Довоо шарлуулах -Амиа аргалж, өөрийгөө бөөцийлж чадна гэсэн утгатай, харахад их л энгийн энэ үг маш эртний гаралтай үг бололтой.

Хувиа борлуулах гэдгийн тухайд эрт урьд цагт монголчууд ангийн олзыг дайралдсан хүнд хуваахдаа шороор хатгаж шарж идэх хувь гэж түгээж байсан ба өнөөх ангийн олзноос оногдсон түүхий махан “хувиа” өөрөө шорлон шарж, борлуулж болгож иднэ гэсэн утгатай.

Харин “довоо шарлуулна” гэдэг нь өөрийн малд (моринд) оногдсон бэлчээр (довыг)-ийг хувийн малаараа идүүлсээр “шарлуулах” буюу өвс ногоогүй болгоно гэсэн утгатай тулд энэ хоёр хоршоо үг ерөнхийдөө бол “өөртөө оногдсон хувийг эзэмшин чадна” гэсэн утга гаргадаг байна.

“Амиа аргалж, аягаа хонхойлох”гэсэн үгтэй утга дүйнэ. Энэ “аягаа хонхойлох” гэдэг нь дээр үед хүн бүр өөр өөрийн гэсэн аягатай бөгөөд тэр аягаа авч явж айлд орох, аян замд өөрийн аягаа гарган хоол цай хийж иддэг байжээ.