Монгол инженерүүдийн ур ухаан, авьяас чадвараар бүтсэн цахим ном уншигч программын талаар уншигч та мэдэх болов уу. Тэгвэл “ВиЭсЭм” компанийхан гар утас, таблет дээр ном уншихаас гадна бүх төрлийн ухаалаг төхөөрөмжүүд дээр өөрийн сонирхсон номоо худалдан авч сонсдог байхаар бүтээжээ.



    Аудио буюу сонсдог номын хувилбараа өнгөрсөн долоо хоногоос эхлэн хэрэглэгчиддээ хүргээд байгаа тус компаний энэхүү системүүд нь орон зай цаг хугацаанаас үл хамааран ашиглагдахаас гадна овор хэмжээгээс эхлээд олон талт давуу талтай бөгөөд байгаль дэлхийд ч хор нөлөөгүй эко бүтээл гэж тодотгож болох юм.



   Түүнчлэн материаллаг зардал гардаггүй тул үнийн хувьд ч хэвлэмэл ном болон CD-нээс хямд байдгаарай давуу талтай гэнэ. Юутай ч ухаалаг хэрэглээг эрхэмлэдэг хүн бүхний сонголт цахим болон аудио номын талаарх дэлгэрэнгүй мэдээлэл авахыг хүсвэл www.bookstore.mn хаягаар зочилоход л хангалттай.