Тун удахгүй Монголд төдийгүй Азийн оронд өргөнөөр тэмдэглэдэг "Цагаан сар" тохиох гэж байна. Уг баяр нь билгийн тооллоор хаврын тэргүүн сарын шинийн 1-нд болдог уламжлалтай. Элгэн саднаараа цугларч, идээ ундаагаа дэлгэн, хотол түмнээрээ баярладаг тус баярыг Монголоос гадна Түвд, Хятад, Солонгос, Япон, Вьетнам зэрэг Азийн уламжлалт цаг тооллыг өнөөг хүртэл хэрэглэсээр ирсэн улс орнуудад өөр өөрийн өвөрмөц ёс заншлаараа өргөн тэмдэглэж ирсэн. Энэ жилийн хувьд манай урд хөрш, Солонгос, Вьетнам зэрэг оронд цагаан сарын баяр нэг өдөр тохиож байгаа нь онцлог юм. Ингээд орон орны цагаан сарын онцлогоос товчлон хүргэе.