Байгууллагын соёлыг асуухаас илүү хараад мэдвэл илүү үр дүнтэй. Тухайн байгууллагын ажилчид ажилдаа хэр сэтгэл хангалуун байдгийг эргэн тойрноо ажих төдийд л мэдэж болно. Ингээд дизайны мэргэжилтний өгсөн зөвлөгөөгөөр юуг олж харах хэрэгтэй болохыг зөвлөе:

1. Ресепшний хэсэг

Үүдний өрөөнд ярилцлага хүлээх зуур хүмүүс ресепшнтэй хэрхэн харилцаж буйг ажигла. Хэрэв энгийн ажилтнууд ресепшнтэй мэндэлж, энгийн яриа өрнүүлж байвал халуун дулаан уур амьсгалтай, хүн бүрд ижил хүндлэл үзүүлдэг гэсэн үг.

2. Хувийн орон зай

Тэдний ширээн дээр хувийн тэмдэглэл, гэр бүлийн жаазтай зураг байна уу? Ширээ, хувийн орон зайгаар хүмүүс хоорондын харилцаа мэдэгддэг бөгөөд ажлын ширээний тавиурнуудад хувь хүний шинж төрх, мэдрэмжээ хийх боломжтой, дээрээс зөвшөөрдөг болохыг харуулдаг.

3. Нийтийн ажлын байр

Сургуульд байхад самбар луу хараад сүүлд заасан хичээлийг мэдэж болдог байлаа. Үүний адилаар байгууллагын зарлалын самбар эсвэл хурлын өрөөний цагаан самбарнаас тухайн компани инновацид хэр ээлтэй болохыг мэдэх юм. Хэрэв саяхан бичсэн гэмээр шинэ бэхтэй бол хамтын ажиллагааг үнэлдэг орчинтой. Харин хэдэн сар арилгаагүй гэмээр байвал эсрэгээр гэсэн үг.

4. Угаалгын өрөө

Тус хамт олон, ажил олгогч эмэгтэй ажилтанд хэр ээлтэй бол? Үүний нэг сэжүүр бол угаалгын өрөө. Ариун цэврийн цаас, тампон, гарын алчуур, гар хатаагч, саван зэрэг хэрэглэл байна уу? Үүгээр эмэгтэй ажиллагсдын эрүүл мэндэд хэр анхаарал тавьдаг нь мэдэгдэнэ.