрийгөө болгон
Өчүүхэн шоргоолж адил амьдрах бус Агуу ихэд тэмүүлж
Өргөн талдаа зорин ирж, өргөн цар хүрээтэй сэтгэх болтугай
Өвөг дээдсийнхээ агуу ухаанд суралцаж өөрийгөө танин нээх болтугай.
Өөрийгөө нээсэн Бат-Оргил хавтгай дэлхийг ханаруулан өөрчилж
Буруу хөгжлийг буцаан хамаг олныг жаргаах болтугай!
-
+3 -5 Сайхан ерөөл хэлж буй нэгийгээ элдвээр хэлэх нь таны насны монгол хүнд хэр зохисотой авир юм бол оо? 1/1 О. Долгион
Ж. Бат-Оргил 2009-12-06 14:05 бичсэн.золиг чинь толгой холбоод байгаа юм уу даа.
логик алдаатай маань уншаад байна уу эсвэл...
-
А. Цолмон 2009-12-06 14:12 бичсэн.Хэрүүл биш ерөөл, хараал биш хамгийн билигтэй сайхан үг бичээрэй
Шинэ оноо билигтэй сайхан үгээр угтацгаая гэж Мөнхдөл энэ сэдвийг нээсэн байх юм.
-
Тиймээ хийдэд суудаг тарнийн лам шиг үг бүр нь ариун байж үйлдэл бүр нь амьтны тусд чиглэх болтугай! 1/1 А. Цолмон
С. Мөнхдалай 2009-12-06 14:17 бичсэн.хорвоод нэг нас нэмэгдэхийн баяр
хойшдын аз жаргалаа ерөөх баяр
та нартаа хамгийн хамгийн гэх бүхэл аз жаргалыг хүсье.
-
+3 -2
Ж. Бат-Оргил 2009-12-06 16:29 бичсэн....Өвөг дээдсийнхээ агуу ухаанд суралцаж өөрийгөө танин нээх болтугай.
Өөрийгөө нээсэн Бат-Оргил хавтгай дэлхийг ханаруулан өөрчилж...
Бат-Оргил нь өөрийгөө хэд нээгээд хаагаад байнааааа
-
+4 -3
А. Цолмон 2009-12-06 17:12 бичсэн.Өвөг дээдсээ үгүй ядаж хүндэтгэн үзэж байж тэдний боловсруулсан гүн ухааныг ойлгоно.
Монгол хүн Монгол ухаанаа ойлгож байж бүрэн нээгдэнэ.
Одоо бол бид өөрсдийгөө өндөр хөгжилтэй, мундаг мэдлэг боловсролтой гээд бодчихсон болохоор
өвөг дээдсээ мунхаг мулгуу байсан гэж дүгнээд байгаа. Тэгвэл энэ хөгжлийн чинь хөшигийг Долгион гэж хүү хангалттай яраад энэ бизнетэд зөндөө бичсэн. Танай японд хүртэл байж байгаад ирсэн хүү байдаг шүү.
Орчиндоо уусч хүн гэдэг мөн чанараа алдаад баас шээстэйгээ холилдон урсах балчиг, усыг ууж баялагийг хог болгон хувиргах орчин үеийн бид мунхаг уу?
Онгон дагшин байгальдаа олон зуун жил жинхэнэ эрх чөлөөг эдэлж ирсэн бидний өвөг мунхаг уу?
Үүнийг Долгион ямар ч тэнэг хүн ойлгохоор яруу тодоор бичсэн байгаа. Түүний гал цогтой олон бичлэгийг уншиж урам зоригоо сэргээн жинхэнэ Бат-Оргил гэж хэн бэ? гэдгийг дотроосоо нээж олоорой.
Бат-Оргил өөрийгөө бүрэн нээхийн цагт өөрөөсөө гэрэл цацруулан бүгдийг Гэгээрлийн замаар хөтлөх болно. Тийм цаг удахгүй ирэх болтугай гэдэг сайны ерөөлийг өргөн дэвшүүлье.
-
+5
Н. Түвшин 2009-12-06 19:49 бичсэн.Бат-Оргилоо чамайг Бурхан шиг өөрөөсөө гэрэл цацруулах болтугай гэж ерөөсөн байх юм.
баярлалаа ч байдаггүй ерөөл бат оршигээ ч байдаггүй юу? өмнөөс чинь би хэлье дээ
ЭНЭ ЕРӨӨЛ БАТ ОРШИХ БОЛТУГАЙ!!!
-
+3
Ц. Халиун 2009-12-06 22:11 бичсэн.Едер цаг бухэн елзий буян
Од гариг бухэн онцгой сайн
Муу сэтгэлээ ялагч бухэн зовлон угуй
Мунхгийн нойроос сэрэгч бухэн чадал тегелдер.....
-
+4 -6
Ж. Бат-Оргил 2009-12-07 10:43 бичсэн.баярлллллооооооо
Зүүүүүүүн талын тэргүүүүүүүүүүүүн магнай сонсооооооооо
Цолмонг амлая ёооооооооо
---------------------------------------------------------------------------------------
Өвөг дээдсийнхээ ур ухааныг би муулах гээгүй ээ.
Өвөг дээдсийнхээ гүн ухааныг ойлгох нэг хэрэг, харин түүгээр замнах нь бүр ч өөр хэрэг юм.
Замнах дээрээ тулбал УЛАМЖЛАЛ гэж юу вэ гэсэн мундаг тодорхойлолттой тулна. Уламжлал гэж юу вэ гээд ярьвал ШИНЭ БА ХУУЧИН гэдэг ойлголтыг ойлгох хэрэгтэй болно. ШУ-ны философид удаан мартагдсан ХУУЧИНГ ШИНЭ гэнээ гэх ерөнхий нэг томъёолбор байдаг.
Гэвч энэ өгүүлбэрт нь нэг засвар байдаг. Тэр нь тэр хуучинаас ямар нэг зүйл нь их бага хэмжээгээр заавал өөрчлөгдсөн байх хэрэгтэй гэсэн нэмэлт тодотгол засвар байдаг.
Үүгээрээ юу хэлэх гээд байна вэ гэвэл ОРЧИН ЦАГИЙН ГҮН УХААН НЬ ЭРТНИЙ ГҮН УХААНААС, ЯАЖ ТАЙЛБАРЛАХААРАА ЯЛГААТАЙ гэж хэлэх гээд байна.
Нүүдэлч малч амьдралын философиор 21-р зууны хүмүүний амьдралыг хаа хүртэл тайлбарлаж аль өөрийгөө хүртэл ойлгох вэ Цолмоон?
Үнэндээ бол эртний гүн ухаанууд догматик шинж нь давамгайлж реализмыг үгүйсгэсэн байдаг гээд хэлчихэд нээх худлаа болохгүй болов уу.
Дээр бичсэнчлэн ШИНЭ, ХУУЧИНЫ онолын дагуу бол эртний гүн ухаан нь орчин цагийн гүн ухааны үндсэн нэг нэгдэл болох болохоос биш тэр чигээрээ хэрэглэгдэх учиргүй зүйл юм.
Нэг жишээ бичье.
Байгаль дэлхийгээ хайрлан хамгаалах тал дээр өвөг дээдэс эцэг эх маань хүүхэд залуусдаа лус савдаг, тэнгэр тахилга ярьж хүмүүжүүлж ирсэн. Харин одоо бол Дэлхийн дулаарал, озоны давхарга гэх мэтээр арай бодит биет жишээн дээр тайлбарлаж буй.
Дахин нэг жишээ,
н.Адъяа овогтой Цолмон та нягтлан бодогч мэргэжилтэй юм байна. Магад та 1980 онд энэхүү мэргэжлийг эзэмшсэн гэж үзье. Тэр үеийн ня-бо бүртгэлийн үндсэн аргачлал одоо ч ашиглагдаж байгаа тийм үү. Гэтэл 1980 оны ня-богийн ангийн оюутны үзэж буй хичээл, одоогийн оюутны үзэж буй хичээлийг харьцуулаад үзээрэй. Хуучнаас нь хаягдаад шинээс нь нэмэгдээд орсон сургалтын програмаар явж буй. Ядаж л эксел гэдэг програмыг ажиллуулж үзсэн оюутан төгсөж байгаа.
Би үүнийг энэ хүнд нэг хэлмээр санагдаад байсын. Бусдаар би Монгод очоод өөрийгөө нээж буй нь энэ гээд ганцаараа гиюүрч сууснаар улс орон хөгжих ч үгүй. Би тэгж чадах ч үгүй. Япон гэхээр ямар диваажин юмуу. Хүний амьдралыг туулаад л явж байна даг дэг дог.
-
Х. Хангал 2009-12-07 11:53 бичсэн.Дуугай л ийшээ ороод сайхан үгнүүдээ харчих хэрэлдэж байхаар яаршиг зүгээр www.bolod.mn энд байгаа угаасаа
-
+3 Шаманизм - бөө мөргөл. Ж. Бат - Оргил ах Монголд бөө мөргөл л байсан гэж боддог юм шиг байна... 1/1 О. Долгион
А. Цолмон 2009-12-07 19:42 бичсэн.Юуны өмнө Мөнхдөлөөс хүлцэл өчье! Ийм их маргаан дагуулна чинээ санасангүй.
Хамгийн сайхан ерөөлөө л хэллээ гэж санасан юм сан.
гэтэл Бат-Оргилын асуултад хариулж гомдлыг барагдуулах хэрэгтэй боллоо.
Асуултад эхнээс нь хичээн хариулахыг оролдоё. Та ч бас ойлгохыг хичээж уншаарай.
Хоёр тал адилхан хичээж байж харилцан ойлголцолд хүрнэ байх.
==Юуг шинэ юуг хуучин гэх вэ? Зааг нь хаана байдгийн, алив хаа байдын акха акха
-ШИНЭ НЬ: Эрх чөлөө, Энэрэл, хайр юм. Энэ бол хэзээ ч хуучирдаггүй мөнхийн шинэ сэдэв
-ХУУЧИН НЬ: Ягшмал үзэл баримтлал, элдэв хэв загвар, заавар журам юм. Энэ бол үргэлж хуучирч шинэчлэгдэж байдаг. Одоо үндсээр нь шинэчлэх цаг ирсэн.
-ЗААГ НЬ: амрыг бодоод бэлэн юм хуулж тавия.
“....Яагаад зарим нэг америк хүн бизнесийн ирээдүйтэй нэлээд чинээлэг амьдралаа хаяад, өөрийн зоргоор дураараа амьдрах гудамжны амьдралыг сонгон хог түүж голоо зогоох болов оо? Тэд яагаад ийм шийдвэр гаргаад байна? Нэг хүний хариулт сонирхолтой бөгөөд чухам үнэнийг энгийн үгээр хэлсэн байгаа юм: БИ МӨНГӨТЭЙ БОЛ МӨНГӨТЭЙ, БИЗНЕС МААНЬ ӨСӨХ ИРЭЭДҮЙТЭЙ ХҮН. ХАРИН БИ ЮУ Ч ХИЙХГҮЙ АМЬДАРМААР БАЙНА. БИ ӨӨРӨӨРӨӨ БАЙМААР БАЙНА. БАЙНГЫН СТРЕССТ ӨӨРСДИЙГӨӨ ХҮЛДЭГ НААД НИЙГМЭЭС ЧИНЬ АНГИД БАЙХ ЖИНХЭНЭ ЖАРГАЛ БАЙДАГ ЮМ БАЙНА. ТА НАР ҮҮНИЙГ ОЙЛГОХГҮЙ. ЯМАРТАЙ Ч БИ УРЬДНЫ АМЬДРАЛАА БУЦААЖ АВАХЫГ ОГТХОН Ч ХҮСЭХГҮЙ БАЙНА. ХУДАЛ ХУУРМАГ ДУНД АМЬДРАГЧИД АА гэж хэлсэн байдаг....
http://biznetwork.mn/topic/show/9290/1#comment_body_190712 бүрэн эхээр нь эндээс уншаарай.
Бас сүүлийн үед манай нутгаар мотоциклтэй, дугуйтай явган нүцгэн шар толгойтнууд их явах болжээ. Тэд хаа тааралдсан газраа хоноглож юу тааралдсанаа идэж ууж зарим нь ч тун ядарч л байх шиг харагддаг. Гэхдээ тэр нь тэдэндээ жаргал бололтой юмаа. Яагаад гэдгийг та мэдэх үү?
Хашаанд хашигдсан ямар ч амьтан мал түүнээс гарахыг тэмүүлдэг. Гэтэл хүн гэдэг ухаант амьтан тэднээс бүүр ч илүү эрх чөлөө рүү тэмүүлэх нь тодорхой.
Тэд үргэлжийн ажил амьдралын , захиалагч харилцагчийн, цаг үе орчин нөхцлийн олон шахалт шаардлага, даргын дарамт, ажлын ачаалал, нийгмийн стресс элдэв дүрэм, заавар журам гээд за би тоочиж мэдэхгүй нь тэр бүхнээс ангид өөрөөрөө байхын жаргалыг эрж хайж өөрийнхөө чадах чинээгээр эдэлж яваа нь тэр.
Зааг нь юу вэ? гэдгийг эндээс ойлгов уу?
Хүмүүс ягшмал хэвшмэл амьдралаас залхаж өөрөөрөө байх эрх чөлөө рүү тэмүүлж байна.
Ажлын ачаалал, нийгмийн стресс, элдэв хиймэл зохиомол хэв загвараас залхаж үндсэндээ хиймэл амьдрал зохиож түүнээсээ ядарч сульдаад эрүүл байгальдаа эрүүл амьдрахыг хүсч байна.
==Биз-д чам шиг хуучинсаг хүн алгаа. Чи ба чамаас шинэлэг гэсэн хүмүүс л байгаа.
Анх би хуучинсаг болохгүй бүтэхгүй бүхнээр дуудуулж л байсан байх. Одоо тийм биш болсон. Хүмүүс чөлөөт шинэлэг сэтгэлгээнд татагдаж хэрхэн ганцаараа амьдрах, өөрөөрөө байх талаар асууж сурж, үзэл бодол нэгдэх хүмүүс олон болсон. Өөрийгөө шинэчилж байж бусдад нөлөөлнө. Өөрөө эрх чөлөөг мэдэрч байж бусдад түгээнэ. Сайхан шинэчлэл хийх Сайны ерөөл дэвшүүлсэн минь буруу гэж үү?
==Эрдмээр баян хүн эдийн баялагийг бүтээдгийншдээ.
Бид баялаг бүтээгээгүй баялагийг хог болгон хувиргаж байна гэж Долгион мөн ч олон хэлсэн дээ. Би ч дахин бичихээс залхуурч түрүү бичсэнээ оруулая.
“...Харин баяны зэрэглэлийг Монголчууд хэрхэн тодорхойлдог байсныг та мэднэ дээ.
Эхний баян эрдэм ном
Дунд баян үр хүүхэд
Адгийн баян эд хөрөнгө гэдэг байхаа?
Харин ямар эрдэмд суралцдаг байсныг мэдэх үү?
Эх болсон зургаан зүйл хамаг амьтныг би амар амгаланд удирдах агуу их сартваахи (удирдагч) болъё гэж суралцдаг юм.
Эх болсон зургаан зүйл хамаг амьтан гэдэг нь хүн төрөлхтөн, дэлхий ертөнц гэдгээс хичнээн өргөн ухагдахуун болохыг та гадарлах л биз дээ? Тэнгэр лусыг ч захирч өөрийн эрхээр байлгах нь байна шүү дээ. Ийм агуу чадал хүчийг эзэмшихийн төлөө суралцаж амжилтад хүрсэн энэ агуу үндэстэн энэ ертөнцөд хэнээр тусгаар тогтнолоо хүлээн зөвшөөрүүлнэ гээд явж байх юм бэ?
Харин бид муу цагийн аясаар ийм эрдэм байдгийг ч мэдэхгүйгээс үр хүүхдээ үйлдвэр үйлчилгээний ажил мэргэжилд сургаж боловсролын систем маань өөрөө боол улсыг бэлдэж байна. Адгийн баян эд хөрөнгө гэж эдийн баяныг эрхэмлэвэл адгийн боол улс болдог юм байна гэдгийг л Монгол улсын шашин үгүй 70 жилийн түүх харуулж байна....” http://biznetwork.mn/topic/show/8579/1
==Сүүдэр газар өнгө гэрэл бүрдээгүй өндөөр гэгчийн цагаан ургамал ургадаг. Түүнийг ямар ч ямаа тоож иддэггүй.
-Тийм байх. Санал нэг байна. Үүнтэй адил нар салхи нэвтэрдэггүй дөрвөн ханаар хүрээлэгдсэн шавар байшинд боловсорсон бодлого, тэндээс олсон мэдлэг ямар ч ямаа тоож идэхээргүй өндөр цагаан ургамал шиг ямар ч шимгүй байдаг болоод л Монголд суурин амьдрал тохирсонгүй.
== Гаднаас гэрэл оруулж намхан ч гэсэн үзэмж төгс шим тэжээлт цэцэг тарьцгаая.
-Санал нэг байна. Хүн гэдэг байгалийн, бас сэтгэлийн амьтан болохоор байгальдаа татагдаж, сэтгэлдээ дийлддэг. Сэтгэл бүхнээс хүчтэй. Тийм болохоор биеийн ая тухад захирагдах ягшмал амьдралын бачим хүлээсийг тастах хүч таны сэтгэлд бий. Тэр хүчийг олж авахын тулд Дотоод сэтгэлээ анирдах чөлөөт орчныг бүрдүүлэх хэрэгтэй. Түүний тулд эрүүл байгальдаа гарч эрч энергиэ сэлбэж Гаднаас гэрэл оруулж намхан ч гэсэн үзэмж төгс шим тэжээлт цэцэг тарьцгаая.
==Яг Монголын гүн ухаан гэвэл Шаманизмаас өөр юм байхгүй. Одоо шаманизм-д итгэж явдаг улс орон ганц гарын 5 хуруунд багтана биз.
-Шаманизм гэж юу хэлээд байгааг би мэдэхгүй. Мэдэхийг ч хүсэхгүй. Ямар нэг нэр томъёололд мэргэших гэж өөрийгөө зовоодоггүй нь миний давуу бөгөөд сул тал. Давуу нь юу вэ? гэвэл өөрт хэрэгтэй мэдлэгээ олж авахад саад болохгүй сайн талтай. Сул тал нь үгээр давах гэсэн хүний аманд унах л байх. Тэглээ гээд над гонсойх юмгүй.
==Шинжлэх ухааны философи, хавтгайрсан дэлхийн тухай яригдаж буй энэ үед хүн төрөлхтний туулаад өнгөрүүлсэн гүн ухааныг дэвэргэж ярих нь дуутай тэнгэрийн хургүй үүлнээс ялгаагүй.
Монгол ухаан бол юун дуутай тэнгэрийн хургүй үүлтэй харьцуулах. Далай мэт гүн, огторгуй мэт хязгааргүй. Монгол ухааныг хэмжих аргагүй. Энд би зөвхөн өөрийн мэдэх хэдхэн үгийг өөрийн хэмжээнд тайлах гээд оролдоод үзье.
Эх нь булингартай бол адаг нь булингартай гэж үг бий.
Гол усаа эхнээсээ бохирдуулвал эцэстээ уух усгүй болно хэмээн Монголчууд гол устайгаа хэрхэн зөв харьцах гайхамшигт зан заншилыг боловсруулсан.
Буруу замаар будаа тээвэл буцахдаа шороо тээнэ.
Өөдөө хаясан чулуу өөрийн толгой дээр бууна гэж үг бий.
Задгай тэнүүн амьдралд хүний ухаан задарч уужирдаг болохоор Монголчууд задгай тэнүүн амьдралыг сонгож нүүдэлчин соёлыг хөгжүүлсэн. Энэ бол зөв зам. Зөв замаар хөгжсөн ухаан улам тэлж уужирч алс хэтийг харсан агуу бодлого боловсруулдаг бол Тэнүүн амьдралд ухаан нь задраагүй шавар тагзанд шавааралдан амьдарч ирсэн улсууд , өөдөө чулуу хаяж, өмнөө нүх ухаж, ухсан нүхэндээ унаж, өөдөө шидсэн чулуундаа өөрөө оногдож явдаг.
Жишээ нь: Орон сууцны тавлаг амьдрал. Энэ бол нүүдэлчин соёлоос улбаатай бус, шавар тагзанд шавааралдан суусан суурин соёлоос улбаатай өөдөө шидсэн чулуу. Дэлхий нийтээрээ цэвэр усны гачигдалд ороод байгаа нь хүн төрөлхтөн өөдөө шидсэн чулуундаа өөрөө оногдож байгаа нь тэр.
Энэ бол байгалийн сүйрлийн зөвхөн нэг л жишээ. Үүнээс гадна хүмүүний оюун сэтгэл хэрхэн ядууран доройтож байгааг бизнетийн олон олон хэлэлцүүлгээс олж харж болно
Хүмүүний сэтгэл оюун ядуурч байгалийн баялаг шавхагдаж, дэлхийд сүйрэл нүүрлээд байгаа нь бодитой тоо баримт дээр түшиглэсэн бодит үнэн болоод байхад маргах гэж оролдож байхаар Монголын гүн ухаанд нэвтэрч дэлхийг аврах арга хайсан нь дээр гэж би бодож байна.
==Хэн аль ерөөлийг сайн гэсийн ингэхэд.
Монголын гүн ухаанд суралцаж дотоод баялагтаа нэвтрэхийн цагт мөнгөний төлөө үйлчлэх бусармаг амьдрал зогсож бултаараа жаргалын дээдийг эдлэнэ. Үүнээс илүү сайн ерөөлийг одоохондоо би олоогүй байна.
==Бат-Оргил нь өөрийгөө хэд нээгээд хаагаад байнааааа
Бат-Оргил түм түжигнэж бум бужигнасан арлын Японд өөрийгөө хичнээхэн нээх билээ дээ? Өчүүхэн төдий нээе гэтэл түжигнэсэн чимээ нь саад хийгээд, бужигнасан хүмүүс нь тээр болоод тэнгэр баганадсан ханан хэрэм нь хашаад хаачихаж байгаа биз. Тэнд хаагдаж байхаар тэнүүн талдаа ирж тэнийтэл нээгдвэл яасан юм бэ?
Тал минь намайг явчихаар тал л болдог юм уу даа
Талдаа ирэхээр би ч бас бүтэн болдог юм уу даа гэж манай нутгийн найрагч ахын шүлэг байдаг юм.
Монголын тэнүүн тал чамайг үгүйлж, Монголын тэнэгэр талдаа л чи өөрийгөө жинхнээсээ олж нээх болов уу даа.
==Нүүдэлч малч амьдралын философиор 21-р зууны хүмүүний амьдралыг хаа хүртэл тайлбарлаж аль өөрийгөө хүртэл ойлгох вэ Цолмоон?
Хүний нийгэм гэдэг чинь тэргүүлэгч нэг хэсэг байхад зөвшигч, сөргөлдөгч, чирэгч чирэгдэгч гээд олон хэсгээс бүрдэнэ. Та хаана нь явна вэ? гэдгээс л аль хүртэл тайлбарлуулах вэ? гэдэг хамаарах байх.
==Байгаль дэлхийгээ хайрлан хамгаалах тал дээр өвөг дээдэс эцэг эх маань хүүхэд залуусдаа лус савдаг, тэнгэр тахилга ярьж хүмүүжүүлж ирсэн. Харин одоо бол Дэлхийн дулаарал, озоны давхарга гэх мэтээр арай бодит биет жишээн дээр тайлбарлаж буй.
-Аль аль нь үнэн гэж би боддог. Тодорхой түвшинд гэгээрч байж тэнгэр, лус, савдагтай бодитоор харилцах байх.
-Дэлхийн дулааралын аюулыг бодитоор мэдэрч л байна. Сөнөхийн цагт нь бүрэн мэдрэе гэж шийдээгүй бол зөв буруугийн заагийг ялган салгаж оройтоогүй дээрээ зөв замаа сонговол дээр болов уу?
==н.Адъяа овогтой Цолмон та нягтлан бодогч мэргэжилтэй юм байна. Магад та 1980 онд энэхүү мэргэжлийг эзэмшсэн гэж үзье.
Юу вэ? Энэ чинь зургаатай мэргэжил эзэмшсэн болж таарахнуу? Та 1980 онд мэргэжил эзэмшсэн гэж ямар эх сурвалжаас авав аа?
==Бусдаар би Монгод очоод өөрийгөө нээж буй нь энэ гээд ганцаараа гиюүрч сууснаар улс орон хөгжих ч үгүй.
Энэ хөгжил зогсвол сайн л биз. Буруу хөгжил зогсвол мөхлийн аюул зогсоно. Энэ ямар их ашигтайг та төсөөлж байна уу?
==Би тэгж чадах ч үгүй.
Үзээгүй байж чадах чадахгүйгээ яаж мэдэж байгаа юм бэ?
Чингисийн удам Монголын эзэн чи байтугай харах хандах хүн хэн ч үгүй хаа газрын жирийн нэг шар толгойтнууд чадаад яваад л байна.
==Япон гэхээр ямар диваажин юмуу. Хүний амьдралыг туулаад л явж байна даг дэг дог.
Хойч үедээ ядаж л амьдрах орчин үлдээж байж хүн болж төрсний хэргийг хийх байх даа? Одоо бол хүн төрөлхтөн өөрсдийнхөө амьдрах орчныг өөрсдөө үгүй хийж байгаагаараа адгууснаас дор авирлаж байна бус уу? Яагаад гэдэг шалтгааныг олж мэдэхийн цагт энэ буруу хөгжлийг амархаан зөв гольдрилд нь оруулж болно. Шалтгааныг нь өнөө үеийн амьдралын бодит жишээн дээрээс хөөж байгаад амархаан олж болно. Шалтгааныг нь олчихвол буруу хөгжлийг буцааж зөв гольдрилд оруулах арга ч олдоно. Юм гэдэг чинь эв эгзэг нь таарахаараа амархаан гэж хэлээд байна шүү дээ.
Чадахгүй болохгүй, бүтэхгүй л гээд байх юм. Хүний амьдралыг ингэж туулдаг юмуу? Чадна, болно, бүтнэ гэж байж чаддаг бүтдэг юм даг дэг дог.
Би үүнийг энэ хүнд нэг хэлмээр санагдаад байсын.
-
Н. Түвшин 2009-12-08 13:58 бичсэн.Ха ха ха урамтай сайхан маргаан уншлаа
Урианхай ахынхаа шүлгээр хачир нэмэрлэе.
Дээлтэйгээ давхисан миний их өвгөд
Дэргэдээ морио аргамжиж
Дэрэндээ сэлэмтэй дугхийхдээ
Дэлхийгээ бодол дотроо гэр шигээ ачаалж
Алган дотроо хөөрөг шигээ эргүүлж
Эх Монгол хэлээрээ
Энх амгалан давхисан юмаа
Дээлтэйгээ давхисан миний их өвгөд
Дэргэдээ морио цулбуурпаж
Дэрэндээ номтой дугхийхдээ
Дэлхийгээ бодол дотроо гэр шигээ бодож
Алган дотроо уул шигээ харамлаж
Эгэл монгол суугаараа
Энх амгалан золгуулж мандсан юмаа
Хариулт Бичих
- Сайтын агуулга, зорилгод нийцсэн байх
- Бусад гишүүдэд хэрэгтэй мэдээлэл байх (Хувийн биш!)
