Өнгөрөгч 7 сарын 25-нд Канадын TD Банк бэлэн мөнгөний машинаа “Автомат талархлын машин” болгон хувиргаж, байнгын үйлчлүүлэгчиддээ амьдралыг нь өөрчлөх гэнэтийн бэлгүүд барьжээ. Энэхүү талархлын гэнэтийн бэлгээрээ 7-р сарын 25-ны өдөр Канадад байрлах банкны 1000 гаруй салбаруудын хэрэглэгчид тус бүрт 20$-ын билл бэлэглэсэн байна.

Торонто, Монтреал, Калгари, Ванкүүвэрт байрлах 4 салбарын онцгой Автомат талархлын машин үйлчлүүлэгчиддээ мөнгө, цэцэг, бэлэг зэргийг өгжээ.

Мөн тус банк 10 гаруй байнгын хэрэглэгчдээ урьдаас сонгон тусгайлан баярлуулсан аж. TD Банк Групын маркетингийн менежер Chris Stamper, “Манай салбарийн ажилчид үйлчлүүлэгчдээ маш сайн мэддэг бөгөөд дотно, сайхан харилцаатай байдаг. зарим үйлчлүүлэгчид маань үнэхээр сайхан сэтгэлтэй, тусч хүмүүс байдаг.” хэмээжээ.

Тус банк тэдгээр үйлчлүүлэгчдээ шинэ АТМ шалгах нэрийдлээр дуудан ирүүлжээ. Харин тэднийг юу хүлээж байгааг хэн нь ч таамаглаагүй байсан аж.