Apple компанийн дизайны багийн ахлах Жони бол Стив Жобсын ажлын хамтрагч төдийгүй сайн найз нь билээ. Хэдий Жобс нас нөгчөөд дөрвөн жил болсон ч гэсэн хамтран зүтгэгч нь түүнийг юу ч хийж байсан түүн дээрээ бүрэн төвлөрөх чадвартай байсан нь түүний гоц чадвар хэмээн дүгнэжээ.
Харин Жонигийн хувьд Жобстой ижил түвшинд анхаарлаа төвлөрүүлэх гээд ер чаддаггүй аж. Гэвч түүний хийдэг өдөр тутмын дасгал сургуулилтад нь ‘үгүй’ гэж хэлэх нь ямар их ханамжтай зүйл болохыг таниулжээ.
Бараг л өдөр бүр Жонид ганц л асуултаа тавьдаг байсан байна.
Жобс миний анхаарал төвлөрлийг сайжруулах гэж ихэд хичээнгүйлэн тусладаг байсан. Ингэхдээ “Чи өнөөдөр хэдэн удаа үгүй гэж хэлсэн бэ?” гэсэн асуулт тавьдаг. Жобсын хувьд олон удаа үгүй гэж хэлэх тусам сайн гэсэн үг. Бүр туйлын гэмээр анхаарал төвлөрөлтэй болохын тулд Жобс маш олон боломжуудаас татгалзаж байсан. Тэдгээр нь үнэхээр сайхан сонсогдож байсан ч хамаагүй. Үнэхээр их хүсч тэмүүлж буй зүйл рүүгээ нуруугаа харуулснаар гартаа барьсан зүйлдээ өөрийгөө бүрэн дайчилж чаддаг. Тухайн үед үнэхээр таагүй сэтгэгдэл төрөх хэдий ч хийж чадвал асар их үр дүнтэй. Сургуулилт болоод зуршлаас хамаагүй илүү. Энэ бол гайхалтай чадвар.
Жонигийн чадвар Стив Жобсын түвшинд хүрдэггүй байсан ч Жобс түүнийг миний мэдэх хамгийн сайн анхаарлаа төвлөрүүлдэг хүн хэмээн хэлж байсан удаатай.